FRAGMENT DE LA VIE DE GARGANTUA

De fait, l'on luy enseigna vn grand Docteur Sophiste, nommé maistre Thubal Holoferne, qui luy apprit sa charte, si bien qu'il la disoit par cueur au rebours, et y fut cinq ans et trois mois, puis luy leut Donat, le Facet, Theodolet, et Alanus, inparaholis, et y feut treize ans, six mois, et deux sepmaines.Mais notez que ce pendant il luy apprenoit à escrire gothicquement, et escriuoit tous ses* liures. Car l'art d'impression n'estoit encores envsage. Et portoit ordinairement vn grosescritoire, pesant plus de sept mille quintaulx, duquel le gualimart estoit aussi gros et grand que les gros pilliers d'Enay, et le cornet y pendoit à grosses chaisnes de fer, à la capacité d'vn tonneau de marchandise.

[Gargantua, liv. I, chap. xiv.)