PERCEVAL ATTAQUÉ
einsi corne ele avint ; si vos requier que vos me dioiz qui ..^ vos estes. »
Et il dist qu'il est de la mesoii le roi Artus et compainz de la Table Reonde, et a non Perceval le Galois. Et quant li preudonsot cel non, si li fet moût grant joie, car maintes 5 foiz en avoit oï parler. Si li prie que il demort mes hui laienz : si li feront li frère feste et honor, car il le doivent bien fere. Mes il dit qu'il a tant a fere que il ne remaindroit en nule manière, et por ce l'en covient il partir. Si demande ses armes et len li aporte. Et quant il est apareilliez, si 10 monte et prent congié et se part de laienz et chevauche parmi la forest jusqu'à hore de midi.
A hore de midi le mena ses chemins en une valee. Et lors a il encontre jusqu'à vint homes armez qui portoient en une bière chevaleresse un home ocis novelement. Et quant il le 15 voient, si li demandent dont il est. Et il dist qu'il est de la meson le roi Artus ; et il s'escrient tuit ensemble : « Or a lui ! » Et quant il voit ce, si s'apareille de deffendre au mielz qu'il puet, et s'adrece vers celui qui premiers li venoit ; si le fiert si durement que il le porte a terre le cheval sor le cors. 20 Et quant il cuide parfere son poindre, si ne puet : car plus de set le fièrent en l'escu et li autre li ocient son cheval, et il chiet a terre. Et se cuide relever, come cil qui ert de grant proece, et tret Tespee et s'apareille de deffendre. Mes li autre li corent sus si angoisseusement que defi"ense n'i a 25 mestier, et le fièrent sor l'escu et sor le hiaume et li donent tant de cox qu'il ne se puet tenir en estant, ainz vole jus et flatist a terre de l'un des genolz. Et il fièrent sor lui et maillent et le meinent a ce qu'il l'eussent ocis maintenant, car il li avoient ja esrachié le hiaume de la teste et l'avoient navré, 30 se ne fust li Chevaliers as armes vermeilles que aventure ^ amena celé part. Et quant il voit le chevalier tout seul a pié "^ entre tant de ses anemis qui ocirre le vouloient, si s'adrece
88 lA QUESTE DEL S. GRAAL
cele part quan que li chevaux puet aler, et lor escrie : « Lessiez le chevalier ! » Si se fiert entr'ax le glaive aloignié et fiert le premier si durement qu'il le porte a terre. Puis met la main a l'espee quant il a le glaive brisié. Si point amont et aval et fiert les uns et les autres si merveilleuse- 5 ment qu'il n'en ataint nul a droit cop qu'il ne face voler a terre. Si le fet si bien en poi d'ore as granz cox qu'il lor done et a lavistece dont il est pleins qu'il n'i a si hardi qui a cop l'ost atendre ; ainz s'en vontfuiant li uns ça et li autres la et s'espandent en tel manière parmi la forest, qui granz estoit, lo qu'il n'en puet mes nul veoir fors trois^ dont Perceval avoit l'un abatu et navré et il les deus. Et quant il voit qu'il sont einsi tuit departiz et que Perceval n'en a mes garde, si se remet en la forest la ou il la voit plus espesse, come cil qui ne voldroit en nule manière que len le suist. 15
Et quant Perceval voit qu'il s'en vet si hastivement, si li escrie au plus haut que il puet et dit : « Ha ! sire chevaliers, por Dieu arestez vos un poi, tant que vos aiez parlé a moi ! » Li Bons Chevaliers ne fet nul semblant que il oie Perceval, ainz s'en vet grant aleure come cil qui n'a talent de retorner. 20 Et Perceval, qui n'a point de cheval, car cil li avoient le suen ocis, le suit au plus tost que il puet tôt a pié. Et lors a encontre un vaslet sor un roncin fort et legier et bien corant, qui menoit en destre un grant destrier noir. Et quant Perceval le voit, si ne set que fere. Car il voldroit volentiers le cheval 25 avoir por sivre le chevalier, et molt en voldroit grant meschief fere, par covent qu'il l'eust par la volenté au vaslet, car a force ne Ten menroit il mie se trop grans besoign ne li fesoit fere, et por ce que len nel tenist a vilain. Si salue le vaslet si tost come il l'aproche, et cil dist que Diex le beneie. « Biax amis, 30 fet Perceval, je te pri en toz servises et en toz guerredons et por ce que je soie tes chevaliers ou premier leu que tu m'en requerras, que tu cel cheval me prestes tant que je aie
