HISTOIRE DU ROI MORDRAIN

li estoit, et il dist qu'il ne sentoit ne mal ne bleceure qu'il eust. Si osta Josephe de prison ; et quant il le vit, si li fist grant joie car il l'amoit de grant amor. Et Josephes li demanda qui l'avoit celé part amené, et il dist qu'il i estoit venuzporlui délivrer. 5

« Et l'endemain avint que li crestien alerent devant la table dou Saint Graal et i firent lor oroisons. Et quant ce fu chose que Josephes, qui mestres estoit, se fu revestuz por aler au Saint Graal, et il fu en cel servise, li rois Mordrains, qui toz jorz avoit desirré a veoir le Saint Graal apertement s'il poïst 10 estre, se trest plus près qu'il ne deust ; et une voiz descendi entr'aux qui li dist : « Rois, ne va plus avant, car tu nel doiz pas fere ! » Et il estoit ja tant alez que langue mortiex nel porroit dire ne cuers terriens penser, et tant fu desirranz del veoir qu'il se trest avant plus et plus. Et maintenant des-N [5 cendi une nue devant lui, qui li toli la veue des elz et le ■ n pooirdou cors, en tel manière qu'il ne vit goûte ne ne se pot ! i l aidier se petit non. Et quant il vit que Nostre Sires ot de lui ■: prise si grant venjance, por ce que il avoit son comandement trespassé, si dist oiant tout le pueple : « Biau sire Diex Jhe- « sucrist, qui a cest point m'avez mostré que folie est de « trespasser le vostre comandement, einsi veraiement com ' « cist flaiax me plest que vos m'avez envoie et com je le « sueifre volentiers, einsi m'otroiez vos par vostre plaisir, « en guerredon de mon servise, que je ne muire jusqu'à celé 85* « hore que li Bons Chevaliers, li noviemes de mon lignage, '.., ; « cil qui doit les merveilles dou Saint Graal veoir apertement, '^ '' « me viegne visiter, si que je le puisse acoler et besier. » ^ Quant li rois ot fête ceste requeste a Damedieu, si li dist la voiz : « Rois, or ne t'esmaie : Nostre Sires a oïe ta proiere. 30 « Ta volenté sera acomplie de ceste chose : car tu ne morras « jusqu'à Cèle hore que li Chevaliers que tu demandes te « vendra veoir, et au terme qu'il vendra devant toi te sera

« rendue la clartez de tes elz, si que tu le verras apertement ; « et lors seront tes plaies garies, qui devant la ne rejoin- « dront. »

« Einsi parla la voiz au roi et li dist qu'il verroit la venue del Chevalier qu'il avoit tant desirree. Si nos semble que ce est voirs de toutes choses. Car il a ja passé quatre cenz anz que ceste aventure li avint, ne puis ne vit goûte, ne ses plaies ne furent sanees, ne ne se pot aidier| Et ja est li Chevaliers en cest pais, si com len dit, cil qui ceste aventure doit mener a chief. Et par les signes que nos en avons ja veuz pensons nos bien que encor verra il et ravra le pooir de ses membres ; mes après ce ne vivra il pas longuement.

« Einsi avint dou roi Mordrain com je vos cojii ; si sachiez de voir que ce est cil que vos avez hui veu. Si a puis vescu quatre cenz anz si saintement et si religieusement que onques ne gousta de viande terriane fors de celé meismes que li prestres nos mostre ou sacrement de la messe, et ce est li cors Jhesucrist. Et ce poïstes vos hui veoir : car si tost come li prestres ot la messe chantée, si aporta il au roi Corpus Domini et li fist user. Si a li rois einsi atendu des le tens Josephe jusqu'à ceste hore d'ore la venue de cel chevalier qu'il a tant desirré a veoir. Si fet ausi comeSymeon li vielz fist, qui tant atendi la venue Nostre Seignor que il fu aportez ou temple, et la le reçut li vielz hom et le prist entre sesbraz, liez et joianz de ce que sa promesse ert acomplie. Car li Sainz Esperiz li avoit fait savoir qu'il ne morroit ja devant qu'il eust veu Jhesucrist. Et quant il le vit, si chanta la douce chançon, dont David li prophètes fet remembrance. Et ausi come cil atendoit o grant desirrier Jhesucrist le filz Dieu, le haut Prophète, le souverain Pastre, ausi atent ore cist rois la venue de Galaad, le Bon Chevalier, le parfet.

i( Or si vos ai dite la vérité de ce que vos me demandez