CHAPITRE XXXVI

AYANT usé de plusieurs passetemps, Ung certain jour, il fut, comme j'entends, D'ung créditeur evocqné en justice, Où il respond ; mais, craignant injustice. Ont appoincté certain jour se trouver En aucun lieu pour la debte approuver.

loé

Or est ainsi que Faifea anticipe Aller au lieu, et aux gens s'esmancipe De la maison compter tout son affaire, Les suppliant que brief luy veuillent faire Quelque plaisir, leur promettant buttin De ce qu'aura en jouant son luttin.

L'hoste et l'hostesse en ce ne le desdirent. Mais d'un voulloir tresvoulentiers luy dirent Que prestz estaient faire à sa voulenté. Et que soubdain il fut entalenté A leur compter la manière défaire Qji'il veult user pour du cas se défaire. Incontinent leur va dire : « Escoustez ! En une chambre il fault que m^accoustrez Ensepvely, comme faictes ung mort.

Sans de ce cas en déclarer ung mot.

Au créditeur venu ferez acroire Que plus que luy m'avez voulu acroire. Mais que le temps est venu de respit; Et, en pleurant,, semblant tresgrant despit. Me direz mort, couché en une chambre En vostre hostel, ensepvely de membre.

S'il ne le croit, menez-le soubdain veoir Au Heu prcdict, luy faisant assavoir Ce que vous doibz^ me donnez en présence Du bon du coeur, ayant grant desplaisance De mon trespas; mais fault qu'il y ayt gens

Qui tesmoigner le fait soient diligens. »

Comme il conclud l'affaire fut parfait

En tous endroitz, et par dit et par fait :

Le créditeur ne fist pas grand demeure

Qu'il ne viensist à une certaine heure.

Qui mise estait entre les deux parties.

Maintes larmes et douleurs départies

Furent présent par l'hostesse et par l'hoste.

Le créditeur de ce propos les oste,

Leur demandant si nul d'eulx a rien sceu

Que venu soit maistre Pierre Faifeu.

L'hoste s'escrie, et la femme se pasme :

Les regarder, mon serment, c'est ung basme.

Car, affernians, dirent au créditeur

Ce que Faifeu a esté inventeur;

Qu'il ne soit vray, le meinent en la chambre

Où est Faifeu, ne démenant nul membre.

En luy disant quil leur devoit beaucoup.

Mais tout, pour Dieu, luy donnent à ce coup.

Le créditeur, meu de miséricorde,

Tout hault a dit : « Par ma foy, je m'acorde

Tout luy donner ce que il me debvoit;

Don luy en fais, car pas grans biens n'avoit. »

Incontinent deux tesmoings, ung notaire.

Se vont monstrer; Faifeu, comme est notoire,

Tost s'est levé, dist : « Aultre cas ne quiers;

Je vous mercy, instrument j'en requiers. »