XXIX. — 11 OCTOBRE

fraternité et confédéraeion conclucte entre voz ambassadeurs et les nostres. Laquelle espérons reraendra au grant prouffit, utilité et comodité de vous et du Roy nostre très cher seigneur et fils, voz royaumes, estatz, vassaux et subgectz; et espérons, avecques l'ayde de Dieu, qu'elle sera perpétuelle et indissoluble; à quoy de nostre part nous emploierons de tout nostre pouvoir comme l'ayant tousjours désiré.

Très hault et très puissant prince, nous croyons que avez eu advertissement d'Espaigne de la griefve malladie en laquelle ses jours passez vostre bon frère et cousin le Roy nostre très cher seigneur et filz a esté détenu, habandonné des médecins et hors d'espoir de guérison. Maiz grâces à Nostre Rédempteur il a recouvert santé et est hors de dangier, ainsi que en avons eu certaines nouvelles, et sa guérison et convalescence a esté plus miraculeuse que naturelle ; laquelle chose a converty nostre douleur et angoisse qui estoient extresmes en joye et plaisir. Ce que nous avons bien voulu escripre, sachant que tout ainsi que sadicte malladie vous auroit peu causer regret et desplaisir, aussi sa santé vous remeudra à grosse joye et plaisir.

Très hault et très puissant prince, nostre très cher et honnoré seigneur et cousin, nous prions le Créateur vous donner très longue vie avec santé et prospérité.

Escript à Lyon, le xie jour d'octobre.

Vostre très humble et bonne cousyne.

LOYSE. ROBERTET

11 octobre 1525.

Madame à Brinon et à Jean-Joachim.

Ar. Nat. J 965, 4, 2 (dans J 966); Brewek, iv, 1694. — Original.

Au dos : A Messi'*^ les chancellier d'Alençon et de Vaulx, conseilliers du Roy et ses ambassadeurs en Angleterre.

Messi"s les Président et de Vaulx. Depuis les dernières lectres que vous ay escriptes, ay eu nouvelles de la griefve maladie en laquelle estoit détenu le Roy mon très cher seigneur et filz, habandonné des médecins et hors d'espoir de vie. Vous pouvez penser en quelle angoisse et extrémité de douleur je pouvois estre. L'union que ay veu entre les princes et seigneurs de ce royaulme avec