LANCELOT DANS LA FORÊT

oirre qu'il nel porroient aconsivre. « Et vos veez, fet il, que la nuiz nos a sorpris en tel leu dont nos ne porrions ja mes issir se aventure ne nos en gitoit fors. Et por ce m'est il avis que mielz nos vendroit retorner au chemin. Car se nos començons ci a desvoier, je ne cuit mie que nos reveignons au droit chemin mes en pièce. Or en feroiz ce que vos plaira : car je voi plus nostre preu ou retorner que en l'aler. » Et Lanceloz dit que el retorner ne s'acorderoit il mie volontiers, ainz ira après celui qui l'escu blanc emporte : car il ne sera ja mes aeise devant que il savra qui il est. « Tant vos poez vos bien soffrir, fet Perceval, que li jorz de demain soit venuz. Et lors en irons moi et vos après le chevalier. » Et il dit que il n'en fera riens. « Or vos consent Diex, fet Perceval, car je n'irai mes hui avant, ainz retornerai a la recluse qui dist que ele le devoit bien conoistre. »

Einsi se départirent li compaignon ; si s'en revint Perceval a la recluse. Et Lancelot chevaucha après le chevalier tout le travers de la forest en tel manière qu'il ne tient ne voie ne sentier, ainz s'en vet si come aventure le meine. Et ce li fet moût mal que il ne voit ne loign ne près ou il puisse prendre sa voie : car moût ert la nuiz oscure. Et neporec "tant a aie que il vint a une croiz de pierre qui ert au département de deus voies en une gaste lande. Et il resgarde la croiz quant il fu près et voit par dejoste un perron de marbre ou il avoit letres escrites, ce li ert avis. Mes li tens ert si oscurs que il ne pooit conoistre que eles voloient dire. Et il resgarde vers la croiz et voit unechapele moût anciene, et il s'i adrece car il i cuide trover gent. Et quant il est auques près, si descent et atache son cheval a un chesne et oste son escu de son col et le peut a l'arbre. Puis vient a la chapele et la troeve gaste et decheue, et entre dedenz, et troeve a l'entrée unes prônes de fer qui estoient serrées et jointes en tel manière que len n'i poïst mie legierement entrer. Et il

resgarde par mi les prônes et voit la dedenz un autel qui ert moût richement aornez de dras de soie et d'autres choses, et devant avoit un grant chandelabre d'argent qui sostenoit sis cierges ardanz qui gitoient grant clarté. Et qant il voit ce, si a talent d'entrer enz por savoir qui i repère : car il ne cuidoit mie qu'en si estrange leu eust si bêles choses come il voit ci. Et il vet regardant les prônes. Et quant il voit qu'il n'i porra entrer, si est tant dolenz qu'il se part de la chapele et vient a son cheval et l'en «leine par le frain jusqu'à la croiz ; puis li oste la sele et le frain et le lesse pestre ; et deslace son hiaume et le met devant soi, et oste s'espee et se couche sor son escu devant la croiz et s'endort assez legierement, a ce que il estoit las, se ne fust ce qu'il ne put oublier le Bon Chevalier qui le blanc escu emporte.

Et quant il s'est grant pièce esperiz, si voit venir, en une litière que portoient dui palefroi, un chevalier malade qui moût se plaignoit angoisseusement. Et quant il aproche de Lancelot, si s'arreste et le regarde rie mot ne dit, car il cuide que il se dorme. Et Lancelot ne li dist mot, come cil qui ert en tel point que il ne dormoit bien ne ne veilloit bien, ainz someilloit. Etli chevaliers de la litière, qui se fu arrestez a la croiz, se comença a plaindre moût durement et^disoit: « Ha! Diex, faudra me ja mes ceste dolor ? Ha ! Diex, :iquant vendra li Sainz Vessiaus par qui la force de ceste dolor doit remanoir ? Ha ! Diex, soffri onques mes nus hom autant de mal come je sueffre, et por petit de meffet? » Grant pièce se complaint einsi li chevaliers et* se démente a Dieu de ses maus et de ses dolors. Et Lancelot ne se remue ne ne dist mot, car il est ausi come entransés, et neporec il le voit bien et entent ses paroles.

Et quant li chevaliers a grant pièce atendu en tel manière, si se resgarde Lancelot et voit venir devers la chapele le chandelabre d'argent que il avoit veu en la chapele o les