XX. — 29 AOUT

Robertet à Brinon.

Ar. Nat. J 965, 2. 2 (dans J 966). — Original.

Au dos : A Monsî", Mons^de Villaynes, chancellier d'Alençon et premier président eu la cour de Parlement à Rouen.

Monsi", par le nepveu de Mons^' de Vaulx vous a esté envoie le povoir refformé que demandiez, avecqucs le dupplicata de la régence de Madame expédié par la Court, comme verrez, et, pareillement, les lectres de commission pour le paiement de ce qui se doyt paier par le traicté pour Mons^ de Vaulx. Et présentement, par ce porteur vous est envoie le povoir pour traicter avecques la royne Marie et duc de Sufforc, avecques ung double de la trêve faicte en Espaigne et quelques articles venuz de Romme. De tout ferez, s'il vousplaist, sellon ce que Madame vous escript. Si mieulx ce puie, je suis bien certain que vous saurez très bien faire, vous asseurant que madicte Dame et toute ceste compaignie sont très contens et bien satisfaitz de ce qui est fait, louant vostre forme de procéder, prudence et dilligence tant qu'il est possible.

Monsr, dépeschant vostre porteur et aiant la plume sur le papier, Dom André est arrivé avecques ce que avez envoie; à quoy on ne vous peut promptement respondre pour ce que le tout n'a esté veu ny rapporté à Madame en Conseil, et, d'autre part, la court part pour retourner à Tournon; maiz au premier lieu il se fera. Et, pour ce, je n'ay voulu retarder ledit porteur, afïin que vous aiez nouvelles, principallement de la bonne santé de Madame et de Madame la Duchesse.

Monsi", on a fait icy une grande poursuite pour Sainct Thaurin d'Evreux et s'y sont vouluz forcer Messi"^ le Grant sénéchal et de Castres ; a bien (a) esté respondu et tenu main pour vous, comme raison est, et vous prometz que madicte Dame a tenue bon et monstre que vous avez mérité trop mieulx que cela.

Mons"", vous entendez bien que, en ce et autres choses qui vous toucheroient, je ferai tousjours tout ce que je pourrai et n'y aura point de faulte; et, pour ceste cause, commandez et vous serez obéy, aidant le Créateur, auquel je supplie, après mes humbles recommandations à vostre bonne grâce, donner très bonne et longue vie.

A Montélymar, ce xxix* d'aoust, hastivement, de vostre humble serviteur. Robertet.