CHAPITRE XXI

UNE aultre foys s'en alla, pour s'esbatre, A la Flesche, où fist, sans rien rabattre, Le tour qu'orrez ycy présent compter, Lequel vault bien peine le racompter.

Ung chascun sçait, et par tout est notoire. Qu'il n'y passe abbé protenotaire, Grant ou petit, de quelque estât qu'il soit. Qu'on ne mocque : ce cas ung chascun sçait ; Par ce, Hz sont appeliez coppieurs, Car à gaudir tousjours sont espieurs.

Or est ainsy que Faifeu s'y transporte, (lui tout soubdaln une coppie emporte D'ung cordouannier, qui le gaudist et raille Pour tant qu'avait pour cuir bottes de paille. Faifeu l'entend, qui pensa s'en venger Dedans bref temps; lors s'en alla renger Et se loger au meilleur lieu qu'il peut, Où bien faire ce traicter-là il sceut, Et y coucha la nuyt et fist grant chère. Le lendemain, sans faire longue enchère, Pour se venger de cil qui le mocqua, Ung serviteur de l'hostel evocqua, Luy requérant, sans faire longue pause, Ung cordouannier amener se dispose, Qui apporte houseaulx pour le houser, Luy affermant qu'ont esté si aoussez Luy dérober, d'où dernier est sorty.

Ses deux houseaulx, dont bien estoit sorty, Et n'y a nul, en ce lieu, qui en face, Parquoy il fault que jousqu'icy s'en passe. Le serviteur soubdain luy amena Le cordouannier qui si bien le mena A son entrée et luy fist mocquerie.

Faifeu s'en taist, et n'en dict mot ne crye; Mais marchanda, sans noyses ou rioîtes. Du coppieur une paire de bottes, Puys il se fist houser la jambe dextre,

Qui fust îresbicn, mais la jambe senextre

Il tinst roide, faignant la hotte estroicte,

Parqnoy souhdain sa jambe il a retraicte.

Et au maistre, qu'il voyait indigner

D'avoir failly, dist : « Jousqu'apresdisnerj

Reportez-la; qu'elle soit renfermée.

Tant que bien soit à l'aultre conformée. »

Ce que bien tost il fist sans contredict.

Incontinent Faifeu rencontre et dict

Au serviteur : « Mon amy, sans grant noyse,

Fais-moy venir, quelque part où tu voyse,

Ung cordouannier autre que cil qui vint.

Car il est cher. « Le serviteur revint

Et amena avecques luy un aullre,

Auquel il fist tout ainsi comme à l'aultre:

Car à son pied dont il n'estoit housé

Il a trouvé ung houseau disposé,

Et renvoya l'autre pour remboucher.

Puis, toutsoubdain, sans granments'esmouscher,

Il a disné, et payé sa despence;

Mais de payer les houseaulx se dispence,

Et s'en alla, se mocquant des mocquarîs,

Qui estiment les gens sots et coquarts :

Car d'eulx il eut, sans faire grant bataille,

Houseaulx de cuir pour ses bottes de paille.

Comment la dame d'une grosse maison où il hantoit perdit ung dyamant en sa maison, qu'il luy fist subtillement recouvrer.