CHAPITRE XXVIII

PAR tous climatz et en toutes contrées, Les mains du Mans sont si bien acoutrées A bien escripre, et la lettre parer, Qu'en chascun lieu on s'en veult emparer. Or est ainsi qu'ung jour au Mans se trouve Ledit Faifeu, où, pour faire une esprouve De son escrit encontre les Manceaulx, Il fist tel cas, dont on parle à monceaulx: Car s'adressa à ung clerc de bazoche, Contre lequel dix beaulx escuz desbroche De son gibatz, que mieulx il escriproit Que ledit clerc, si que ja n'en rirait; Lequel clerc tost contre luy alla mettre Que plus que luy il feroit belle lettre. La mise tinst : le clerc va commencer Ung beau cadeau, qu'on ne sçauroit penser Ne regarder une chose mieulx faicte ;

Mais plusieurs poinctz fist ains que fnsî parf dicte. Or, touîtesfois, il la parfisî enfin.

Parquoy Faifeu, contrefaisant le fin, Faignit perdu, luy requérant qnictance Pour ung bancqnct. Adonc le clerc qui tance Luy respondit n'en donner ung esca.

Doncques Faifeu, sans tirer corps ne eu, La plume a prins, et tyra une lettre Triumphamment, sans ung seul trect y mettre : Donc fut jugé le clerc avoir perdu.

Alors requist, comme tout esperdu, (Qu'allassent boire et desjeuner ensemble ; Ce qui fut fait, luy constant, ce me semble. Deux beaulx escuz pour faire le bancquet. Alors Faifeu ne perdit le caquet Le mercyer du bancquet qu'il luy donne. Mais des escuz rien il ne luy pardonne. Car tout il eut ce qu'il avait gaigné; Oncques le clerc n'en a rien rengainé.

Ainsi monstra à tous qu'on ne doit croire En son sçavoir, car maint s'en peut mescroire.

Comment, à Chasieaulx en Anjou, il fistle marchant de pourceaulx.