TENTATION DE PERCEVAL JO
Quant il a grant pièce dormi, si s'esveille et demande a mengier ; et ele comande que la table soit mise, et len la met. Et il resgarde que len la cuevre de tele plenté de mes que ce n'est se merveilles non. Et il menjut entre lui et la damoisele. Et quant il demande a boivre len li done ; et il troeve que ce est vins, li plus bons et li plus forz dont il onques beust : si se merveille trop dont il puet estre venuz. Car a celui tens n'avoit en la Grant Bretaigne point de vin se ce n'ert en moût riche leu, ainz bevoient comunalment cervoise et autres bevrages que il fesoient. Si en but tant qu'il en eschaufa outre ce qu'il ne deust. Et lors resgarde la damoisele qui li est si bêle, celi est avis, que onques n'ot veue sa pareille de biauté. Si li plest tant et embelist, por le grant acesmement qu'il voit en li et por les douces paroles que ele li dit, qu'il en eschaufe outre ce qu'il ne deust. Lors parole a li de maintes choses, et tant qu'il la requiert d'amors et la prie qu'ele soit soe et il sera suens. Et ele li vee quant que ele puet, por ce que ele veut qu'il en soit plus ardanz et plus desirranz. Et il ne cesse de proier la. Et quant ele voit que il est bien eschaufez, si li dit : « Perceval, itant sachiez vos bien que je en nule manière ne feroie chose qui vos pleust, se vos ne me creantiez que des ore mes seroiz miens et en m'aide contre toz homes, ne ne feroiz riens fors ce que je vos comanderé. » Et il dit que ce fera il volentiers.
— « Le me creantez vos, fet ele, come loiaux chevaliers ? »
— « Oïl, » fet il. — « Et je m'en soffrerai, fet ele, a tant, et ferai quan que vos plaira. Et sachiez veraiement que vos ne m'avez mie tant desirree a avoir com je vos desirroie encor plus. Car vos estes un des chevaliers dou monde a qui je ai plus baé. »
Et lors comande a ses vaslez qu'il facent un lit le plus bel et le plus riche que il porront, et soit fez en mi le paveillon ; et cil dient que il feront son comandement. Si font tantost un
no LA QU ESTE DEL S. GRAAL
lit et deschaucent la damoisele et la couchent, et Perceval avec. Et quant il fu couchiez o la damoisele et il se volt couvrir, si li avint einsi par aventure que il vit s'espee gésir a terre que cil li avoient desçainle. Et il tent la main pt)ur prendre la. Et en ce qu'il la vouloit apuier a son 5 lit, il vit ou pont une croiz vermeille qui entailliec i estoit. Et si tost corne il la vit, si li souvint de soi.jEt lors fist le signe de la croiz en mi son front, et maintenant vit le paveillon verser, et une fumée et une nublece fu entor lui, si grant que il ne pot veoir goûte ; et il senti si lo grant puor de totes parz qu'il li fu avis que il fust en enfer. Et lors s'escrie a haute voiz et dist : « Biax douz pères Jhesucrist, ne me lessiez ici périr, mes secorez moi par vostre grâce, ou autrement je sui perduz ! » Et quant il a ce dit, si oevre les euz, mes il ne voit mie dou paveillon ou il s'ert 15 ore couchiez. Et il resgarde vers la rive et voit la nef autrctele come il Tavoit ore veue, et la damoisele qui li dist : « Perceval, traie m'avez ! » Et maintenant s'empeint en mer, et Perceval voit que une si grant tempeste la sivoit, qu'il sembloit que la nés deust issir de son droit cors, et 20 tote la mer fu tantost pleinne de flambe, si merveilleusement qu'il sembloit que tuit li feu dou monde i fussent espris ; et la nés aloit si bruiant que nus sofflemenz de vent par semblant n'alast si tost.
duant Perceval voit ceste aventure, si est tant dolenz par 25 semblant qu'il li est bien avis qu'il doie morir. Il resgarde la nef tant come il la puet veoir et li ore maie aventure et pestilence ; et quant il en pert la veue, si dist : « Ha ! las ! morz sui ! » Si est tant dolenz qu'il voldroit estre morz/Lors trest s'espee dou fuerre et s'en fiert si durement qu'il l'embat 30 en sa senestre cuisse, et li sans en saut de toutes parz. Et quant il voit ce, si dist : « Biax sire Diex, ce est en amende de ce que je me sui meffet vers vos. » Lors se resgarde et
