TENTATION DE PERCEVAL 9I

mort estoit feruz, si que Perceval li vole par desus le col. Et quant li chevaliers voit son cop, si reprent son poindre et se met contreval la praerie et se fiert en la forest la ou il la voit plus espesse. Et quant Perceval voit ceste aventure, si est tant dolenz qu'il ne set que il doie fere ne dire. Si crie a 5 celui qui s'en vet : « Failliz de cors, coarz de cuer, retornez, -.^ si vos combatez a moi qui sui a pié, et vos estes a cheval ! » ' Et cil ne respont a chose que il li die, car poi le doute, ainz se fiert en la forest si tost com il i est venuz. Et quant Perceval nel puet mes veoir, si a si grant duel qu'il giete son lo escu et s'espee a terre et oste son hiaume de sa teste, et lors recomence son duel assez plus grant que devant. Si plore et crie a haute voiz et se claime chaitif, maleureus et le plus meschaanz de toz autres chevaliers, et dit : « Ore ai je failli atoz mes desirriers !» 15

En tel duel et en tel ire demore ilec Perceval tout le jor, que nus ne vint sor lui por lui reconforter. Et quant vint vers la nuit, si se trova si las et si vains que tout li menbre li failloient, ce li ert avis. Et lors li prent talent de dormir ; si s'endort et ne s'esveille devant la mie nuit. Et quant il se fu 20 esveilliez, si resgarda devant soi et vit une famé qui li demande moût effreement : « Perceval, que fes tu ci ? » Et il dist qu'il n'i fet ne bien ne mal, et que s'il eust cheval il s'en alast d'iluec. « Se tu me vouloies, fet ele, creanter que tu feroies ma volenté quant je t'en semondroie, jel te donroie 25 orendroit bon et bel, qui te porteroit la ou tu voldroies. » Et quant il ot ce, si est tant liez come nul plus, come cil qui ne se done garde qui ce est a qui il parole. Et il cuide bien que ce soit famé a qui il parole, mes non est, ainz est li anemis qui le bee a décevoir et a mètre en tel point que 30 s'ame soit perdue a toz jorz mes. Et quant il ot la promesse que celé li fet de la chose dont il ert plus desirranz, si respont qu'il est toz prez qu'il l'en face si seure come ele voldra, que

se ele cheval li done bon et bel, il fera a son pooir ce que ele li requerra. « Le me creantez vos, fet ele, come loiax chevaliers ?» — « Voire voir ! » fet il. — « Or m'atendez, fet ele : car je revendrai orendroit. » Et lors s'en entre en la forest et revient maintenant et ameine un cheval grant et merveilleux, et si noir que ce iert merveilles a veoir.

Quant Perceval voit le cheval, si le resgarde et l'en prent hisdor ; et neporec il est bien tant hardiz que il monte sus, come cil qui ne se prent garde de l'agait a l'anemi. Et quant il est montez, si prent son escu et, sa lance ; et celé qui devant lui estoit li dist : « Perceval, vos vos en alez ? Or vos soviegne que vos me devez un guerredon. » Et il dit que si fera il. Si s'en vet grant aleure et scsfiert en la forest ; et la lune luisoit clere. Mes cil l'emporte si tost qu'il l'ot mis fors de la forest en petit d'ore et esloignié plus de trois jornees loign. Et il chevauche tant que il vit devant soi en une valee une grant eve rade. Et li chevax vint celé part et se volt ferir dedenz. Et quant Perceval la voit si grant, si la redoute moût a passer, por ce que il estoit nuiz, ne il n'i voit ne pont ne planche. Lors lieve sa main et fet le signe de la croiz en son front. Quant li anemis se senti chargiez dou fessel de la croiz, qui trop li ert pesanz et griés, si s'escout et desvelope de Perceval, et se fiert en l'eve ullant et criant et fesant la plus maie fin dou monde. Si avint maintenant que l'eve fu esprise en plusors leus de feu et de flamme clere, si qu'il sembloit que l'eve arsist.

Et quant Perceval voit ceste aventure, si s'aperçoit bien tantost que ce est li anemis qui ça l'avoit aporté por lui décevoir et por mètre a perdicion de cors et d'ame. Et lors se seigne et se comande a Dieu et prie Nostre Seignor qu'il nel laist chaoir en temptacion, par quoi il perde la compaignie des chevaliers cclcstielx. Si tent les mains vers le ciel et mercie Nostre Seignor de bon cuer de ce que il li a si bien