XL. 21 NOVEMBRE

Escript à Venise, ce xviiime jour de Novembre 1525.

Madame, après vous avoir escript ce que dessus, j'ay retins ces présentes jusques aujourdhuy, qui est le xx^^dudit mo3^s, en espérant d'havoir quelques nouvelles de Mons^* le conte de Carpy. Et par ainsy, toute à cest heure, ay eue de sa seigneurie la présente lectre que vous envoyé avec cestes, affin que Vostre Majesté entende comment les choses vont à Romme.

Madame, j'ay esté advisé comment depuis naguières à Romme a esté dépesché ung corrier qui s'en va en Espaigne, lequel porte la dispence pour le mariaige de l'esleu en Empereur avec la seur du roy de Portugal.

De Vostre Majesté, très humble et très obéyssant serviteur et

chappelain.

El vescovo de Baieux.

21 novembre 1525.

Le même à la même.

B. N. ms. Dupuy 452, f" 160. — Original. Au dos : A Madame.

Madame, la Sérénité du Prince et la Seigneurie m'ont à ce matin faict entendre comment, par les lectres qu'ilz ont de leur ambassadeur demourant en Romme, sont advertiz que nostre sainct Père est bien délibéré de venir à la conclusion de la lygue et confédéracion et de faire toutes choses à luy possybles pour la délivrance du Roy. Laquelle ne voit que puisse autrement avoir lieu si non avec mectre l'esleu en Empereur en nécessité, ainsy que pour certain on le mectra si de Vostre Majesté ne vient la faulte.

Et par aultant ycelle ne doibt faillir de contenter sa Sainteté en ce qu'elle demande, mesmes de le asseurer de l'argent pour troys ou quatre moys advenir, sans lequel je craincz que sadicte Sainteté ne se vouldra jamais descouvrir, car elle craindra toutjours, que si ledit esleu Empereur vous promeist la délivrance du Roy, que Vostre Majesté ne abandonast ceste ligue, en saichant que vous ne la faictes à autre fin que pour la délivrance de sa Majesté. Dont, Madame, il se doibt faire toutes choses pour descouvrir une foys le Pape et ceste Seigneurie, lesquelx, après qu'ilz seront descouvertz, fairont plus pour la ruine de l'Empereur de ce que Vostre