XXI. — 31 AOUT

doyt muer la forme et manière contenue en icelle, qui est de paier viim écus par an. Et si ce peut dire que telle invencion d'obligacion, laquelle en soy contient vergongne grande et part usuraire, semble estre faicte pour saulver au roy d'Angleterre Lxnim ]. d'estrelin ou environ prestez piéçà à aucuns marchans faliz aux despens de France; et encores par ladicte invencion vouloir méliorer de la debte et sort principal ainsi deshonneste qu'il est de xv™ livres, et, pour conduire ceste chose à son mode, desbourser xx™ 1., lesquelles, avecques les susdictes Lxnim du debte et sort principal et les xym de l'augmentacion ou gaing, font la somme de iin'^'^ xYin™ livres contenues en ladicte obligacion de vii^" écus par an^ qui est pour Lxvi ans la somme de niF lxu™ écus d"or au soleil, laquelle fait comme dessus est dit la mesme somme de nii^'^ xvwim 1. A ceste cause, il ne se peut dire ne soustenir que ladicte somme de xx™ L, qui est le fondement do ladicte obligacion, ne se doyve promptement payer; par quoy concluant, se peut dire que, mectant mondit seigneur le Cardinal en la masse ladicte obligacion de iincLxnm écus, vous devez pourveoir et faire toute instance envers luy que incontinent vous soient remboursez comptant lesdits xx^ 1. et donnée et transportée l'obligacion des marchans pour la somme de Lxnim livres avecques ladicte obligacion des généraulx, et ne se doyt cela prétermectre comme chose honneste, juste et plus que raisonnable.

Et, quant au fait des paiemens aunuelz, vous savez comme ilz se doyvent faire par ce qui vous en a esté dit avant vostro partement; et, pour ce, vous tiendrez main que les escuz soleil soient pris pour le pris qu'ilz vallent et le ferez bien entendre audit seigneur

Cardinal.

Au surplus, vous avez tousjours escript que l'obligacion du Roy faicte pour les citadins de Tournay montoit xxvnim couronnes (sic), lesquelles on espéroit recouvrer desdits citadins en quelque temps et icelles employer aux paiemens qu'on a à fere au roy d'Angleterre. Et maintenant, j'entens par ce que avez escript que ladicte obligacion ne monte que xxium frans, qui sont xin™ escuz ou environ. Et, pour ce, si ladicte somme de deux millions aura lieu, le royaume en ce demeure grevé de xvm escuz davantaige; en quoy vous aurez adviz pour les rabatre de ladicte masse, ou recouvrerez obligacion jusques à ladicte somme de xxnim couronnes (sic), et mesmement que en tous les autres traictez qui ont esté faitz ne se treuve obligacion de si grande somme de deux millions d'or, qui est souffisante, non seullement pour achapter une paix, maiz ung royaume.