CHAPITRE XXIII

LE bon mignon, en ses jeux et esbatz.

Ne laissait pas estre tendre du bas.

Or y avoit demeurante o sa mère Une servante et tresbelle commère.

Que fort aymoit, en désirant jouyr :

Le cas qu'il fist, vous le pourrez ouyr. Ladicte fille, ainsi que me remembre.

Couchait îousjours en ung lict de la chambre,

OÙ la Faifeue en tous temps se couchoit,

Et voulentiers gueres n'en descoiichoit;

Parquoy ne peult en avoir jouyssance.

Ne jour ne nuyt, dont a esbayssance ;

MaiSj pour venir au dessus de son fait,

Par ung beau soir, le luttin contrefait,

Et va monter au grenier sur la chambre

Où gyst sa mère, et démenant maint membre.

Aussi criant tresfort piteusement.

En tabourdant, dont esbayssement

Sa mère a eu, et en soursault s'esveille :

Dont de Fouyr elle eut îresgrant merveille;

Mais plus fust-elle estonnée de veoir feu.

Que par ung trou monstroit Pierre Faifeu :

Car, pour certain, ell' cuydoit cstre morte,

D'ouyr ce bniyt et veoir feu en la sorte.

Pensant pour vray que ce fust quelque esprit.

Qui tost voullust son corps rendre perscript.

Or, tout soubdain, de son lict se dépose,

Et nullement depuis ell' ne repose.

Mais s'en alla à genoux prier Dieu

En l'oratoire, ou en ung certain lieu

Qui loing estoit de la chambre où ell' couche.

Incontinent, le marchant se descouche,

Et va tout droit o la fdle coucher.

Qui de grant peur n'a osé descoucher,

Ne sonner mot ; dont a trouvé sa coche,

DE PIERRE FAIFEU 8j

Et droictement par plusieurs fois l'encoche; Dont, pour certain bien ravoir encochée. Dedans neuf mois se trouva accouchée :

Car, depuis qu'eut une fois encoche, Par plusieurs fois avecqu' elle a couché, Et n'en fist plus refuz ne nulle enchère. Parquoy on dit que la pinte plus chcre D''un bon tonneau de vin est au percer : Ce que j'en dy, c'est pour le temps passer.

Comment quelquefois il se trouva seul avecques de ses compaignons chez sa mère, et pour desjeuner tyra la viande du pot, et y mist une pierre.