CHAPITRE XVI

PAR chascuns ans, ung terme est limité, Le prochain jour après la Trinité, Qu'à Angers on fait publicque licence.

Et que les clercs de parler ont licence.

Dans le Pallais, sans qu'on ferme la porte,

Chascun, pour veoir et ouyr, se transporte,

Les harangues qui là se font et forment,

Et par raisons ensemble se conforment.

Or est ainsi qu'ung en l'acte se mist,

Et tel degré percevoir se soubzmist.

Non [très'] capable, mais en sçavoir fort rude,

Bien demonsîrant n'avoir aymé l'estude.

A Faifeu fist quelque fois ungfaalx tour,

Lequel pensa ce jour avoir retour,

Car, à l'heure qu'il faisoit la harangue,

Faifeu entra, non des parny de langue,

0 son cheval, qui estait si bien duyt

A le suyvir que par tout le conduyt,

Et fust monter la Tour de Babilonne,

Ou à aller jusques en Aquilonne.

Quant fut monté, en beau latin aorné,

Le sien parler aux Docteurs atourné,

Les suppliant admettre sa requeste

{Car bien sçavant estoit), sans autre enqueste,

Pour tant qu'estoit bien amé et congnu.

Le refuser nul ne fist l'incongnu,

Mais là luy fut bonne audience faicte,

Sans qu'on trouvast nulle excuse ou defaicte.

Lors devant tous dist : « Messieurs, attendez,

Je ne sçay pas comment vous l'entendez.

6o LA LEGENDE

Que mon cheval, qui de nature est noble,

Ne préférez à une teste ignoble :

Car je voy cy ung asne insencé,

Que esîre clerc vous avez dispencé :

Par quoy concludz, dessoubz correction,

Que ne debvez faire telle action,

Car, si degré à cest asne on tribu'é,

Je maintiendray que mal on distribue

Les facultez et îiltres de sçavoir,

Car mon cheval les doit plustost avoir. »

Les assistans tous se prindrent à rire,

De quoy Faifeu ce leur est allé dire,

Car en nul point il n'a temporisé,

Que le galland n'ayt bien vesperisé.

Mettre son nom je ne veulx ne ne doy^

Mais ung chascun le monstroit o le doy.

Tant qu'eust voulu, pour faire fin de compte,

Estre enfouy, tant avoit belle honte.

Ainsi Faifeu de luy bien se vengea,

Puis du parquet soubdain se desrengea.

DE PIERRE FAIFEU 6l

Comment Faifeu alla en Poictou, où en une hostellerie fist monter son cheval au guernier à l'avoyne.