PERCEVAL DANS L ILE
teste por le vent recoillir, car assez l'ot eschaufé li serpenz. Et li lyons aloit adés après lui coetant et fesant grant joie. Et quant il voit ce, si li comence a aplanier le col et la teste et les espaules, et dit que Nostre Sires li a envoiee celé beste por fere li compaignie : si le tient a moût bêle aventure. Et li lyons li fet si grant joie corne beste mue puet fere a home, et tout le jor demora o lui jusqu'à hore de none. Mes si tost corne hore de none fu passée, si s'en vint aval la roche et emporta le lyoncel a son col a son repaire. Et quant Perceval se voit sanz compaignie en la roche soutive et haute a merveilles, si ne fet mie a demander s'il est a malaise ; et plus encore le fust assez, se ne fust li granz espoirs qu'il avoit en son Criator : car il estoit un des chevaliers dou monde qui plus parfetement creoit en Nostre Seignor. Et neporquant ce ert contre la costume de la terre : car acel tens estoientsi desreez genz et si sanz mesure par tout le roiaume de Gales que se li filz trovast le père gisant en son lit par achaison d'enfermeté, il le tresist hors par la teste ou par les braz et l'oceist erranment, car a viltance li fust atorné se ses pères moreust en son lit. Mes quant il avenoit que li filz ocioit le père, ou li pères le filz, et toz li parentez moroit d'armes, lors disoient cil del pais qu'il estoient de haut lignage.
Tout le jor fu Perceval en la roche et resgardoit en la mer loign por savoir s'il veist nule nef trespassant. Mes einsi li avint celui jor qu'il ne sot tant baer amont ne aval que il en veist nule. Et quant il voit ce, si prent cuer en soi meismes et se reconforte en Nostre Seignor, et li prie qu'il, le gart en tel manière qu'il ne chiee en temptacion ne par enging de deable ne par mauvese pensée, mes einsi come li pères doit garder le filz, le gart et norrisse. Si tent ses mains vers le ciel et dist :
« Biax sire Diex, qui en si haut leu come est l'ordre de chevalerie me lessastes monter, qui m'esleustes avostre ser-
jant, tout n'en fusse je mie dignes, sire, par vostre pitié ne soffrez vos mie que je isse de vostre servise, mes soie si come li bons champions et li seurs, qui defFent bien la querele son seignor contre celui qui a tort l'apele. Biau douz sire, einsi me doigniez vos que je puisse deffendre m'ame, qui est vostre querele et vostre droit héritage, contre celui qui a tort la velt avoir. Biax douz pères, qui déistes en l'évangile de vos meismes : « Je sui bons pastres, et li bons pastres « met s'ame por ses oeilles, mes ce ne fet pas li marcheanz ce pastres ; ançois let ses oeilles sanz garde tant que li leux « les estrangle et dévore si tost come il i vient ; » Sire, vos me soiez pastres et defFenderres et conduisierres, si que je soie de vos oeilles. Et s'il avient, biax sire Diex, que je soie la centième oeille folle et chetive qui se départi des nouante nuef et s'en ala foloiant es deserz, sire, pregne vos de moi pitié et ne me lessiez pas ou désert, mes ramenez moi a vostre part, ce est a Sainte Eglyse et a sainte créance, la ou les bones oeilles sont et la ou li verai home, li bon crestien sont, si que li anemis, qui en moi ne demande fors la substance, ce est l'ame, ne me truistsanz garde. »
Quant Perceval ot ce dit, si voit vers lui venir le lyon por qui il s'estoit combatuz au serpent ; mes il ne fet mie semblant qu'il li voille maufere, ainz vient vers lui fesant joie. Et quant Perceval voit ce, si l'apele et il vet a lui maintenant et li aplanie le col et la teste. Etli lyons se colche devant lui ausi com se ce fust la plus privée beste del monde. Et il s'acoste delez lui et met sa teste sor s'espaule ; si atent tant que la nuiz fu venue oscure et noire ; si s'endort erranment delez le lyon. Si ne li prent talent de mengier, car assez pensoit a autre chose.
Quant Perceval se fu endormiz, si li avint line aventure merveilleuse : car il li fu avis en son dormant que devant lui venoient deus dames dont l'une ert vielle et ancienne et l'autre
