XVI. — 18 AOUT

Pour faire cesser toutes telles variations de formes et de propoz, ledit seigneur Cardinal simplement et nous attendant vostre bon plaisir, et par forme de mémorial, avons signé de noz mains lesdits traictiés de paix et de obligation, le traictié des déprédations et l'article de Albanye avec la minute desdictes ratifïîcations des princes et villes. Et, si vous povons asseurerque, pour obvier à toutes mutations et changemens de propoz qui pourroient intervenir, soit par offres nouvelles de l'Empereur ou aultrement, a esté trouvé le moyen que le roy de Angleterre, ledit Cardinal, les ductz de Norfolc eL Suffolc, l'arcevesque de Cantorbéry et aultres ont signé lesdits deux principaulz traictiés, ce que nous avons promis tenir et faire tenir secret jusques après les choses passées et du tout parfaictes. Il vous plaira. Madame, de vostre grâce, pour la perfection de ceste paix, nous faire envoyer en toute diligence, si envoyé n'est, nostredit povoir. Et pour vous monstrer que, oultre ce que fut accordé avant la rompture de Italye, il ne se trouve sur le tout que la somme de deux cens nouante neuf mille cinq cens quarente deux couronnes à xxxv sols la couronne, qui est moindre somme que vous ne avez entendue, nous vous-en envoyons la liste véritable.

Madame, à la seconde convention, pour ce que nous fusmes advertiz que l'abstinence de guerre ne avoit esté publiée en ce pays et que, non obstant la publication faicte en France, il y avait eu prises faictes vers la couste de Normandie, et aussi que, par les convenances accordées, ledit traictié de paix ne se publioit jusques après les ratifRcations fournies, ce que se debvoit faire dedans troys moys, nous sommes entrez en pourparlé de trêves à durer jusques au premier jour de décembre, qui sont les troys moys des ratifRcations et daventaige, que nous avons accordées et signées soubz vostre bon plaisir, les qualités habillées selon la forme et capitulation que nous vous envoyons. La difficulté a esté sur le dernier article des courriers et ambassadeurs, qui est du tout à leur commodité et adventaige ; mais les choses sont si avant qu'il nous a semblé qu'on ne leur debvoit reffuser, et si saulvons le tout par une clause que nous y avons fait apposer, pourveu qu'ilz ne feront ne pratiqueront aucune chose au préjudice [des] Roys, leurs royaulmes et seigneuries; et si leur avions, soubz vostre bon plaisir, accordé depuis les choses arrêtées avant la conclusion de ladicte trêve que, autant qu'ilz vouldroient dépescher ou envoyer de gens et courriers parla France, nous leur ferions bailler sauf conduitz et passepm'tcs. Si Icsdictes trêves vous sont agréabl(!s, il vous plaira les faire publier et nous envoyer la ratiffication en forme. Nous avons retenu ce