CHAPITRE XIIII

POUR son esbat, ou bien pour quelque cas, Non trop muny d'escuz ou de ducas, Va à Baugé, ou là fut quelque temps.

Mais, pour certain, ainsy comme j'entends. Tant se joua à prendre sa plaisance Qu'il luy tourna en grande desplaisance :

Car son argent bien souhdain luy faillit, Et le crédit aussy luy défaillit. Lors, quant se vit tumber en tel malheur, Il s'advisa faire le basteleur, Et amassa en son hostellerie Force mastins, vieulx chiens de boucherie. Les enfermant en une chambre seure; Puys à son hoste il dit : « Je vous asseure Que de ces chiens vous voirrez faire ung tour Que n'avez veu en chemin ou destour. » Puys tout soubdain fist sonner par la ville Ung tabourin, disant : « Ung homme habille Est en tel lieu, qui joue de passe-passe, Ayant bestes, des belles l'oultrepasse.

Bref, pour faire le faict et le deffaict. En ce monde, il n'y a plus parfaict.

Pour ung liard, voyra toute personne. » Vhoste à nully de ce cas mot ne sonne. Car, pour certain, il pensoit estre voir, Par ces matins, quelque nouvcaulté veoir. Gens sans nombre se sont là assemblez Pour veoir le jeu, ont lyards dessemblez, Quelz il pousa en sa bource ou bogueîte : Il ne luy chault qui de ce cas quacquette. Il ennuya d'escouter à la gent, Mais c'est tout ung, puys qu'il a de l'argent. Ces chiens hurlent, rechingncnt et habaient :

Les attendans d'enniiy la gueulle baient. Bref, quant il vit qu'il fut temps et saison De s'en sortir, et laisser la maison, Pour saigement jouer son personnage, Ilfist renger ung chascun par son eage, Faisant semblant leur aller demonstrer Cas merveilleux, et testes leur monstrer. Il va entrer en sa chambre à part soy. Et ferma l'huys, le tirant après soy, Pays resortit soubdain par la fenestre.

Sans qu'aultre bruict à l'hostel il fist naistre, Et s'en entra coyment emmy l'estable De la maison, [et] sans y estre stable, D'avanture, y trouva ung cheval.

Qu'il emmena , ou à mont, ou à val; Et pour le cas mieulx vous faire assavoir. On ne s'en sceuî jamais appercevoir Qu'il ne fust loing, sans sçavoir quelle part Avoit tiré, quant de là se départ.

Ainsy trompa Baugeoys pour ceste heure, Car il eut d'eulx et argent et monteure.

Comment, à son retour de Baugé, voullut acheter ung poullain qu'on ne luy voullut vendre, qu'il eust subtiliement.