CHAPITRE XXVI

A Orléans, ung temps, fut à Festude, Mais tout soubdain il print solicitude S'en retourner Angers veoir ses aniys.

Or, pour ce faire, en ung batteau s'est mys, Accompagné de plusieurs gens notables.

Croire il vous fault que maintz motz profitables En ce basteau furent bien proposez.

Or, en nouant, se cuydoient reposer Dans le basteau, car avoient fait la veille. Jouant la nuyi : or escoutez merveille Qu'il leur advint. Ung grant bruyt ont ouy, ■ Dont de prinsault nul ne fut resjouy, Car il sembloit que fussent dix banieres De gens de guerre, et c' estaient buandieres Qui là estaient, pour leur buée laver : Dont tout soubdain chascun se va lever ; Les regardans, se reputent infâmes Avoir eu peur ouyr le bruyt des femmes. Tout ce cas fait, ainsi comme j'entens, Faifeu leur dist, pour faire passer temps,

Que dix escuz contre tous euh va mettre, Qu'il fera bien tout leur cacquet remettre, Et que soubdain bien taire il les fera. Sans leur toucher, et ne leur meffera.

Incontinent entre eulx fut fait la mise ; Alors Faifeu s'est mis tout en chemise, Et d'un habit de diable il s'est vestu, Car à Paris il s'estoit esbatu A l'achepter, pour maint passetemps faire. Luy, accoustré en ce point, ne diffère Bien iost monter tout au hault de la hune, Cryant, hurlant : incontinent pas une Femme qui fust n'a sonné ung seul mot. Mais teues se sont, n'attendant que la mort, Car, pour certain, de grant peur admirable, Toutes cuydoient que ce fust le grant diable. Ainsi gaigna, et chascunfut content; De dix escuz il fust payé comptant.

Ce luy fut gaing, et tout par advenîure : Il n'est qu'avoir d'esprit bonne ouverture.

Comment il cuyda, à Angers, estre surpris avecque quelque fille, dont estoit amoureux, et comment il se saulva.