CHAPITRE XXXVIII

VAGABUNDER on voit, ung chascun jour, Egyptiens, sans faire long séjour; Quelz ensemble ont une coustume telle Qu'ilz usent fort de jeux et de cautelle. Angers en vint, ung jour, pour herberger. Qui à maint jeu jouoient; pour abréger, Ung jeu faisaient avecque une ceinture.

Qu'en ung baston mettaient, sans ouverture Hz en tiroient, dont se mettait maint gage : Par ce moyen, de gaigner faisaient rage. Or s'advisa Faifeu faire ung ban tour, Qiielj'escripray icy en ce détour.

Il se vestit en robbe de village, Puis par dessus print ung autre habillage, Car de velours gentement s'accaustra; Ses compagnons en ce point rencontra, Auxquelz il dist : « Pour entendre l'affaire, Je vous diray qu'aujourd'huy nous fault faire; Trouver convient, pour finer à mes dictz, De beaulx escuz une douzaine ou dix; Puis vous irez quatre ou cinq tous ensemble,

Sans qu'en nul point nul de vous se dessemble,

Au port Lignier veoir les Egyptiens,

Où je seray ; alors soyez sciens

Jouer à eulx, si de ce vous requerent :

Ce qu'ilz feront, aultre chose ne querent;

Je suis certain pour tant qu'ilz me oyeront

Nommer Monsieur, et aussi qu'ilz voyeront

Le mien estât, me bailleront les gages. »

Obtemperans ensemble à ses langages,

Hz sont allez où Faifeu leur a dit.

Où ils ont fait et tenu son esdict.

Incontinent l'un s'est venu, à mettre

Ung bel escu, la ceincture desmettre.

L'Egyptien, voyant Faifeu auprès

Si bien en point, lui requist tout exprés,

Comme au plus grant, qu'il luypleust estre garde

De leur argent, puisque là les regarde.

Ce qu'il voulut. L'escolier a perdu,

Mais tout soubdain, comme non esperdu;

Il a remis d'or encore une pièce;

Lors reperdit, dont feingt qu'il se despiece.

Or a juré, s'on ne luy fait refus,

Adventurer encore dix cscuz :

Ce qu'il a fait, et les mist tout à l'heure.

De celuy fait l'Egyptien ne pleure.

Mais mect aussi entre les mains Faifeu,

Qui luy bailla soubz le ventre le feu;

Car tout souhdain qu'entre euh il velt desbattre, Faisant leur jeu, il laissa sans rabattre Tumber sa robbe ; incontinent ses gens La redresser ne furent negligens.

Lors demoura acoustré en village, 0 les escuz, q'eut par subtil pillage : Car, en Vestat, nul ne fa recongneu; Aussi qu'il fait du cas fort fincongnu. L'Egyptien, remply de dueil et d'ire, Pour abréger, ne sceut quasi que dire.

Fors qu'il disait, pour ce propos finer. Qu'on ne l'avait jamais sceu affiner Jusques Angers, où s'est venu soubzmettrc A affiner, mais a trouvé son maistre.

Comme, l'an mil cinq cens XVIII, que le roy François fut à Angers, devant des seigneurs de la court il mengea des mousches.