CHAPITRE XXXIIL

COMME ay ja dit que, par envie amere.

Le plus souvent ne s'osait chez sa mère Trouver, ou veoir, par meschantz f aulx raporîz, Dont bien souvent les justes paient deportz ; Or advint-il, quelque fois, qu'eut famine. Et bien sçavoitque maint est qui fait mine A ung soupper, que chez sa mère on fait,

Comme sçavez qu'en esté on le fait.

Ce sonpper fut soubz le voilier ou treille, Où y avoit maint flascon et bouteille Emmy la court, où fais oit mansion Sadicte mère. Or, sans grant mention Faire ou desbat^ voyant qu'on le desprise, Incontinent en diable se desguyse.

Et par le puys, dont devant est parlé, Le vaillant corps est entré, et allé Se présenter devant la compagnie.

Où on souppoit; qui tost descompagnie A bien esté, car tant curent de peur Que la pluspart d'un mois ne fut asseur : Car toutes pars chascunfut variable, Et pour certain cuydoient que fust le diable. Alors il fist au soupper son proffit, Car à menger trouva tant qu'il suffist, A ses compaings alla ouvrir la porte, Qui l'attendoient, et tout le cas leur porte. Or bien joyeux Hz furent pour ce coup. Car ne pensaient en trouver si à coup. Les assistans furent tous prestz refaire Autre soupper, ou penser autre affaire, Ce nonobstant qu'ils n'eurent meshuy coeur Boire ou menger, ne pensans au mocqueur; Mais le marchant ne fut pas desgousté De bien soupper, car rien luy a cousté.

Comment ung jour vint à ung sien amy luy pryer qu'il luy donnast à bancquetter, lequel luy respondit qu'il n'avoit que ung pain, de bien la valleur de cinq sols, qu'il luy donnoit s'il le povoit manger, et comment il en fist, et de la responce qu'il fist après.