ALLÉGORIE DES DEUX LOIS

n'ert mie de moût grant aage, mes bêle estoit. Lesdeus dames ne venoient pas a pié, ainz estoient montées sus deus molt diverses bestes : car l'une estoit montée sus un lyon et l'autre sus un serpent. Et il resgarde les deus dames a grant merveille, de ce queeles pooient si justisier les deus bestes. Et la plus 5 juene venoit devant ; si dist a Perceval : « Perceval, mes sires te salue et te mande que tu t'apareilles au mielz que tu porras : car demain te covendra combatre encontre le champion dou monde qui plus fet a redouter. Et se tu ies vaincuz, tu ne seras pas quites por un de tes membres 10 perdre, ainz te menra len si mal que tu en seras honiz a toz jorz mes. » Et quant il ot ceste parole, si li respont : « Dame, qui est vostre sires ?» — « Certes, fet ele, li plus riches bons dou monde. Or garde que tu soies si preuz et si seurs que tu de la bataille fere aies honor. » Et lors s'en vet 15 si soudainement que Perceval ne set que ele est devenue. Lors vient l'autre dame avant, qui sor le serpent estoit montée, et dist a Perceval : « Perceval, je me plaign moût de vos : car vos avez mefFet a moi et as miens, et si nel'avoie mie deservi. » Et quant il ot ceste parole, si respont toz 20 esbahiz : « Dame, certes ne a vos ne a dame qui soit ou monde ne cuit je riens avoir mefFet. Si vos pri que vos me dioiz en quoi je vos ai mefFet ; et se je ai pooir de l'amender je le vos amenderai volentiers a vostre voloir. » — « Je vos dirai bien, fet ele, en quoi vos m'avez mefFet. Je avoie une 25 pièce norrieen un mien chastel une moie beste que len apeloit serpent, qui me servoit de moût plus que vos ne cuidiez. Et celé beste vola ier par aventure jusqu'à ceste montaigne et i trova un lyoncel que ele aporta jusqu'à ceste roche. Et vos venistes après corant o vostre espee et l'oceistes sanz ce 30 queele ne vos demandoit rien. Orme dites por quoi vos l'oceistes. Vos avoie je riens mefFet por quoi vos la deussiez mener a mort ? Estoit li lyons vostres ne en vostre subjection,

s. GRAAL. 7

que VOS vos deussiez combatre por lui ? Sont les bestes de l'air si abandonees que vos les doiez ocirre sanz reson ? » Quant Perceval ot les paroles que la dame li dist, si respont : « Dame, ne vos ne m'aviez meffet que je seusse, ne li lyons n'estoit a moi, ne les bestes de l'air ne me sont abandonnées. Mes por ce que li lyons est de plus gentil nature que li serpenz et de plus haut afere, et por ce que je vi que li lyons estoit meins mesfesanz que li serpenz, corui je sus au serpent etl'ocis. Si me semble que je ne me soie mie tant vers vos meffez corne vos dites. » Et quant la dame oï ceste response, si dist : « Perceval, ne m'en feroiz vos plus ?» — « Dame, fet il, que volez vos que je -vos face ?» — « Je voil, fet ele, que en amende de mon serpent deviegniez mes bons. » Et il respont que ce ne feroit il pas. — « Non ? fet ele. Ja le fustes vos ja ; ançois que vos receussiez l'omage de vostre seignor estiez vos a moi. Et por ce que vos fustes ainz miens que autrui ne vos claim je pas quite ; ainz vos aseur que en quelque leu que je vos truisse sanz garde, que je vos prendrai come celui qui jadis fu miens. »

Après ceste parole s'em parti la dame. El Perceval remest dormant, qui moût fu travailliez de ceste avision. Si dormi tote la nuit si bien que onques ne s'esveilla. Et a l'andemain, quant li jorz fu clcrs et li solauz fu levez, qui ja li raia sor le chief chauz et ardanz, si ovri Perceval les elz et vit qu'il estoit jorz. Et lors se dressa il en séant et leva sa main et se seigna et pria Nostre Seignor qu'il li envoit conseil qui profitables li soit a l'ame : car dou cors ne li chaut il mes tant come il seut, por ce que il ne croit pas que il puist ja mes issir de celé roche ou il est. Si resgarde tôt entor lui, mes il ne voit rien, ne le lyon qui li avoit fet compaignie, ne le serpent que il avoit ocis : si se merveille molt que il sont devenu.

En ce que Perceval pensoit a ceste chose, si esgarda en la

EXPLICATION DE l'aLLÉGORIE 99

mer mont loign ; et voit une nef qui acoroit le voile tendu et venoit droit au leu ou Perceval atendoit por savoir se Diex li donast aventure qui li pleust. Et la nef coroit moût tost, carele avoit le vent derrière qui la hastoit ; etele vient vers lui le droit cors et arriva au pié de la roche. Et quant Perceval, qui ert en la roche amont, vit ce, si ot moût grant joie, car il cuide bien que il ait dedenz plentéde gent ; et por ce se drece il en estant et prent ses armes. Et quant il est armez, si descent de la roche come cil qui voudra savoir quel gent il a dedenz la nef. Et quant il vient près, si voit que la nef est encortinee et par dedenz et par defors de blans samiz, si qu'il n'i pert se blanches choses non. Et quant il vient au bort, si troeve un home revestu de sorpeliz et d'aube en semblance de prestre, et en son chief avoit une coronnc de blanc samit ausi lee come vos deus doiz, et en celé coronne avoit letres escrites en quoi li haut nom Nostre Seignor estoient saintefié. Et quant Perceval le voit, si s'en merveille ; et se trait près de lui et le salue et li dit : « Sire, bien soiez vos venuz ! Diex vos ameint ! » — «Biaxamis, fet li prcudons, }ui estes vos ?» — « Je sui, fet il, de la meson le roi Artus. » — « Et quele aventure vos a ça aporté, fet il ? » — « Sire, fet il, je ne sai en quel manière ne coment je i vign. » — « Et que volez vos, fet li preudons ?» — « Sire, fet il, s'il plesoit a Nostre Seignor, je voldroie bien issir fors de ci et aler o mes frères de la Table Reonde en la Qucste dou Saint Graal : car por autre chose ne m'csmui je de la cort monseignor le roi. » — « Quant il plaira a Dieu, fet li preudons, vos en istroiz bien fors ; il vos en aura bien tost "ité quant lui plaira. S'il vos tenoit a son serjant et il veoit que vos feissiez mielz sonpreu aillors que ci, sachiez qu'il vos en osteroit assez tost. Mes il vos i a ore mis en esproeve et en essai por savoir et por conoistre se vos estes ses feelx serjans et ses loiax chevaliers ausi come l'ordre de chevalerie le

requiert. Car puis que vos en si haut degré estes montez, vostre cuers ne se doit abessier por poor ne por péril terrien. Car cuers de chevalier doit estre si durs et si serrez encontre l'anemi son seignor que nule riens ne le puist fléchir. Et s'il est menez jusq'a poor, il n'est pas des verais chevaliers ne des verais champions, qui se lairoient ocire en champ ainz que la querele lor seignor ne fust desreniee. »

Lors li demande Perceval dont il est et de quel terre ; et il dist qu'il est d'estrange pais. « Et quele aventure, fet Perceval, vos amena en si estrange leu et en si sauvage come cist me semble ? »

— « Par foi, fet li preudons, je i vign por vos veoir et reconforter, et por ce que vos me'dioiz vostre estre. Car il n'est riens dont vos soiez a conseillier, se vos la me dites, que je ne vos en conseil si bien come len porroit mielz fere. »

— « Merveilles me dites, fet Perceval, qui me dites que vos venistes ça por moi conseillier. Mes je ne voi pas coment ce puist estre, car en ceste roche ou jesui ne me savoit nus fors Diex et moi. Et encor m'i seussiez vos, ne cuit je mie que vos sachiez mon nom, car onques mes a mon escient ne me veistes. Et por ce me merveil je de ce que vos me dites.»

— « Ha ! Perceval, fet li preudons, je vos concis moût mielz que vos ne cuidiez. Pieç'a que vos ne feistes chose que je ne sache assez mielz que vos meesmes. » Et quant il ot que li preudons le nomme, si en devient toz esbahiz. Et lors se repent de ce qu'il li ot dit ; si li crie merci et dit : « Ha ! sire, por Dieu car me pardonez ce que je vos ai dit. Car je cuidoie que vos ne me conneussiez pas, mes ore voi je bien que vos me connoissiez mielz que je vos : si m'en tiegn a fol et vos a sage. »

Lors s'acoute Perceval sor le bort de la nef o le preudome, si parolent ensemble de maintes choses. Si le troeve Perceval si sage en toutes choses que il se merveille mou'c

EXPLICATION t)E L ALLEGORIE lOÎ

qui il puet estre. Si li plaist tant sa compaignie que s'il ert toz jorz avec lui ne li prendroit il talent ne de boivre ne de mengier, tant li sont ses paroles douces et plesanz. Et quant il ont grant pièce parlé ensemble, si li dit Perceval : « Sire, car me fêtes sage d'une avision qui m'avint anuit en mon dormant, qui me semble si diverse que ja mes ne serai aeise devant que je en sache la vérité. » — Dites, fet li preudons, et je vos en certefîerai si que vos verrez apertement que ce puet estre. » — « Et je le vos dirai, fet Perceval. Il m'avint anuit en mon dormant que devant moi venoient deus dames dont l'une estoit montée sor un lyon et l'autre sor un serpent. Et celé qui sor le lyon estoit montée estoit juene dame, et celé desus le serpent estoit vielle, et la plus juene parla a moi premièrement. » Et lors li comence a conter totes les les paroles qu'il avoit oies en son dormant, si bien com eles li avoient esté dites, que il n'en avoit encore nule oubliée. Et quant il ot reconté son songe, si prie le preudome qu'il l'en die la senefiance. Et cil dit que si fera il volentiers. Lors li comence a dire :

« Perceval, fet il, de ces deus dames, que vos veistes montées si diversement que l'une estoit montée sor un lyon et l'autre sor un serpent, est la senefiance merveilleuse, et si la vos dirai. Celé qui sor le lyon estoit montée senefie la Ng^'ele Loi, qui sor le lyon est, ce est sor Ihesucrist, qui [par lui] prist pié et fondement et qui par lui fu édifiée et montée en la veue et en l'esgart de toute crestienté, et por ce qu'ele fust mireors et veraie lumière a toz çax qui metent lor cuers en la Trinité. Et celé dame siet sor le lyon, ce est sor Jhejucrist, et celé dame si est Foi et Espérance et créance et baptesmes. Celé dame est la pierre dure et ferme sor quoi Jhesucrist dist qu'il fermeroit Sainte Eglyse, la ou il dist : « Sor « ceste piere edefierai je m'eglise. » Et icele dame, qui estoit montée sor le lyon, doit estre entendue la Novele Loi, que

I02 LA QUEStÈ DEL S. GRAAL

Nostre Sires maintient en force et en pooir ausi corne li pères fet l'enfant. Et ce qu'ele vos sembloit plus juene de l'autre n'est pas merveille : car de tel aage ne de tel semblant n'est ele pas. Car ceste dame fut née en la Passion Jhesucrist et en la Résurrection, et l'autre avoit ja régné en terre trop longuement. Icele vint a toi parler comme a son fil, /car tuit li bon crestien sont si fil^et bien temostra que ele ert tamere : car ele avoit de toi si grant poor qu'ele te vint avant le cop noncier ce qui t'estoit a avenir/Cele te vint dire de par son seignor, ce est Jhesucrist, qu'il te covenoit combatre. Par la lo foi que je te doi, se ele ne t'amast, ele nel te venist pas dire, car il ne li chausist de toi se tu fusses vaincuz. Si le te vint si tost dire por ce que tu fusses mielz garniz au point de la bataille. Et a qui ? Encontre le plus redouté champion dou monde. Li plus redoutez champions dou monde, si est cil par 15 cui Enoc et Helyes, qui tant furent preudome, furent raviz de lerre et porté ou ciel, et ne revendront devant le jor dou joise, por combatre encontre celui qui tant est redoutez. Icil champions si est li ancmis, qui tant se peine adés et travaille qu'il meine home a pechié mortel, et d'iluec le conduit en 20 enfer. Ce est li champions a qui il tecovient combatre, et se tu es vaincuz, si come la dame te dist, tu ne seras mie cuites por un de tes membres perdre, ainz en seras honiz a toz jorz mes. Et bien puez tu veoir par toi meismes se ce est \ oirs ; car s'il est einsi que li anemis puet venir au desus de 25 toi, il te metra en perdicion de cors et d'ame et d'iluec te conduira en la meson ténébreuse, ce est en enfer, ou tu soffreras honte et dolor et martire autant longuement come la poesté Jhesucrist durra.

« Or t'ai devisé que celé dame senefie que tu veis en ton 3o songe, qui chevauchoit le lyon. Et par ce que je t'ai mostré puez tu assez savoir qui l'autre puet estre. »

— c( Sire, fet Perceval, de l'une m'avez vos tant dit que je en

EXPLiCATlÛSi DE L ALLEGORIE 10 3

sai lasenefiance. Mesore médites de l'autre qui chevauchoit le serpent, car de celé ne conoistroie je mie la senefiance, se vos ne la me disiez. » — « Dont la te dire je, fet li preudons ; or m'escoute. Celé dame a qui tu veis le serpent chevauchier, ce est la Synagogue, la ^remierÊ... Loi, qui fu 5 ariere mise, si tost come Jhesucrist ot aporté avant la Novele Loi. Etli serpenzqui la porte, ce est l'Escrituremauvesemcnt entendue et mauvesement esponse, ce est ypocrisie et hérésie et iniquitez et pechié mortel, ce est li anemis meismes ; ce est li serpenz qui par son orgueil fu gitez de paradis ; ce 10 est li serpenz qui dist a Adam et a sa moillier : « Se vos « mengiez de cest fruit vos seroiz ausi come Dieu, » et par ceste parole entra en aus covoitise. Car il baerent maintenant a estre plus haut qu'il n'estoient, si crurent le conseil a l'anemi et pechierent, por quoi il furent gitié hors de para- 15 dis et mis en essil. Auquel meffet tuit li oir partirent et le comperent chascun jor. Et quant la dame vint devant toi, ele se plainst de son serpent que tu avoies ocis.Et sez tu de quel ' serpent ele se plaint ? Ele ne se plaint pas de cel serpent que tu oceis hier, ainz est de celui serperit que ele chevalche, ce 20 est li anemis. Et sez tu ou tu li feis itel duel ? Au point que li anemis te portoit quant tu veniz en ceste roche, a celé horc que tu feis sor toi la croiz. Car par la croiz que tu feis sor toi, qu'il ne pot soustenir en nule manière, ot il si grant poor que il cuida bien estre morz : si s'en foi grant erre 25 come cil qui ne te pooit fere compaignie. Et einsi l'oceis tu et destruisis et li tolis pooir et force de sa baillie et de son conduit, et si te quidoit il bien avoir gaangnié : et de ce est li grans duelx que ele a a toi. Et quant tu l'eus respondue au mielz que tu seus de ce que ele te demandoit, si te requist 30 ele que por amende de ce que tu li avoies meffet devenisses ses hom. Et tu deis que non feroies. Et ele dist que aucune fois l'avoies tu esté ainz que tu feisses bornage a ton seignor.

Et a ceste chose as tu hui moût pensé, et si le deusses tu bien savoir. Car sanz faille devant ce que tu eusses receu baptesme et crestienté estoies tu de la subjection a l'anemi. Mes si tost corne tu eus receu leseel Jhesucrist, ce est le saint cresme et la sainte uncion, eus tu renoié l'anemi et fus fors de sa baillie, car tu eus fet homage a ton Criator. Si t'ai ore einsi devisee de l'une et de l'autre dame la senefiance ; si m'en irai, car trop ai a fere. Et tu remaindras ci, et si te souviegne bien de la bataille que tu as a fere ; car se tu es vaincuz, autre chose que ce que len te promet n'i a,vras. »

— « Biau sire, fet Perceval, por qoi vos en alez vos si tost? Certes vos paroles me plaisent tant et vostre compaignic que je ja mais ne me queisse de vos partir. Et por Dieu, s'il puet estre, remanez encore o moi ; car certes de tant com vos m'avez dit cuit je mielz valoir touz les jorz de ma vie.» — «A aler m'en covient, fet li preudons, car moût de genz m'atendent, et vos remaindrez. Si gardez que vos ne soiez desgarniz contre celui a qui vos devez combatre. Carse il vostroeve desgarni, tost vos en porra meschaoir. »

Quant il ot ce dit, si s'em part ; et li venz se fiert ou voile, qui en meine la nef si tost come lem poïst regarder. Si est tant esloigniee en poi d'ore que Perceval n'en puet mes riens veoir. Et quant il en a del tout perdue la veue, si revêt contremont la roche einsint armez come il estoit. Et si tost come il est amont, si troeve le lyon qui le jor devant li avoit fet compaignie. Et il le comence a aplanier por ce que il voit que il li fet merveilleuse joie. Et quant il ot ilecdemoré jusqu'après midi, si esgarde loign en la mer et voit venir une nef autresi fendant come se toz li venz dou monde la cbaçassent ; et devant venoit uns estorbeillons qui fesoit la mer movoir et les ondes saillir de toutes parz. Etquant il voit ce, si se merveille moût que ce est : car li estorbeillons li toloit la veue de la nef. Et neporec ele aproche tant que il set veraie-