ERREURS DE GAUVAIN

c( Par le Chastel as Puceles doiz tu entendre enfer et par les puceles les bones âmes qui a tort i estoient enserrées devant la Passion Jhesucrist ; et par les set chevaliers doiz tu entendre les set péchiez principaus qui lors regnoient ou monde, si que de droit n'i avoit point. Car si tost come l'ame issoit 5 dou cors, quiex que ele fust, ou de preudome ou de mauves, maintenant aloit en enfer et estoit iluec enserrée ausintcome les puceles. Mes quant li Pères del ciel vit que ce qu'il avoit formé aloit si a mal, il envoia son filz en terre por délivrer les bones puceles, ce sont les bones âmes. Et tôt ausi come lo il envoia son filz qu'il avoit devant le comencement dou monde, tout einsi envoia il Galaad come son esleu chevalier et son esleu serjant, por ce que il despoillast \e chastel des bones puceles, qui sont ausi pures et netes come la flor dou lis, qui onques ne sent la chalor dou tens. » 15

Quant il ot ceste parole, si ne sot que dire; et li preudons li dist : « Gauvain, Gauvain, se tu vouloies lessier ceste mauvese vie que tu as ja si longuement maintenue, encore ^^^ te porroies tu acorder a Nostre Seignor. Car l'Escriture dit " \ que nus n'est si pechierres, por qu'il requière de bon cuer 20 la miséricorde Nostre Seignor, qu'il ne la truist. Et por ce te loeroie je en droit conseil que tu preisses penitance de ce que tu as meffet. » Et il dist que de penitance ferene porroit il la peine soffrir. Et li preudome le let a tant, que plus ne -^ li dit, car il voit bien que ses amonestemenz seroit peine 25 perdue.

Et au matin se parti messire Gauvains de laienz et erra tant que encontra par aventure Agloval et Girflet le filz Do. Si errèrent ensemble quatre jorz sans aventure trover qui a conter face, et au cinquiesme jor avint qu'il se départirent 30 et tint chascuns sa voie. Si lesse ore a tant li contes a parler d'aux et parole de Galaad.

5é LA QUESTE DEL S. GRAAL

Or di li contes que qant Galaad se fu partiz dou Chastel as Puceles, que il chevaucha tant par ses jornees que il vint en la Forest Gaste. Un jor li avint que il encontra Lancelot et Perceval qui chevauchoient ensemble ; et nel connurent pas, come cil qui tiex armes n'avoient pas aprises a veoir. Si li 5 adrece Lancelot touz premiers et li brise sa lance en mi le piz. Et Galaad le fiert si durement que il abat et lui et le cheval tout en un mont,,înes autre mal ne li fist. 'Puis trait l'espee qant il ot le glaive brisié et fiert Perceval- si durement que il li trenche le hiaume et la coife de fer ; et se l'espee ne li fust '° tornee en la main, ocis l'eust sanz faille. Et neporquant il n'a mie tant de pooir qu'il remaigne en sele ; ainz vole jus si vainz et si maz del grant cop qu'il ot receu qu'il ne set s'il est nuiz ou jors. Et celé joste fu fête devant un hermitageou une recluse manoit. Et qant ele en vit Galaad aler, si li 15 dist : « Ore alez a Dieu qui vos conduie ! Certes, se il vos conneussent aussi bien come je vos conois, il n'eussent ja tant de hardement que il a vos se preissent. » Et quant Galaad ot ceste parole, si a grant poor de conoissance. Si broche cheval des espérons et s'en vet si grant oirre 20 come il puet del cheval trere. Et quant il se sont aperceu que il s'en vet, si montent en lor chevaus au plus tost que il onques pueent. Et quant il voient que il ne le porront aconsivre, si retornent tant dolent et tant corrocié que il voldroient morir sanz demorance, car or heent il trop lor 25 vies ; si se metent en la Forest Gaste.

Einsi est Lanceloz remes en la Forest Gaste dolenz et corrociez dou chevalier qu'il a perdu. Si dist a Perceval : « Que porrons nos fere ? » et il respont qu'il ne set nul consoil mètre en ceste chose. Car li chevaliers s'en vet si grant 3o