XXXI. — 22 OCTOBRE
et tire son chemyn droit devers nostre sainct Père le Pape. Et, quant audit messie Grégoire, il a esté plusieurs foys parlé lu y donner expédiciou ; ce qui se fera demain pour tout le jour et bonne et telle que j'espère que l'effet s'en ensuyvra tel qu'on désire. 11 est homme de bien et honneste, aiant bonne voulonté au bien des affaires.
Au surplus, Monsr de Praet, quy a autresfoys esté ambassadeur pour Madame Marguerite en Angleterre, est icy arrivé ambassadeur de l'Empereur. Mondit seigneur l'auditeur de la Chambre m'a devisé de luy et du regret qu'il a à ceste conclusion de paix que vous avez faicte, et sur ce m'a tenu quelques propos que je ne mectray en obly. Maiz vous prie asseurer mondit seigneur le Cardinal que, s'il entre à parler du fait de delà ny de chose qui tousche le Roy et luy, qu'il luy en sera respondu comme il appartient et comme de chose où l'on a pris foy, amour, intelligence, adresse, aide, faveur et assistance et qu'on veut garder, entretenir et observer.
Monsr, quant cà vous satisfaire, tant de rattifiîcacious, obligacions, premier paiement que autres choses, on y a fait et fait là tout ce que on peut, et souvent s'en font sollicitacions et nouvelles dépesches, tellement que j'espère que dedans le temps ordonné et préfix il ne s'y trouvera point de faulte. Et, au regart dudit premier paiement, je tiens qu'il soyt desjà à Calays, comme je croy que vous avez de ceste heure peu savoir.
Au demourant, je vous laisse penser la paine où Madame a esté durant le temps de ces mauvaises nouvelles. Toutesfoys je vous asseure de sa bonne et parfaicte santé et pareillement de celle de Madame la Duchesse, laquelle est à Tolède. De ce qui en viendra vous serez advertiz.
De Lyon, le xvi^ d'octobre.
Vostre humble serviteur. Robertet.
22 octobre 1525.
Le comte de Carpi à Madame.
B. N. ms. Dupuy 452, f"' 20 et 22. — Original en partie chiffré au f" 20 et déchiffrement au f" 22.
Au dos : Lectres missives de Mons' le conte de Carpy. A Madame.
Madame, je vous ay dernièrement escript du vn« bien au long et suis sceur que de ceste heure aurez receu les lectres. Despuis ladite
