EXPLICATION DE LA VISION

estoient tuit assemblé devant toi, il disoient : « Pères des « ciax, vien nos visiter et rent a chascun selonc ce qu'il avra « deservi, et nos met en ton ostel ! » En ce qu'il disoient : (c Pères, vien nos visiter » t'acoillqient il en lor compaignie et prioient Nostre Seignor qu'il venist quierre els et toi, por s ce qu'il estoient comencement de toi et racine. Par ce qu'il disoient : « Rent a chascun selonc ce qu'il avra deservi » doiz tu entendre qu'il n'ot onques en els se droiture non : car por amor qu'il eussent a toi ne voloient il prier Nostre Seignor fors de ce qu'il dévoient, ce est de rendre a chascun son lo droit. Quant il orent ce dit, il te fu avis que de vers le ciel venoit uns hom o grant compaignie d'anges, et descendoit sus els et donoit a chascun sa beneïçon. Et einsi come il t'avint en avision t'est il pieça avenu : car il n'i a nus qui ne soit en la compaignie des angleres. 15

« Quant il avoit parlé a l'ainzné des deus chevaliers et il li avoit dites les paroles dont tu te remembres bien, que tu doiz bien prendre sus toi come celés qui furent dites de toi et por toi, car tu es senefiez a celui cui eles estoient dites, il venoit au juene chevalier qui de toi ert descenduz, car tu 20 l'engendras en la fille le Roi Pescheor, et einsi descendoit il de toi ; si le muoit en figure de lyon, ce est a dire qu'il le metoit oultre toutes manières d'ornes terriens, si que nus ne li resemblast ne en fierté ne en pooir. Et il li donoit eles por ce que nus ne fust si vistes ne si isniax come il estoit, ne que 25 nus ne poïst aler si haut ne en proesce ne en autre chose, et li disoit : « Biau filz, or puez aler par tôt le monde et voler « sus toute terriane chevalerie. » Et cil començoit tantost a voler ; si devenoient ses eles si granz et si merveilleuses que toz li monz en ert coverz. Tout ce que tu veoies est ja avenu 3o de Galaad, cel chevalier qui est tes fi]z : car il est de si haute vie que ce est merveille ; ne de chevalerie nel puet nus bons resembler^ pe toi pe autres. Et por ce qu'il est si haut

r^tS LA QUESTE DEL S. GRAAL

alez que nus-n'i porroit avenir, devons nos dire que Nostre Sires li a doné eles a voler par desuz toz les autres ; et par lui devons nos entendre le nueme flun que li rois Mordrains vit en son songe, qui plus estoit lez et parfonz que tuit li autre ensemble. Or t'ai dit qui sont li set roi que tu veis en ton songe et qui fu li chevaliers qui fu ostez de leur compaignie, et qui fu li darreains a qui Nostre Sires donoit si grant grâce qu'il le fesoit voler par desus toz les autres. »

— « Sire, fet Lancelot, ce que vos me dites que li Bons Chevaliers est mes filz me fet moût esbahir. » — « Tu n'en doiz pas estre esbahiz, fet li preudons, ne merveillier t'en. Car tu sez bien que la fille le roi Pelles conçus tu charnelment et ilec engendras tu Galaad, ce t'a len maintes foiz dit. Et cil Galaad que tu engendras en celé damoiscle est cil. chevaliers qui sist le jor de Pentecoste ou Siège Périlleux ; fce est li chevaliers que tu quiers. Si le t'ai dit et fet conoistrc por ce que je ne voloie pas que tu te preisses a lui par bataille : car tu le porroies fere pechier mortelment en toi honir del cors. Car se tu te prenoies a lui par bataille, tu puez savoir que ce scroit tantost alee chose de toi, puis que nule proesce ne se prent a la soe. »

— « Sire, fet Lancelot, moût m'est grant confort de ceste chose que vos m'avez dite. Car il me semble, puis que Nostre Sires a soffert que tel fruit est issuz de moi, cil qui tant est preudons ne devroit pas soffrir que ses pères, quiex qu'il soit, alast a perdicion, ainz devroit Nostre Seignor proier nuit et jor qu'il par sa douce pitié m'ostast de la maie vie ou j'ai tant demoré. » - — « Je te dirai, fet li preudons, coment il est. Des péchiez -mortiex porte li pères son fcs et li filz le suen ; ne li filz ne partira ja as iniquitez au père, ne li pères ne partira ja as iniquitez au filz ; mes chascuns selonc ce qu'il avra deservi recevra loier. Por ce ne doiz tu pas ^voir espérance çn ton fil, mçs ^olement en pieu, car se tu