DÉSESPOIR DE PERCEVAL
ateint un chevalier qui ci s'en vet. » — « Sire, fet li vaslez, je nel feroie en nule manière. Car il est a tel home qui me honiroit dou cors se je ne li rendoie. » — « Biax amis, fet Perceval, fai ce que je te pri. Certes je-[n'oi onques si grant duel come cist me sera se je pert cel chevalier par defaute de cheval. » — « Par foi, fet cil, je n'en ferai autre chose. Ja par ma volenté ne l'avroiz tant com il soit en ma garde ; par force le me poez vos tolir. » Et quant il ot ce, si est tant dolenz qu'il li est bien avis que il doie del sens issir. Car vilanie ne feroit il pas au vaslet ; et s'il pert einsi le Chevalier qui s'en vet, il n'avra ja mes joie. Ices deus choses li metent si grant ire ou cuer qu'il ne se puet tenir sor piez, ainz chiet soz un arbre et li cuers li faut ; si devient pales et vains ausi com s'il eust tôt le pooir dou cors perdu ; si a si très grant duel qu'il voldroit orendroit morir. Et lors oste il son hiaume et prent s'espee et dist au vaslet : « Biax amis, des que tu ne me velz oster dou grant duel dont je ne puis eschaper sanz mort, je te pri que tu pregnes m'espee et m'en oci orendroit : si sera ma dolors afinee. Et lors se li Bons Chevaliers, que je aloie querant, ot dire que je soie morz de duel de lui, il ne sera ja si vilains qu'il ne prit Nostre. Seignor que il ait de m'ame merci. » — « En non Dieu, fet li vaslez, ja se Dieu plestne vos ocirrai, car vos ne l'avez mie deservi. » Si s'en vet errant grant aleure, et Perceval remaint tant dolenz que il cuide bien morir de corroz. Et quant il ne voit mes le vaslet ne autre, si comence a fere trop grant duel et se claime las et chaitif et dit : « Ha! las, maleureus, or as tu failli à ce que tu queroies puis que il t'est ore eschapez. Ja mes ne seras en si bon point del trover come tu estoies maintenant ! »
Endementres que Perceval menoit son duel en tel manière, si escoute et ot venir une friente de chevax ; et il oevre les ieuz et voit un chevalier armé qui s'en aloit le
grant chemin de la forest et chevalchoit le cheval que li vaslez menoit ore. Et Perceval conoist bien le cheval, mes il ne cuide mie que cil l'ait eu a force. Et quant il nel puet mes veoir, si recomence son duel ; et ne demora gueres que il vit le vaslet venir sor son roncin et fesant trop grant duel. Et la ou il voit Perceval, si li dist : « Ha ! sire, veistes vos par ci passer un chevalier armé qui menoit le destrier que vos me demandastes ore ?» — « Oïl voir, fet Perceval, por quoi le dis tu ? » — « Por ce, fet cil, qu'il le m'a tolu a force. Si m'en a mort et maubailli ; car mes sires m'en occirra en quelque leu que il me truist. » — « Et de ce, fet Perceval, que veuz tu que je te face ? Je. nel te puis mie rendre, car je sui a pié. Mes se je eusse cheval, jel te cuidasse ramener par tens. » — « Sire, fet li vaslez, montez sor mon roncin, et, se vos le poez conquierre, vostre soit. » — « Et ton roncin, fet Perceval, coment ravras tu se je puis le cheval gaangnier ?» — a Sire, fet cil, je vos sivrai tout a pié, et se vos poez le chevalier conqu;erre, je prendrai mon roncin, et li chevax soit vostres. » Et il dit qu'il ne demande mielz.
Lors relace Perceval son hiaume et monte sus le roncin et prent son escu, et s'en vet si grant oirre com il puet dou cheval trere après le chevalier. Si a tant aie que il vint en une praerie petite, dont il avoit mainte en la forest. Et lors voit devant soi le chevalier qui s'en aloit les granz galoz sor le destrier. Et il li escrie de si loign come il le voit : « Sire chevaliers, retornez, et rendez au vaslet son cheval que vos en menez mauve«ement ! » Et quant cil oï qu'il li crie, si li cort le glaive aloignié ; et Perceval trest l'espee, come cil qui bien voit qu'il est a la meslee venuz. Mes li chevaliers, qui tost s'en vouloit délivrer, vient si grant erre come li chevax puet rendre et fiert le roncin parmi le piz si durement qu'il li boute d'outre en outre. Et cil chiet jus, qui a
