CHAPITRE XXIIII

SOUVENT avoit le galland appétit.

Sans nul denier avoir grant ou petit; Mais son refrain, quant avoit indigence, Cestoit aller, avecques diligence, Droict chez sa mère y prendre son repas. Donc fault sçavoir que, plus tost que le pas, Ung certain jour, chez sa mère se trouve, Où d'un bon tour H a monstre l'esprouve : Car a trouvé ung jambon en ung pot,

Lequel (pour mieulx user de son tripot) L'a emporté, sans à nul le requerre, Et en son lieu mist une grosse pierre. Sans qu'on le vist ou sortir ou entrer, S'en est allé. Doncques, pour mieulx rentrer A mon propos, quant de disner fut heure, La chamberiere, en cuydant estre seure Que le jambon fust cuict et prest manger, A le iyrer elP s'est allé renger, Et dans le pot mist broche ou lardouere; Mais n'y entroit, dont s'en allait arrière. Par plusieurs fois elle y a fait retour, Tous'] ours estait comme le premier tour. Quant a esté ennuyée de l'affaire, Ouster soubdain le brouet ne diffère, Car sa maistresse avoit envye disner.

Et qu'ell' chômait se voulloit indigner. Lors la servante eut fart grant mal au cœur Quant apperceut ce qu'a fait le mocqueury Et l'est allé à sa maistresse dire.

Qui pas n'en rist, mais en est plaine d'yre; Mais, malgré elle, en gré prendre il luy fault, Car du jambon, pour l'heure, elle a deffault. Et pour tel cas il ne fault qu'ell' s'indigne. Mais, pour la chair, fault que desouppe disne. Ainsi voyez comme nécessité Ouvre l^esprit, ainsi qu'est recité.

Comment, en la compagnie d'aucuns de ses amys, il fut question que l'un de la bande payast une choppine d'ypocras, pour laquelle avoir fallut faire cedule, qu'il escripvit.