ERREURS DE GAUVAIN
ce fu celui jor meismes que li chastiax fu conquis. Quant li set frère virent les trois compaignons, si distrent : « Ore sor aus et les ocions ; car il sont de cels par qui nos somes deserité;, et il sont des chevaliers aventureus. » Et lors poi- „^
gnent as trois compaignons et lor crient maintenant qu'il se 5 , gardent, car il sont venu a la mort. Et quand cil oient ceste parole, si lor adrecent les testes des chevax. Si avint a la première joste que li troi des set frères morurent : car mesires Gauvains en ocit un, et mesires Yvains un autre, et Gaheriés le tierz. Lors traient les espees et corent sus as 10 autres. Et cil se deffendent si come il pueent, mes ce n'est mie moût bien, come cil qui moût erent las et travaillié, car grant estor et grant meslee lor avoit celui jor Galaad rendu. Et cil, qui moût estoient preudome et bon chevalier, les meinent si mal qu'il les ocient en poi d'ore. Si les lessent 15 en la place toz morz et s'en vont la ou fortune les meine.
Si ne tornent mie vers le Chastel as Puceles, ainz s'en vont tout lor chemin a destre ; et par ce perdirent il Galaad. Et a hore de vespres se départirent et tint chascuns sa voie. Et mesire Gauvains chevaucha tant qu'il vint a un hermitage, 20 et trova que li hermites ert en sa chapele et chantoit ses vespres de Nostre Dame. Et il descent de son cheval et les • oï, et puis demande l'ostel el nom de sainte charité ; et cil li otroie molt bonement.
Le soir demanda li preudons a monseignor Gauvain dont 25 il estoit. Et il l'en dist la vérité ; et il dist en quele queste il s'estoit mis. Et quand li preudons entent que ce est mesire Gauvains, si li dist : « Certes, sire, s'il vos plaisoit, je voldroie moût savoir de vostre estre. » Et lors li comence a parler de confession, et a trere lui avant trop biaus essamples;;3o v^, de l'Evangile, et l'amoneste qu'il se face confés a lui, et il le'''^^^ conseillera de quan qu'il porra. « Sire, fet mesires Gauvains, se vos me voliez fere entendre une parole qui avant ier me
fu dite, je vos diroie tôt mon estre, qar vos me semblez molt preudons ; si sai bien que vos estes prestres. » Et li preudons li créante qu'il le conseillera de qan qu'il porra. Et mesires Gauvains resgarde le preudome, si le voit viel et ancien, et tant li semble preudons que si li prent talent de 5 fere soi confés a lui. Si li conte ce dont il se sentoit plus corpables vers Nostre Seîgnor, et ne li oublie pas a dire la parole que li autres preudons li avoit dite. Si trova li preudons qu'il avoit passés quatre anz qu'il n'avoit este confés. Et lors li dist : lo
« Sire, a droit fustes apelez mauves serjanz et desloiax. Car quant vos fustes mis en l'ordre de chevalerie, len ne vos i mist mie por ce que vos fussiez des lors en avant serjanz a l'anemi, mes por ce que vos servissiez a nostre criator et defFendissiez Sainte Eglise et rendissiez a Dieu le trésor que 15 il vos bailla a garder, ce est l'ame de vos. Et por ceste chose vos fist len chevalier, et vos avez mauvesement chevalerie emploiee. Car vos en avez dou tout esté serjanz a l'anemi, et lessié vostre creator, et menée la plus orde vie et la plus mauvese que onques chevaliers menast. Et ce poez vos bien 20 veoir, que cil vos conoissoit bien, qui vos apela mauves serjant et desloial.\Et certes, se vos ne fussiez si pechierres come vos estes, ja li set frère ne fussent ocis par vos ne par vostre aide, ainz feissent encore lor penitance de la mauvese costume que il avoient tant maintenue ou Chastel as Puceles, 25 et s'acordassent a Dieu. Et einsi n'esploita mie Galaad, li Bons Chevaliers, cil que vos alez querant : car 41 les conquist sanz ocirre.'JEt ce ne fu mie sanz grant senefiance que li set frère avoient amenée ceste costume ou chastel, que il retenoient toutes les puceles qui en cest pais venoient ou fust a tort ou fust a droit. » — « Ha ! sire, fet messire Gauvains, dites moi la senefiance, si que je la sache contera cort quant je i vendre. » — « Volentiers », fet li preudons.
