DE L'ŒUVRE INTITULÉ

DE LA PRECELLENCE

PAU HENRI ESTIENE

A l'entrée de ma préface je respondray à certaines objections que j'ay preveues : et y satisferay, comme j'espère. Entre lesquelles tiendra le premier lieu ceste-ci, Que comme Socrates disoit par forme de proverbe, estre aisé de louer Athéniens entre les Athéniens : mais qu'il seroit mal-aisé de ce faire entre les Lacedemoniens : ainsi il m'est facile de louer entre les François leur langage, jusque s à luy donner ce titre de precellence : (comme estant excellent entre les excellens) mais quand j'aurois en teste les Italiens et Espagnols, il me seroit difficile de leur faire avouer ceste louange. Je respondray que ceste objection seroit valable contre ceux qui veulent qu'on leur croye à crédit : (comme les disciples

28 DE LA PRECELLENCE

de Pythagoras se contentoyent de respondre, Luy l'a dict f) et non contre ceux qui veulent et peuvent donner de bonnes raisons en payement, comme je pense estre celles que je deduiray. Or voulant qu'elles soyent bien pesées et bien debatues, je traitteray cest argument par dialogue : afin que partie soit appelée et ouye, et qu'elle ne mette rien en avant, à quoy il ne soit respondu. Mesmementjeluy laisseray prendre un advocat tel que bon luy semblera : sur lequel, estant fort affectionné au soustenement de la cause d'icelle, et mesmes y ayant interest, ne pourra tomber aucun souspeçon de vouloir prevariquer.

Je m'efforceray consequemment de rendre contens ceux qui mettront en avant, Que ce beau subject meritoit bien d'estre traitté par un personnage bien doué de l'éloquence Françoise : auquel don je ne puis dire (à mon grand regret) avoir aucune part2. J'emploiray pour ma response ce qu'a dict Horace3, et qu'au paravant avoii respondu Isocrates* (quand on s'esmerveilloit qu'il instrui-