AVENTURE DE LA TOMBE

pechies qu'il avoient fct de jor en jor. Et bien i parut qu'il estoient avugle en l'avènement Jhesucrist. Car quant il orent o ax le Roi des Rois et le Sauveor dou monde, il le tindrent a pecheor et cuidierent qu'il fust autel come il estoient. Si crurent plus l'anemi que il ne firent lui et livrèrent sa char a mort, par l'amonestement dou deable, qui toz jorz lor chantoit es oreilles et lor estoit es cuers entrez. Et par ce firent il tel oevre dont Vaspgsiens les deserita et destruist, si tost come il sot la vérité dou prophète vers qui il avoient esté desloial ; et einsi furent il destruit par l'anemi et par son amonestement. ,

ce Or devons veoir cornent ceste semblance et celé de lors s'entracordent. La tombe senefie la grant durté des Gyeus et li cors senefie aux et lor oirs qui tuit estoient mort par lor pechié mortel, dont il ne se pooient mie oster legierement. Et la voiz qui de la tombe issoit senefie la dolereuse parole qu'il distrent a Pilate le prevost : « Li sans de lui soit « sor nos et sor nos enfanz ! o) Et por celé parole furent il boni et perdirent aux et quant qu'il avoient. Einsi poez vos veoir en ceste aventure la senefiance de la Passion Jhesucrist et la semblance de son avènement. Et autre chose en est encore avenue autrefoiz : car si tost com li chevalier errant venoient ça et il aloient vers la tombe, li anemis, qui les conoissoit a pecheors vilz et orz et veoit que il estoient envelopé es granz luxures et es iniquitez,'lor fesoit si grant poor de sa voiz horrible et espoantable que il en perdoient le pooir del cors. Ne james ne fausist l'aventure que li pecheor n'i fussent toz jors entrepris,, se Diex ne vos i eust amené por la mener a chief. Mes si tost come vos venistes, li deables, qui vos savoit a virge et a net de toz péchiez si come bons terriens puet estre, n'osa atendre vostre compaignie, ainz s'en ala et perdi tôt son pooir par vostre venuey Et lors failli l'aventure ou maint chevalier proisié s'estoient essaie. Si vos ai ore dite la

vérité de ceste chose. » Et Galaad dit que molt i a greignor senefiance que il ne cuidoit.

Celé nuit fu Galaad serviz au mielz que li frère porent. Et au matin fist le vaslet chevalier si corne a cel tens ert costume. Et quant il li ot fet tout ce qu'il devoit, si li demanda coment il avoit non. Et cil dist qu^ len l'apeloit Melyant et estoit filz au roi de Danemarche. « Biaus amis, fet Galaad, puis que vos estes chevaliers et estrez de si haut lignage come de roi et de roine, or gardez que chevalerie soit si bien emploiee en vos que l'anors de vostre lignage i soit sauve. Car ausi tost com û\z de roi a receue l'ordre de chevalerie, il doit aparoir sor toz autres chevaliers en bonté, ausi com li rais del soleil apert sor les estoiles. » Et cil respont que, se Diex plaist, l'onor de chevalerie sera en lui bien sauve ; car por peine qu'il li coviegne a soffrir ne remaindra il mie. Et lors demande Galaad ses armes, et len li aporte, et Melyans li dist : « Sire, Dieu merci et la vostre, vos m'avez fet chevalier, dont j'ai si grant joie qu'a peine le porroie je dire ; et vos savez bien qu'il est costume que, qui a fet chevalier, il nel doit mie cscondire par droit dou premier don qu'il li demande, por que ce soit chose resnable. » — « Vos dites voir, fet Galaad, mes por quoi l'avez vos dit ? » — « Por ce, fet cil, que je vos vueil demander un don ; si vos pri que vos le me donez, car ce est une chose dont ja maus ne vos vendra. » — « Et je la vos otroi, fet Galaad, mes que je en deusse estre grevez. » — « Granz merciz, fet Melyans ; or vos requier je que vos me lessiez aler o vos en ceste Queste tant que aventure nos départe, et après, se aventure nos rassemble, ne me tolez pas vostre compaignie por autrui donner. »

Lors comande que len li ameint un cheval, car il velt aler avec Galaad ; et len si fet et il se part de laienz entre lui et Galaad. Si chevauçhierent tout le jor et toute la semaine. Si

MÉLYANT QUITTE GALAAD 4I

lor avint a un mardi matin que il vindrent a une croiz qui partoit le chemin en deus ; et il vienent a la croiz et troevent letres qui estoient entailliees ou fust et disoient : Oz tu,

CHEVALIERS QUI VAS AVENTURES QUERANT, VOIZ CI DEUS VOIES, l'une A DESTRE ET l'aUTRE A SENESTRE. CeLE A SENESTRE TE 5 DEFFENT JE QUE TU n'i ENTRES, CAR TROP COVIENT ESTRE PREU- DOME CELUI QUI I ENTRE SE IL EN VELT ISSIR ; ET SE TU EN CELE A DESTRE ENTRES, TOST I PORRAS PERIR. Et quant MelyaU

voit ces letres, si dist a Galaad : « Ha ! frans chevaliers, por Dieu, lessiez moi entrer en celé a senestre, car ici porrai je ^° esprover ma force et conoistre s'il avraja en moi proesce ne hardement par quoi je doie avoir los de chevalerie. » — (( S'il vos pleust, fet Galaad, je i alasse, car si com je pens je m'en getasse mielz que vos. » Et cil dit qu'il n'i entrera ja se li non. Si se part li uns del autre et entre chascuns en 15 sa voie. Mes atant lesse ore li contes de Galaad et parole de Melyant et coment il li avint.

Or dit li contes que quant Melyanz se fu partiz de Galaad, il chevaucha jusques a une forest ancienne qui duroit bien deus jornees, et tant que il vint l'endemain a heure de 20 prime en une praerie. Si voit ou milieu dou chemin une chaiere bêle et riche ou il avoit une coronne d'or trop bêle ; et devant la chaiere avoit plusors tables raemplies de biaus mengiers. Il regarde celé aventure, si ne li prent fain de chose que il voie fors de la corone qui tant est bêle, et dist 25 que buer seroit nez qui la porteroit en son chief devant le pueple. Lors la prent et dist qu'il l'emportera o soi ; si met son braz destre par mi et se remet en la forest. Si n'ot gaires aie quant il voit un chevalier sor un grant destrier venir après lui, qui li dit : « Dans chevaliers, metez la jus la 3o

corone, que ele n'est pas vostre, et sachiez que mar la preistes. »

Quant Melyanz l'entent, si retorne arrière, car bien voit que a jouster li covient. Si se seingne et dit : « Biau sire Diex, aidiez a vostre novel chevalier ! » Et cil li vient et le fiert molt durement, si que par mi l'escu et par mi le hauberc li met le glaive ou costé ; et l'empeint si bien que il le porte a terre tel atorné que li fers li est remés ou costé et grant partie dou fust. Et li chevaliers s'aproche de lui, si li oste la corone dou braz et li dist : « Dans chevaliers, lessiez la corone, car vos n'i avez droit. » Si s'en retorne la dont il ert venuz. Et Melyanz remaint, qui n'a pooir de soi relever, come cil qui cuide estre a mort navrez. Si se blasme de ce que il ne creï Galaad, car il li en est ja mescheù.

Endementiers que il estoit en tel dolor avint que Galaad vint celé part einsi com ses chemms l'i amena. Et quant il aperçu Melyant qui gisoit a terre navrez, si en fu moût dolenz, car il cuidoit bien que il fust a mort navrez. Si vient a lui et li dit : « Ha ! Melyant, qui vos a ce fet ? En cuidiez vos garir ? » Et quant il Tôt, si le reconoist et li dist : « Ha ! sire, por Dieu, ne me lessiez morir en ceste forest, mes portez m'en en aucune abeie, ou j'aie mes droitures et muire ilec come bons crestiens !» — « Cornent, fet mesire Galaad, Melyant, estes vos donc si navrez que vos en cuidiez morir? » — « Oïl », fet il. Et il en est trop dolenz, et li demande ou sont cil qui ce li ont fet.

Et lors issi des foilliees li chevaliers qui avoit Melyant navré. Si dist a Galaad : « Sire chevaliers, gardés vos de moi ; car je vos ferai dou pis que je porrai. » — « Ha ! sire, fet Melyanz, ce est cil qui m'a ocis. Mes por Dieu gardez vos de lui. » Galaad ne respont mot, ainz s'adrece au chevalier qui venoit grant aleure, et por ce que il venoit si grant oirre failli il a lui encontrer. Et Galaad le fiert si durement

CHATIMENT DE MELYANT 43

que il li met le glaive parmi l'espaule, si abat lui et le cheval tôt en un mont et le glaive brise. Et Galaad fet outre son poindre. En ce qu'il retornoit, si se regarde et voit venir un chevalier armé qui li crie : « Dans chevaliers, vos me lairez le cheval ! » Si li vient et aloigne le glaive et li brise sor s l'escu, mes il nel remue de la sele. .Et Galaad li trenche de l'espee le poign senestre./Et quant cil se sent mehaignié, si torne en fuie car poor a de morir.yEt Galaad ne l'enchauce plus, come cil qui n'a talent de fere lui plus de mal que il a eu ;Jainz retorne a Mclyant et ne resgarde plus le chevalier lo qu'il avoit abatu.

Et lors demande a Melyant que il veut que il li face, car il fera por lui ce que il porra, « Sire, se je pooie soffrir le chevauchier, je voldroie que vos me meissiez devant vos, et m'en portissiez jusques a une abeie qui est près de ci. Car je 15 sai bien, se je estoie ilec, que len metroit toutes les peines que len poroit en moi garir. » Et il dist que ce fera il volentiers. « Mes je quit que il seroit mielz, fet Galaad, que len vos ostast avant cel fer. » — « Ha ! sire, fet il, je ne me metroie mie en cest point devant ce que je fusse confés, car 20 je cuit que je morroie au trere. Mes portez m'en. » Lors le prent au plus soef que il puet et le met devant lui, si l'embrace que il ne chiee, car moût le voit foible. Si s'en vont lor chemin et errent tant que il vindrent a une abeie.

Quant il furent a la porte, si apelerent. Et li frère, qui 25 estoient preudome, lor ovrirent et les reçurent moût doucement et emportèrent Melyant en une chambre quoie. Quant il ot osté son hiaume, il demanda son Sauveor et len li aporta.Et quant il fu confés et il ot crié merci come bons crestiens, si receut Corpus Domini. Et quant il l'ot receu, si 30 dist a Galaad : « Sire, ore viegne la mors, car je mè sui bien garnis encontre lui. Or poez essaier a oster le fer de mon cors. )v Ht il met la main au fer et le trait hors a tout le fust.

44 LA aUESTE DEL S. GRAAL

Et cil se pasme d'angoisse. Et Galaad demande se il a laienz home qui des plaies au chevalier se sache entremetre. « Sire, oïl », font il. Si mandent un moine ancien, qui chevaliers avoit esté, et li mostrent la plaie. Et il la regarde et dit que il le rendra tout sain dedenz un mois. De ceste novele a s Galaad moût grant joie ; si se fet desarmer et dist qu'il demorra laienz tout le jor et l'endemain, por savoir se Melyanz porra garir.

Si demora einsi laienz trois jors. Et lors demanda il a Melyant coment il li estoit ; et il li dist que il ert tornez a lo garison. « Donc m'en porrai je bien, fet il, aler demain. » Et cil respont toz dolenz : « Ha ! mesire Galaad, me lairez vos dont ci? Ja sui je li hons ou monde qui plus desirre vostre compaignie se il la poïst maintenir. » — « Sire, fet Galaad, je ne vos serf ici de riens ; et je eusse greignor mes- 15 tier d'autre chose fere que de reposer, et de quierre le Saint Graal dont la dueste est par moi comenciee. » — « Coment, fet uns des frères, est ele donc comenciee ?» — « Oïl, fet Galaad, et en somes andui compaignon. » — « Par foi, fet li frères, donc vos di je, /sire chevaliers malades, que ceste 20 meschance vos est avenue par vostre pechié./,Et se vos me deissiez vostre errement puis que la Queste fu comenciee, je vos mosterroie par quel pechié ce vos avint. » — « Sire, fet Melyanz, et je le vos dirai. »

Lors li conte Melyanz coment Galaad l'ot fet chevalier, et 35 des letres que il troverent en la croiz, qui deffendoient la voie a senestre, et coment il i entra, et tout ce qui li estoit avenu. Li preudons, qui estoit de sainte vie et de haute clergie, li dist : « Certes, sire chevaliers, voirement sont ce des aventures dou Saint Graal ; car vos ne m'avez dite chose 30 ou il n'ait grant senefiance, et si le vos dirai.

« Quant vos deustes estre chevaliers, vos alastes a confesse, si que vos montastes en l'ordre de chevalerie nez et espur-

CHATIMENT DE MÉLYANT 45

giez de toutes ordures et de toz péchiez dont vos vos sentiez entechiez ; et einsi entrastes vos en la Queste dou Saint Graal tiex corne vos deviez estre. Mes quant li deables vit ce, si en fu molt dolenz et pensa que il vos corroit sus, si tost corne il verroit son point. Et il si fist, si vos dirai quant ce fu. Quant vos partistes de l'abeie ou vos fustes fait chevaliers, la première encontre que vos trovastes ce fu li signes de la veraie Croiz/; ce est li signes ou chevaliers se doit plus fier. Et encore i àvoit il plus. Il avoit un brief qui vos devisoit deus voies, l'une a destre et l'autre a senestre. Et par celé a destre devez vos entendre la voie Jhesucrist, la voie de pitié,, ou li chevalier Nostre Seignor errent de nuiz et de jorz, de jor selonc l'ame et de nuit selonc le cors. Et par celé a senestre devez vos entendre la voie as pecheors, ou li grant péril avienent a cels qui s'i metent. Et por ce que ele n'estoit mie si seure come l'autre, deffendoit li bries que nus ne s'i meist, se il n'estoit plus preudons que autres, ce est a dire se il n'estoit si fondez en l'amor Jhesucrist que por aventure ne peust chaoir en pechié. Et quant tu veis le brief, tu t'esmerveillas que ce pooit estre ; et maintenant te feri li anemis d'un de ses darz. Et ses tu douquel? D'orgueil, car tu pensas que tu t'en istroies par ta proesce. Et einsi fus tu deceuz par entendement ; car li escriz parloit de la chevalerie celestiel, et tu entendoies ,de la seculer, par coi tu entras en orgueil ; et por ce chaïs tu en pechié mortel.

« Quant tu te fus partiz de Galaad, li anemis, qui t'avoit trové foible, se mist avoec toi et pensa que poi. avoit fet encor s'il ne te fesoit chaoir en un autre pechié, si que de pechié en pechié te meist en enfer. Lors apareilla devant toi une corone d'or, et si te fist chaoir en covoitise si tost com tu la veis. Et si tost com tu la preis chaïs tu en deus péchiez mortels, ce fu^orgueil et covoitise; Et quant il vit que tu avoies covoitise menée a oevre et que tu emportoies la co-

rone, il se mist lors en guise de chevalier pecheon et entiça tant a mal fere, com cil qui suens estoit, que il qi talent de toi ocirre. Si t'acorut lance levée et t'eust ocis ; fnes la croiz que tu feis te garanti. Mes toutes voies por la venjance de ce que tu estoies issuz de son servise te mena Nostre Sires jusques a paor de mort, por ce que tu te fiasses mielz une autre foiz en l'aide Nostre Seignor que en ta force. Et por ce que tu eusses prochain secors t'envoia il Galaad, -cest saint chevalier, as deus chevaliers qui senefioient les deus péchiez qui en toi estoient herbergié, et n'i porent durer por ce que il estoit sanz pechié mortel. Si vos ai ore devisé par quele senefiance ces aventures vos sopt avenues. » Et il dient que ceste senefiance est bêle et merveilleuse.

Assez parlèrent des aventures dou Saint Graal entre le preudome et les deus chevaliers celé nuit. Si pria tant Galaad a Melyant qu'il li dona congié d'aler s'en de quele hore que il voudroit. Et il dist, puis qu'il li otroie, que il s'en ira. A l'endemain, si tost come Galaad ot oïe messe, il s'arma et comanda a Dieu Melyant et chevaucha mainte jornee sans aventure trover qui a conter face. Mes un jor avint qu'il se fu partiz de chiés un vavasor, si n'ot pas oïe messe, et erra tant que il vint en une haute montaigne, si i trova une chapele anciene. Il torna celé part por oïr messe, car il li anuioit moût le jor que il n'ooit le servise de Dieu. Quant il i vint, si n'i trova ame nule fors, que tote ert gaste. Et il s'agenoilla totes voies et pria Nostre Seignor que il le conseillast. Et quant il ot fête sa proiere, si li dist une voiz : « Oz tu, chevaliers aventureus, va t'en droit au Chastel as Puceles et en oste les mauveses costumes qui i sont. ))

Quant il ot ce, si mercie Nostre Seignor de ce que il li a envoie son message ; si est tantost montez et s'en vet. Et lors voit auques loign en une valee un chastel fort et bien