HISTOIRE DU ROI MORDRAIN
ert devant, et fu couverz si qu'il ne paroit riens de lui. Et maintenant se devesti li prestres come cil qui avoit la messe chantée.
Quant Perceval ot veue ceste chose, si issi dou mostier et vint en la chambre ou il avoit geu, et apela un des frères de 5 laienz et li dist : « Sire, por Dieu dites- moi ce que je vos demanderai : car je cuit bien que vos en sachiez la vérité. » — « Sire chevaliers, fet cil, dites moi que ce est, et se je le sai je le vos dirai volentiers, se je le puis fere ne doi. » — « Par foi, fet il, je vos dirai que ce est. Je fui ore en celé iff eglyse et oï leservise ; et la vi je en unes prônes devant un autel gésir en un lit un viel home de très grant aage, une coronne d'or en sa teste. Et quant il se dreça en séant, je vi qu'il estoit toz plaiez amont et aval. Et après ce que la messe fu chantée li dona li prestres a user Corpus Domini. Et main- 15 tenant qu'il l'ot usé se coucha et osta sa coronne de sa teste. Biau sire, ce me semble que ce soit moût grant senefiance ; si le voldroie molt savoir s'il pooit estre ; et por ce vos pri je que vos le me dioiz. » — « Certes, fet li preudons, volentiers. 20
« Il estvoirs, et bien l'avez oï dire a plusors genz, que Joseph d'Arymacie, li preudons, li verais chevaliers, fu premièrement envolez de par le Haut Mestre en ceste terre por ce qu'il i plantast et edefiast sainte crestienté a l'aide de son Criator. Et quant il ifu venuz, si i soffri moût de persécutions 25 et d'aversitez que li anemi de la Loi li faisoient, car a cel tens n'avoit en cest païs se Sarrazins non. Et en ceste terre avoit un roi que len apeloit Crudel, et estoit li plus fel et li plus cruiex dou monde, sanz pitié et sanz humilité. Et quant il oï dire que li crestien erent venu en sa terre, et 30 qu'il âvoient aporté avec aux un precieus vessel, et si merveilleux que de la grâce de lui se vivoient presque tuit, si tint ceste parole a fable. Et len li certefia plus et plus et dist
len que ce ert veritez. Et il dist que ce savroit il par tens. Si prist Josephe le fil Joseph et deus de ses neveuz et jusqu'à cent de cels qu'il avoit esleus a estre mestres et pasteurs par desus crestienté. Et quant il les ot pris et mis en prison, il avoient avec aux le Saint Vessel, par quoi il ne doutoient rien de chose qui a la viande corporel covenist. Et li rois les tint en sa prison en tel manière quarante jors qu'il ne lor envoia ne que boivre ne que mengier, et bien ot deffendu que nus ne fust tant hardiz qui d'ax s'entremeist dedenz celui terme.
« Si en ala la novele par toutes les terres ou Josephes avoit esté, que li rois Crudels le tenoit en sa prison et grant partie des crestiens ; et tant que li rois Mordrains, qui ert vers les parties de Jherusalem, en la cité de Sarraz, et avoit esté convertiz par les paroles Josephe et par ses preeschemenz, en oï parler. Si en fu moût dolenz : car par le conseil Josephe avoit il recovree sa terre que Tholomers li voloit tolir, et tolue li eust il se ne fust li conseuz Josephe et l'aie de son serorge que len apeloit Seraphe. Qjaant li rois Mordrains sot que Josephes ert en prison, si dist que il feroit son pooir de lui délivrer. Si semont ses oz tant corne il en pot avoir en haste et se mist en la mer, garniz,et d'armes et de chevax, et fist tant que en cest pais vint a navie. Et quant il i fu arrivez atout sa gent, si manda au roi Crudel que s'il ne li rendoit Josephe, il li toldroit sa terre et le desheriteroit. Mes il nel prisa mie granment, ainz ala encontre lui a ost. Si assemblèrent les unes genz as autres. Si avint par la volenté Nostre Seignor que li crestien orent la victoire, et li rois Crudels i fu ocis il et ses genz. Et li rois Mordrains, qui Evalach avoit a non ançois qu'il fust crestiens, l'ot en bataille si bien fet que tuit si home le tenoient a merveille. Et quant il Forent desarmé, si troverent qu'il avoit tant de plaies que uns autres bons en fust morz. Si li demandèrent coment il
