LE CHATEAU DES PUCELLES

séant ; et parmi coroit une grant ewe rade que len apeloit Saverne. Et il torne celé part; et quant il vient auques près, si encontre un home povrement vestu et de grant aage qui le salue bêlement. Et Galaad li rent son salu et li demande coment cil chastiax a nom. (( Sire, fet cil, li Chastiaus as Puceles ; ce est li chastiaus maleoiz, et tuit cil sont maleoit qui i conversent ; car toute pitié en est fors et toute durtez i est. » — « Et por coi ? » fet Galaad. — « Por ce. fet cil, que len i fet honte a toz cels qui i trespassent. Et por ce vos loeroie je bien, sire chevaliers, que vos retornissiez ; car d'aler avant ne vos porroit venir se honte non. » — « Or vos consaut Diex, sire preudom, fet Galaad, car le retorner feroie je molt a enviz. » Lors resgarde a ses armes que riens n'i faille ; et quant il voit qu'il est bien, si vet grant erre vers le chastel.

Et lors encontre set puceles montées moût richement, qui li dient : « Sire chevaliers, vos avez les bosnes passées! » Et il dit que ja por bosnes ne remaindra que il n'aille ou chastel. Si vet toz jors avant, et tant que il encontre un vaslet qui li dist que cil dou chastel li deffendent que il n'aille avant, devant que len sache que il veut. — « Je ne voil, fet il, fors la costume dou chastel. » — « Certes, fet cil, ce est la chose que vos mar desirrez ; et vos l'avrez tele que onques chevaliers ne pot achever. Mes atendez moi ci, et vos avrez ce que vos querez. » — « Or va donc tost, fet Galaad, et si me haste ma besoigne. »

Et li vaslez s'en entre ou chastel ; si ne demore gaires que Galaad en voit issir set chevaliers qui estoient frères, qui escrient a Galaad : « Sire chevaliers, gardez vos de nos : car nos ne vos aseurons mie fors de la mort !» — « Coment, fet il, volez vos tuit ensemble combatre a moi } » — « Oïl, font il, car tiex, est l'aventure et la costume. » Quant il ot ce, si lor lesse corre le glaive aloignié et fiert le premier, si

48 jS^^^HEl QUESTE DEL S. GRAAL

qu'il le porte a terre, et a poi qu'il ne li a le col brisié. Et li autre le fièrent tuit ensemble sor l'escu, mes de la sele ne le pueent remuer. Et neporquant de la force de lor lances arestent il son cheval en plain cors, et a poi qu'il ne l'abatent. A cel encontrer furent toutes lances brisiees, et si en ot Ga- 5 laad abatuz trois de son glaive. Et il met la main a l'espee et cort sus a cels qui devant lui estoient, et cil ausi a lui : si Gomence entr'aux la meslee grant et perillose. Et tant que cil qui furent abatu sont remonté ; et lors recomence la meslee graindre que devant. Mes cil qui de toz les chevaliers 10 ert li mieldres s'esforce tant que il lor fet guerpir la place ; si les atorne tiex a l'espee trenchant que armeure nelespuet garantir que il ne lor face le sanc saillir des cors. Si le troevent de tele force et de tele vistece que il ne cuident mie que il soit bons terriens/: car il n'a home ou monde 15 qui la moitié poïst soffrir que il a sofFert. .*Si s'esmaient moût, car il voient que il nel pueent remuer de place, ainz le troevent tor jorz d'autel force come au comencement. Car ce fu veritez de lui, si come l'estoire dou Saint Graal le tesmoigne, que por travail de chevalerie ne fu il onques nus 20 qui lassé le veist.

En tel manière dura la bataille jusques a midi. Et li set frère erent de grant proesce ; mes quant vint a celé bore, il se troverent si las et si mal atorné que il n'avoient pooir de lor cors deffendre. Et cil qui onques ne recreoit les vet 25 abatant des chevaus. LÉt quant cil voient que il ne porront plus durer, si s'en tornent fuiant ; et quant il voit ce, si nés J enchauce point, ainz vient au pont par ou len entroit ou I chastel.^Et lors encontre un home chenu vestu de robe de religion, qui li aporte les clés de laiens et dist : 30 « Sire, tenez ces clés. Or poez fere de cest chastel et de ' cels qui i sont a vostre volenté ; car vos avez tant fet que li chastiax est vostres. »