XL VI

26 décembre 1525.

Robertet à Brinon.

Ar. Nat. J 965, 2, 9 (dans J 966). — Original. Au dos : A Mons^ de Villaines, chancellier d'Alençon.

Mons"", depuis mes autres lectres escriptes j'ay receu les vostres derrenières, avecques celles de Madame que je luy ay incontinent présentées. Et, après les avoir veues, je vous asseure qu'elle a emploie une bonne grosse demye heure à non seullement magniffier, extimer, louer et priser la prudence et le grant nombre de bonnes et vertueuses pars qu'elle congnoist estre en Mons^ révérendissime cardinal et légat en Angleterre, maiz tenant et réputant le Roy son maistre bien eureux et tenu à Dieu de luy avoir donné ung tel serviteur et mondit seigneur le Légat de ce que sondit maistre le congnoist et répute tel, et que l'expérience des affères qui sont passez parleurs mains, de l'un comme de sage maistre, et de l'autre comme de bon, vigilant, loyal et seur serviteur (1). Et créiez que sur ce ont esté faitz plusieurs discours de tous ceulx qui ont eu cydevant maniement et administration des estatz des princes ; maiz Monsi' le Cardinal a le premier lieu et le plus extimé de tous les autres, au jugement de tous et principallement de madicte Dame.

Mons"", les adviz de mondit seigneur le Cardinal ont esté à madicte Dame non seullement très agréables maiz telz qu'elle veult, entend et commande que en tout et partout ilz soyent ensuiviz ; car on ne peut en iceulx aucune chose adjouster, ny oster, ny diminuer.

Mons*", Madame est ceste après dincr pai'tie pour aller à Tournon au devant de Madame sa fille. Je suis demeuré icy avecques Mons' le Chancellier pour dépescher le fait de Rome et y envoler ce qu'il a pieu à mondit seigneur le Cardinal envoier adressant aux ambassadeurs du roy d'Angleterre. Ce fini, je m'en iray devers elle,

Mons^, messire JehanJaquin sera icy demain, et, pour ceste cause, Messrs les ambassadeurs d'. Angleterre là viendront et parleront à luy avant que desloger. Et après, suyvront madicte Dame, laquelle

(1) Sic. La proposition doit être complétée par un verbe. On pourrait suppléer le démontre.