LE PREMIER VIF
0 sainete croix par la puissance
Dont je voy cy la remembrance.
Garde mon corps et ne consens
Que je perde aujourduy mon sens
Pour ceste gent hydeuse et morte
Qui telz nouuelle nous apporte.
Nouuelles dures cl peruerses
Las. entre les choses diuerses
Touchans notre fragilité.
De quoy nous ont dit vérité.
Mon poure cueur de paour tremble.
Quant trois mors ainsi vont ensemble
Deffigurés, hydeux, diuers
Tous pourris, et mcngés de uers.
Le premier dit : bien m'en souuient
Que mort receuoir nous conuient.
A grant angoisse et grant douleur *
Dont il me fîst muer couleur.
Et des amcs dist une chose
Que d'éclairer ne veult ne n'ose
Je croy c'est de leur dampnement
En enfer pardurablement,
Telz nouuelles ne sont pas bonnes.
Lassés nous, chétiues personnes
Pour quoy nous fist oncquez Dieu nestre
En ce méchant monde pour cstre
Si tost liurez a tel ordure.
De ma vie n'ay jamais cure
Car je voy que les gens qui uiuent
Tant de maleurté ensuiuent,
Que je prise trop mieulx d'assez
Le pouure estât des tréspassez.
Car tousjours sans fin durera
Ou celuy des vifz finera.
Et en Testai que tousjours dure
Chascun viure doit mcclre cure.
LE SECOND riF.
Est-ce donc a bon escient Que la mort nous va espiant Et qui nous fault ainsi morir.
N'est il homme qui secourir En puist pour or ne pour argent.
Hélas conuient il jeune gent A tel horribleté venir Onc mes ne m'en peult souuenir Mais je voy bien que c'est a certes Je voy les enseignes aperles.
De mort passerons les destrois Et deuenrons comme ces trois C'est la fin de nostre besogne, ilélas , hélas meschant charongne Mais que tu faces tes plaisirs Tes volontés, tes faulx désirs 11 ne te chault du remenant.
Or veons nous bien maintenant Que par toy sommes deceu Qui jusques cy te auons creu :
Car de nos ames pou te chault Sellés auront ou froit ou chault :
Fy, charongne qui rien ne vaulx.
Tu aymes mieulx les grans cheuaulx Les beaux habits si pou durables :
Et telles choses corrumpables Pour ton mauuez corps et rebelle Que tu ne fais une ame belle.
Et si scez bien que tu mourras Et en la terre pourriras.
Ou l'ame pardurablement \iura en joye ou en torment.
Pensons doncques si bien finer Qu'en joye nous puissons régner.
Bon y fait penser quant on peult Souuent on ne pense quant on veult.
