LE CHATEAU DES PUCELLES

Et il prent les clés et entre ou chastel. Et si tost corne il est enz, èi voit parmi les rues tant de puceles que il n'en set le nombre. Et totes li dient : « Sire, bien veignoiz vos ! moût avçns atendue nostre délivrance ! Et beneoiz soit Diex quant il .vos a amené ça ; car autrement ne fuissons nos ja 5 mes délivre de cest dolereus chastel. » Il lor respont que Diex les beneie. Et lors le prenent au frain et l'en meinent eiV la mestre forterece et le font desarmer ausi come a force, car" il disoit que il n'estoit mie encore tens de herbergier. Et une damoisele li dist : « Ha! sire, que est ce que vos dites ! 10 Certes se vos einsi vos en alez, cil qui par vostre proece s'en sont foi revendroient encore anuit et recomenceroient la dolereuse costume que il ont tant longuement maintenue en cest chastel. Et einsi seriez vos pori noient travailliez.» — (.« Que volez, fet il, que je face ? Je sui prest que je face vos 15 volentez, por tant que je voie que ce soit biens a fere. » — « Nos volons, fet la damoisele, que vos mandez les chevaliers et les vavasors de ci entor, car il tiennent lor fiez de cest chastel ; et lor fêtes jurer, a aux et a toz cels de ceanz, que ^ ja mes ne maintendront ceste costume . » Et il l'otroie . Et quand 20 eles l'orent mené jusques a la mestre meson, il descent et oste son hiaume et monte ou paies. Et maintenant issi une damoisele d'une chambre, qui aportoit un cor d'yvoire bendé d'or molt richement. Si le baille a Galaad et li dist : « Sire, se vos volez que cil viegnent qui des ore 25 mes tendront de vos ceste terre, si sonez cest cor, que len puet bien oïr de dis lieues. » Et il dist que ce est biens a fere. Si le baille a un chevalier qu'il vit devant soi ester. Et cil le prent et le sone si haut que len le puet bien oïr dou païs tôt environ. Et quant il a ce fet, si s'asieent 30 tuit entor Galaad. Et il demande a celui qui les clés li ot bailliees se il ert prestres. Et il dit que oïl. — « Or me dites donc, fet il, la costume de ceanz et ou toutes ces

s. GRAAL. 4

damoiseles furent prises. » — « Volentiers », fet li prestres.

« Il est voirs que dis anz a passez que li set chevalier que vos avez conquis vindrent en cest chastel par aventure, et se herbergierent o le duc Lynor, qui ert sires de tout cest pais, et estoit li plus preudons que len seust. Et la nuit, quant il orent mengié, monta uns estris entre les set frères et le duc por une soe fille que li set frère voloient avoir a force. Et tant que li dus i fu ocis et uns suens filz et celé retenue por qui la meslee comença. Et quant li frère orent ce fet, si pristrent tout le trésor de laienz et mandèrent chevaliers et serjanz et comencierent la guerre contre çaux de cest païs. Et tant firent que il les mistrent au desoz et reçurent lor fiez d'aux. Quant la fille le duc vit ce, si en fu moût corociee et dist ausi corne par devinaille : « Certes, fist ele, seignor, se vos avez ore la seignorie de cest chastel, il ne nos en chaut. Car ausi com vos l'avez p^r achaison de famé, ausi le perdroiz vos par damoisele ;/et en seroiz tuit set recréant par le cors d'un sol chevalier. » Et il tinrent tôt ce a despit et distrent que por ce que ele en avoit dit ne passeroit il ja mais damoisele par devant cest chastel que il ne detenissent jusqu'à tant que li chevaliers vendroit par qui il seroient vencu. Si l'ont einsi fait jusques a ore, si a puis li chastiax esté apelez li Chastiax as Puceles. » — « Et celé damoisele, fet Galaad, par qui celé meslee fu comenciee, est ele encore ceanz ?» — « Sire, fet il, nanil, ele est morte. Mes une soe suer plus juene de li i est. » — « Et coment i estoient ces damoiseles?» fet Galaad. — «Sire, fet il, eles i avoient moût de malese. » — « Or en sont fors »,.fet Galaad.

A hore de none comença li chastiax a emplir de cels qui les noveles savoient que li chastiax ert conquis. Si firent grant feste a Galaad, come a celui qu'il tenoient a seignor. Et il revesti maintenant la fille au duc dou chastel et de ce qui i apendoit, et fist tant que tuit li chevalier dou païs