LE CHEVALIER GUÉRI PAR LE GRAAL

cierges, et il resgarde le chandelabre qui vient vers la croiz, ^ /mes il ne voit mie qui le porte, si s'en merveille trop. Et ^' après voit venir £or une table d'argent le Saint Vessel que il ot jadis veu chiés le Roi Pescheor, celui meismes que len apeloit le Saint Graal. Et si tost come li chevaliers malades 5 le voit venir, si se lesse chaoir a terre de si haut come il estoit et joint les m'ains encontre et dit : (* Biau sire Diex, qui - de cest Saint Vessel que je voi ci venir avez fet tant bel miracle en cest païs et en autre. Père, regardez moi par vostre pitié, en tel manière que cist maus dont je me travail me soit lo assouagemenz en brief terme, si que je puisse entrer en la Queste ou li autre preudome sont entré. » Et lors s'en vet traînant a la force de ses braz jusq'au perron ou la table seoit et li Sainz Vessiaus desus. Et il se prent a deus mains et se tire contremont et fet tant qu'il bese la table d'argent et la 15 toche a ses euz. Et quant il a ce fet, si se sent ausi come toz alegiez de ses maus : si gite un grant plaint et dit : « Ha ! Diex, gariz sui ! » et ne demora gaires que il s'endort. Et quant li Vessiaus ot une pièce demoré ilec, si s'en râla li chandelabres en la chapele et li Vessiaus avec, si que Lan- 20 celot ne sot ne a l'aler ne au venir par cui il i pot estre aportez. Et neporquant einsi li avint, ou parce qu'il ert trop pesanz dou travail que il avoit eu, -ou par pechié dont il ert sorpris, que il ne se remua por la venue del Saint Graal ne ne fist semblant qu'a riens l'en fust ; dont il trova puis en la 25 Queste qui mainte honte l'en dist et assez l'en mesavint en maint leu.

Quant li Sainz Graalz se fu partiz de la croiz et entrez en la chapele, si se dreça li chevaliers de la litière sainz et haitiez et besa la croiz. Et maintenant vint ilec un escuiers 30 qui aportoit unes armes moût bêles et moût riches ; et vet la ou il voit le chevalier, si li demande coment il li est avenu. « Par foi, fet il, bien. Dieu merci : je fui tantost gariz come

éo LA QUESTE DEL S. GRAAL

li Sainz Graalx me vint visiter. Mes merveille me semble de cel chevalier qui la se dort, qui onques ne s'esveilla de sa venue. « — « Par foi, fet li escuiers, ja est aucuns chevaliers qui maint en aucun grant pechié dont il ne se iist onques confés, dont il est par aventure si corpables vers Nostre Seignor que il ne li plaist mie qu'il veist ceste bêle aventure. » — (( Certes, fet li chevaliers, qui que il soit, il est meschaanz ; et si cuit je bien que ce soit aucuns des compaignons de la Table Reonde qui sont entré en la Queste dou Saint Graal. » — <f Sire, fet li escuiers, ge vos ai voz armes aportees, si les prenez quant vos plaira. » Et li chevaliers li respont que d'autre chose n'avoit il pestier. Si s'arme et prent les chauces de fer et le hauberc./tt li escuiers vient a l'espee Lancelot/si li baille et le hiaume ausi/ puis vient au cheval Lancelot et li met la sele et le frain./Et quant il l'ot apareillié, si dist a son seignor : « Sire, montez : que a bon cheval ne a bone espee n'avez vos mie failli. Certes, ge ne vos ai chose bailliee qui mielz ne soit emploiee en vos que en cest mauves chevalier qui ci gist. » La lune estoit levée bêle et clere, car ja ert passée la mie nuit. Et li chevaliers demande a Tescuier coment il conoist l'espee ; et cil dit que il la cuide bien conoistre a la biauté que ele a : et il l'ot ja trete dou fuerre, si l'avoit trouvée si bêle que il l'avoit trop couvoitiee. Et quant li chevaliers fu apareilliez et montez el cheval Lancelot, si tent la main vers la chapele et jure que, se Diex li ait et li saint, il ne finera ja mes d'errer devant que il savra coment ce est que li Sainz Graaux s'apert en tanz leux ou roiaume de Logres, et par qui il fu aportez en Engleterre et por quel besoign, se aucuns autres n'en set ainz de lui veraies noveles. « Si m'ait Diex, fet li vaslez, assez en avez dit. Or vos doint Diex a honor partir de ceste Queste, et a sauveté de l'ame : car certes sanz péril de mort ne la poez vos mie longuement maintenir. » — « Se ge i

LANCELOT RÉPROUVÉ 6l

muir, fet ii chevaliers, ce sera plus m'anors que ma honte. Car a ceste Qiieste ne doit refuser nus preudons ne por mort ne por vie. » Et lors se part de la croiz entre lui et son escuier, si emporte les armes Lancelot et chevauche si come aventure le meine.

Et quant il se pot bien estre esloigniez de mie Hue et plus, si avint que Lancelot se leva en sou séant come cil qui lors a primes s'estoit esveilliez dou tout. Si se porpense se ce qu'il a veu a esté songes ou veritcz, car il ne set s'il a veu le Saint Graal ou se il l'a songié. Et lors se drece et voit le chandelabre devant l'autel, mes de ce qu'il plus voudroit veoir ne voit il riens, ce est dou Saint Graal, dontilvoldroit savoir veraies noveles s'il pooit estre.

Quant Lancelot ot grant pièce resgardé devant les prônes por savoir se il verroit riens de la chose que il plus desirroit, si ot une voiz qui li dist : « Lancelot, plus durs que pierre, plus amers que fuz, plus nuz et plus despris que figuiers, coment fus tu si hardiz que^ tu ou leu ou li Sainz Graalx reperast osas entrer ? Va t'en de ci, car li leux est ja toz emputentëz de ton repère. » Et quant il ot ceste parole, si est tant dolenz qu'il ne set que il doie fere. Si se part maintenant d'iluec sospirant dou cuer et lermoiant des eulz, si maudit l'ore qu'il fu nez, car ce set il bien qu'il est venuz au point qu'il n'avra ja mes honor, puis qu'il a failli a savoir la vérité del Saint Graal. Mes les trois paroles dont il a esté apelez n'a il pas oubliées ne n'oubliera ja mes tant come il vive, ne ne sera granment aeise devant que il sache por quoi il fu einsi apelez. Et quant il est venuz a la croiz, si ne troeve ne son hiaume ne s'espee ne son cheval : si s'aparçoit maintenant qu'il a veu vérité. Et lors comence un duel grant et merveilleux, et se clame chaitif dolent et dit : « Ha! Diex, or i pert mes péchiez et ma mauvese vie. Or voi je bien que ma chetivetez m'a confondu plus que nule autre

chose. Car quant je me deusse amender, lors me destruit 1 anemis, qui m'a si tolue la veue que je ne pui veoir chose qui de par Dieu soit. Et ce n'est mie de merveille se je ne puis veoir cler : car des lors que je fui primes chevaliers ne fu il hore que je ne fusse coverz de teniebres de pechié mor- 5 tel, car tout adés ai habité en luxure et en la vilté de cest monde plus que nus autres. »

Einsi se despit et blasme Lancelot moût forment et fet son duel toute la nuit. Et quant H jorz parut biaus et clers et li oiselet comencerent a chanter parmi le bois et li soleax 10 comença a luire par mi les arbres, et il vojt le biau tens et il ot le chant des oisiaus dont il s'ert maintes foiz esjoiz, et lors se voit desgarni de toutes choses, et de ses armes et de son cheval, et bien set de voir que Nostre Sires s'est corrociez a lui ; si ne cuide ja mes venir a cel point qu'il truist 15 chose ou monde qui sa joie li poïst rendre.' Car la ou il cuidoit joie trover et toutes honors terrianes a il failli, ce est as aventures dou Saint Graal ; et ce est une chose qui moût le desconforte.

Et quant il s'est grant pièce plainz et démentez et regretee 20 sa maleurté, si se part de la croiz et s'en vet par mi la forest tôt a pié, sanz hiaume et sanz espee et sanz escu. Si ne retbrne mie a la chapele ou il ot oies les trois merveilleuses paroles, ainz s'en torne par un sentier, et tant que il vint a hore de prime en un tertre ou il troeve un hermitage et 25 l'ermite qui voloit comencier la messe et estoit ja garniz des armes de Sainte Eglise. Et il entre en la chapele mornes et pensis et tant dolenz que nus plus. Si s'agenoille en mi le chancel et bat sa corpe et crie merci a Nostre Seignor des maies oevres que il a fêtes en cest siècle. Si escoutala messe que li preudons chanta entre lui et son clerc. Et quant ele fu chantée et li preudons se fu desgarniz des armes Nostre Seignor, Lancelot l'apela maintenant et le trest a une part et li

LANCELOT CHEZ l'eRMITE 63

prie por Dieu qu'il le conseult. Et li preudons li demande dont il est ; et il dit qu'il est de la meson le roi Artus et compainz de la Table Reonde. Et li preudons li demande : « De quoi volez vos conseil ? Est ce de confession ?» — « Sire, oïl », fet il. — « Et de par Nostre Seignor », fait li preudons.

Et lors l'en meine devant l'autel et s'asieent ensemble. Et lors li demande li preudons coment il a non. Et il dit qu'il a non Lancelot dou Lac et fu filz le roi Ban de Benoyc. Et quant li preudons ot que ce est Lancelot dou Lac, li bons ou monde de qui len disoit plus de bien, si est toz esbahiz de ce qu'il li voit si grant duel démener. Et il li dit :

« Sire, vos devez a Dieu moût grant guerredon de ce que il vos a fet si bel et si vaillant que nos ne savons ou monde ne de bjauté ne de valor vostre pareil. Il vos a preste le sens et la mémoire que vos avez : si l'en devez faire si grant bonté que s'amors soit sauve en vos, en tel manière que li deables n'i ait preu ou large don que il vos a doné. Si le servez de tout vostre pooir et fêtes ses comandemenz. Si ne servez pas dou don qu'il a doné son anemi mortel, ce est le deable. Car se il vos a esté plus larges que a autre et il ore iperdoit, moût vos en devroit len blasmer.

« Si ne resemblez mie le mauves serjant dont il parole en l'Evangile, dont li uns des evangelistres fet mencion et dit que uns riches bons bailla a trois de ses serjanz grant partie de son or. Car il bailla a l'un un besant et a l'autre en bailla deus et au tierz en bailla cinc. Cil a qui il bailla les cinc les monteplia en tel manière que quant il vint devant son seignor et il dut fere conte et reson de son gaang, si dist : « Sire, tu me baillas cinc besanz : voiz les ci et cinc autres « avec que je ai gaangniez. » Et quant li sires l'oï, sirespondit : « Vien avant, serjanz bons et loiaux : je t'acoil en la « compaignie de mon ostel. » Apres revint li autres qui les

deus besanz avoit receuz, et dist a son seignor que il en avoit deus autres gaangniez. Et li sires li respondi tout ainsi corne il avoit fet a l'autre serjant. Mes il avint que cil qui n'en avoit que un receu ot le suen enfoï en terre et se fu esloigniez de la face son seignor et n'osa venir avant. Cil fu li mauves serjanz, cil fu li faux symoniaux et li ypocrites de cuer ou li feux dou Saint Esperit n'entra onques. Et por ce ne puet il eschaufer de l'amor Nostre Seignor ne embraser cels a qui il anonce la sainte parole. Car si com la divine Escriture dit : « Cil qui n'art, il ne brulle mie », ce est a dire : a Se li feux dou Saint Esperit n'eschaufe celui qui raconte « la parole de l'Evangile, ja li bons qui l'oie n'en ardra ne « n'en eschaufera. »

« Ceste parole vos ai je trete por le large don que Nostre Sires vos a doné. Car je voi qu'il vos a fet plus bel que nul autre et meillor, ce m'est avis par les choses qui defors en aperent. Et se vos de cest don qu'il vos a fet estes ses anemis, sachiez qu'il vos tornera a noient en assez petit de tens, se vos prochainement ne li criez merci en confession veraie et en repentance de cuer et . en amendement de vie. Et je vos di veraiement que se vos en tel manière li criez merci, il est tant debonaires et tant aime le verai repenlement dou pecheor plus qu'il ne fet le dechoiement, si vos relèvera plus fort et plus viguereus que vos ne fustes onques nul jor. »

— « Sire, fet Lancelot, ceste semblance que vos m'avez ci mostree, de ces trois serjanz qui avoient receuz les besanz, me desconforte assez plus que nule autre chose. Car je sai bien que Jhesucrist me garni en m'enfance de toutes les bones grâces que onques nus lions poïst avoir ; et por ce 30 î qu'il me fu si larges de prest et je li ai si mal rendu ce qu'il m'ot baillié, sai je bien que je en serai jugiez come li mauves serjanz qui le besant repost en terre. Car j'ai servi toute ma

EXHORTATIONS DE l'eRMITE 65

vie son anemi et l'ai guerroie par mon pechié. Et si me sui ' ocis en la voie que len troeve au comencement large et en-., mielee : ce est li comencemenz de pechié. Li deables m'a mostree la douçor et le miel ; mes il ne me mostra mie la peine pardurable ou cil sera mis qui en celé voie demore ». 5

Et quant li preudons oï ceste parole, si començaaplorer et dist a Lancelot : « Sire, de celé voie que vos dites sai je bien que nus n'i demore qui ne soit morz pardurablement. Mes ausi come vos veez que li bons forsvoie aucune foiz en son chemin quant il s'endort et il revient arrière si tost 10 com il est esveilliez, tout ausi est dou pecheor qui s'endort en pechié mortel et torne fors de la droite voie, et il retorne a son chemin, c'est son creator, et s'adrece a aler au Haut Seignor qui crie toz jorz : « Je sui voie et veritez et vie. » Lors se resgarde et voit une croiz ou li signes de la Veraie 15 Croiz ert peinz ; si la mostre a Lancelot et li dit : « Sire, veez vos celé croiz ?» — « Oïl, » fet il. — « Or sachiez veraiement, fet li preudons, que celé figure a estenduz ses braz ausi come por recevoir chascun. Tout en tel manière a Nostre Sires estendu ses braz por recevoir chascun pecheor, 20 et vos et les autres qui a lui s'adrecent, et crie toz dis : « Venez, venez ! » Et puis qu'il est si debonaires qu'il est adés prest de recevoir cels et celés qui a lui revienent, sachiez que il ne vos refusera ja, se vos vos offrez a lui en tel manière com je vos di,- de veraie confession de bouche et de 25 repentance de cuer et en amendement de vie.rEt dites orendroit vostre estre et vostre afere a lui en audience devant moi, et je vos aiderai a secorre a mon pooir, et vos conseillerai de quan que je porrai. »

Et Lancelot pense un petit, come cil qui onques ne reco- 30 nut l'afere de lui et de la reine, ne ne dira tant come il vive, se trop granz amonestemenz a ce ne le meine. ,. Si giete un sospir dou parfont dou cuer et est tel atornez qu'il ne puet

s. GRAAL. 5

issir parole de sa bouche. Et neporec il le diroit volentiers, mes il n'ose, corne cil qui plus est coarz que hardiz. Et li preudons l'amoneste toutevoies de regehir son pechié et de laissier le tout, car autrement est il honiz s'il ne fet cç qu'il li amoneste, et li promet la vie pardurable por le gehir et 5 enfer por le celer. Si li dit tant par bones paroles et par bons essamples que Lancelot li comence a dire:

« Sire, fet Lancelot, il est einsi que je sui morz de pechié d'une moie dame que je ai amee toute ma vie, et ce est la i reine Guenievre, la famé le roi Artus. Ce est celé qui a 10/ plenté m'a doné l'or et l'argent et les riches (ions que je ai ^ aucune foiz donez as povres chevaliers. Ce est celé qui m'a mis ou grant boban et en la grant hautece ou je sui. Ce est celé por qui amor j'ai faites les granz proeces dont toz li mondes parole. Ce est celé qui m'a fet venir de povreté en 15 richece et de mesaise a toutes les terriannes beneurtezji Mes je sâi bien que par cest pechié. de li s'est Nostre Sires si durement corociez a moi qu'il le m'a bien mostré puis ersoir. » Et lors H conte coment il avoit veu le Saint Graal si q'onques , ne s'estoit remuez encontre lui, ne por honor de lui ne por 20 amor de Nostre Seignor.

Et quant il ot au preudome conté tout son estre et toute sa vie, si li prie por Dieu qu'il le conseult. « Certes, sire, fet il, nus consauz ne vos i avroit mestier se vos ne creantez a Dieu que ja mes en cestui pechié ne rencharroiz. Mes se vos 35 del tout vos en voliez oster et crier merci et repentir vos de bon cuer, encore cuit je que Nostre Sires vos rapeleroit o ses serjanz et vos feroit ovrir la porte des cielx,:ou la-vie pardurable est apareilliee a çax qui laienz entreront. Mes en cel point ou vos estes ore ne vos porroit avoir mestier consauz. 30 Car ce seroit ausi come cil qui fet drecier sor fondement mauves une tor fort et haute : si li avient, quant il a grant pièce maçonné, que tout ce qu'il a fet chiet en un mont. Tout