LE CHATEAU DES PUC ELLES 5 I
devindrent home a la damoisele, et lor fist a toz jurer que ja mes celé costume ne maintendroient. Et s'en alerent les damoiseles chascune en son pais.
Tôt le ]or demora laienz Galaad, si ii fist len moût honor. Et a l'endemain vint la novele laienz que li set frère estoient ocis. « Et qui les ocist? » fet Galaad. — « Sire, fet uns vaslet, ier, quant il partirent de vos, si encontrerent en cel tertre monseignor Gauvain et Gaheriet son frère et monseignor Yvain. Si corurent sus li un as autres ; si torna la desconfiture sor les set frères. » Et il se merveille de ceste aventure. Si demande ses armes, et len li aporte. Et quant il est armez, il se part dou chastel, et cil le convoient grant pièce, et tant que il les fet retorner, et il entre en son chemin et chevauche toz seus. Mes a tant se test ore li contes de lui, et retorne a Gauvain.
Or dit li contes que, quant mesires Gauvains se fu partiz de ses compaignons, il chevaucha a mainte jornee sans aventure trover qui a conter face ; tant qu'il vint a l'abeie ou Galaad avoit pris l'escu blanc a la croiz vermeille, et li conta len 20 les aventures qu'il avoit achevées. Et quant il oï ce, si demanda quele part il ert alez, et len li dist. Et il se mist au chemin après lui et chevaucha tant que aventure le mena la ou Melyanz gisoit malades. Et quant cil reconut monseignor Gauvain, si li dist noveles de Galaad qui s'en ert au 25 matin partiz. « Diex ! fet mesires Gauvains, tant sui meschaaiîz ! Or sui je li plus maleureus chevaliers dou monde, qui vois suivant ce chevalier de si près et si nel puis ateindre ! Certes se Diex donast que je le poisse trover, ja mes de lui ne départisse, por qu'il amast ma compaignie 3° autant come je feroie la soe. »
Geste parole oï uns des frères de laienz, si respondi a monseignor Gauvain : « Gertes, sire,/ la compaignie de vos deus ne seroit mie covenable./ Car vos estes serjanz mauves et desloiax, et il est chevaliers tiex come il doit estre. a — ce Sire, fet mesires Gauvains, a ce que vos me dites me semble il que vos me connoissiez bien. » — « Je vos conois, fet li preudons, moût mielz que vos ne cuidiez. » — « Biau sire, fet Gauvains, donc mepoez vos bien dire, s'il vos plest, en quoi je sui tiex come vos me metez sus. » — « Je nel vos dirai mie, fet cil, mes vos troveroiz par tens qui le vos dira. »
En ce qu'il parloient einsi entra laienz uns chevaliers armez de toutes armes, et descendi en la cort ; et li frère corurent a lui por lui desarmer et l'amenèrent en la chambre ou mesire Gauvains estoit. Et quant il est desarmez et mesire Gauvains le voit, si conoist que ce est Gaheriés ses frères ; et li cort a l'encontre les braz tenduz et li fet joie merveilleuse ; et li demande se il est sainz et haitiez. Et il dit : « Oïl, Dieu merci. »
Celé nuit furent bien servi des frères de laienz ; et a l'endemain, si tost come il ajorna, oïrent messe tuit armé fors de lor hiaumes. Et quant il furent monté et apareillié, si se partirent de laienz et errèrent jusqu'à hore de prime. Et lors resgardent devant aus et voient monseignor Yvain tout sol chevauchant ; et il le conoissent bien as armes qu'il portoit. Si li crient qu'il s'arrest. Et il seresgarde quant il s'oï nomer, si s'arreste et les conoist a la parole. Et il li font grant joie et li demandent coment il l'a puis fet. Et il respont qu'il n'a riens fet, car onques puis ne trova aventure qui li pleust. — « Or chevauchons tuit ensemble, fet Gaheriez, tant que Diex nos envoit aventure. » Et il li otroient, si acoillent lor chemin tuit troi ensemble. Si ont tant chevauchié qu'il vindrent vers le Chastel as Puceles ; et
