AUSTERITE DE LAN'CELOT I

de lui requiers aide, il t'aidera et secorra a toz besoinz. » — « Puis qu'il est einsi, fet Lancelot, que nus fors Jhesucrist ne me puet valoir ne aidier, lui pri je qu'il me vaille et ait et ne me laist chaoir es mains de l'anemi, si que je li puisse . rendre le trésor qu'il me demande, ce est l'ame de moi, au s jor espovantable qu'il dira as mauves : « Alez d'ici, maleoite « gent, ou feu pardurable ! » et dira as bons la douce parole : « Venez avant, li beneoit oir mon père, li beneoit fil, entrez « en la joie qui ja mes ne faudra ! »

Longuement parlèrent ensemble entre le prcudomc et lo Lancelot ; et quant il fu hofe de mengier, il issirent de 'la chapele et s'asistrent en la meson au preudome et meuglèrent pain et burent cervoise. Et quant il orent mengié^ li preudons fist Lancelot concilier sus l'erbe» come cil qui .^utre lit n'avoit apareillié. Et il se dormi assez bien, come 15 / cil qui lasestoit et travailliez^,' et ne baoit pas tant a la grant aise del monde come il soloit. Car s'il i baast, il n'i dormist ja mes, por la terre qui trop ert dure et por la haire qui ert aspre et poignant emprés sa char. Mes il est ore a ce menez que ceste mesese et ceste durté li plest tant et embelist qu'il 20 n'essaia onques mes riens qui tant li pleust. Et por ce ne li grieve riens qu'il face.

Celé nuit se dormi Lancelot et reposa en la meson au preudome. Et quant li jorz aparut, il se leva et ala oïr le servise Nostre Seignor. Quant li preudons ot chanté, si prist Lan- 25 celot ses armes et monta ou cheval et comanda son oste a Dieu. Et li preudons li pria moût qu'il se tenist en ce que il "^ avoit comencié. Et il dist que si feroit il, se Diex li donoit v. \ santé. Si se parti de laienz et chevaucha par mi la forest tote jor en tel manière qu'il ne tenoit ne voie ne sentier. Car il 30 pensoit moût a sa vie et a son estre et moût se repentoit des granz pechiés qu'il avoit fez, par coi il estoit gitez de la tipte compaignie qu'il avoit veue en son donpant. '^x ce çrt

une chose dont il avoit tel duel, qu'il avoit grant poor qu'il ne chaïst en désespérance. Mes por ce qu'il a mise del tout s'entente en Jhesucrist, cuide il encor venir a cel leu dont il estoit gitez et fere compaignie a cels dont il estoit estrez.

Quant il a chevauchié jusqu'à hore de midi, si vint en une 5 grant plaingne qui ert en la forest ; et il voit devant lui un chastel fort et bien séant avironnez de murs et de fossez. Et devant le chastel avoit un pré ou il avoit paveillons tenduz de dras de soie et de diverses colors bien jusqu'à cent. Et devant les paveillons avoit bien cinc cent chevaliers et plus sus i©

, grânz destriers^ et avoient comencié un tornoiement trop merveillex, et estoient li un covert de blanches armes et li autre de noires, ne nule autre diversité d'armes n'avoit entr'ax. Cil qui avoient les blanches armeures se tcnoient par devers la forest, et li autre par devers le chastel ; si avoient ja comencié le tornoiement trop merveillex, et tant i avoit chevaliers abatuz que ce ert merveille. Il resgarde le tornoiement grant

! pièce, et tant qu'il li est avis que cil devers le chastel en ont le peior et qu'il perdent place, et si ont assez greignor gent que li autre.VÛuantil voit ce, si se torne devers els come cil qui lor voldra aidier a son pooir.JIl besse la lance et lesse corre le cheval et fiert le premier si durement qu'il porte a terre lui et le cheval. Il point oultre et fiert un autre et brise son glaive, mes toutevoies l'abat a terre. Il met la main a l'espee et comence a départir granz coux amont et aval par mi le tornoiement, come cil qui de grant proesce estoit ; si fet tant en poi d'ore que tuit cil qui le voient li douent le los et le pris del tornoiement. Et neporec il ne puet venir au desus de cels qui contre lui sont : car tant

! sont soffrant et endurant qu'il s'en esbahist toz. Il fiert sus 3. aus et maille ausi come il feist sus une pièce de fust. Mes cil ne font pas semblant qu'il se sentent des cox qu'il lor done, ne nule foiz nç reçvlçnt, ainz prennent toz dis terrç

tourKoi symbolique 14 1

sor lui. Si le lassent tant en poi d'ore que il ne puet tenir s'espee, ainz est si durement lassez et travailliez qu'il ne cuide ja mes avoir pooir de porter armes. Et il le prennent a force et l'en meinent en la forest et le metent dedenz. Et tuit si compaignon furent maintenant vaincu puis qu'il lor s failli d'aide ; et cil qui en meinent Lancelot li distrent : « Lancelot, nos avons tant fet que vos estes des noz et que vos estes en nostre prison ; si covient, se vos en volez issir, ; que vos façoiz nostre volenté. » Et il lor créante, et il s'em part maintenant et les lesse en la forest. Si s'en vet un 10 autre sentier que celui qu'il avoit autre foiz aie.

Et quant il est grant pièce esloigniez de cels qui Tavoient pris, et il se pense qu'il a hui esté menez la ou onques mes ne pot estre menez, ce est qu'il ne vint onques mes en tornoiement qu'il ne vainquist, ne ne pot eslre pris en tornoie- 15 ment ;y<[uant il se porpense de ce, si comence a fere trop grant duel et dit que or voit il bien qu'il est plus pechierres que nus autres. Car ses péchiez et sa maie aventure li a tolue la veue des eulz et le pooir dou cors. De la veue des eulz est il bien esprovee chose de la venue dou Saint Graal qu'il ne 20 pooit veoir. Del pooir del cors a il bien esté esprové, car il ne fu onqUes mes entre tant de gent come il a esté a cest tornoiement, qu'il poïst estre lassez ne traveilliez, ains les fesoit toz foïr de place, ou il vousissent ou non. Einsi dolenz et corrociez chevauche tant que la çuiz le sorprist en une valee 25 grant et parfonde. Et quant il vit qu'il ne porroit parvenir a la montaigne, si descent desoz un grant pueplier et oste a son cheval la sele et le frain, et s'alege de son hiaume et de son hauberc et abat sa ventaille. Maintenant se couche sur l'erbe et s'endort assez legierement, car il ot le jor esté las 3o et travailliez plus qu'il n'a voit esté pieça mes.

Quant il se fu endormiz, si li fu avis que de vers le ciel li \ vint uns hom qui moût resembloit bien preudome, et venoit

l4i L\ QtiËStE bÈL s. GKÂÂL

ausi corne corrodez et li disoit : « Hé ! hom de maie foi et de povrc créance, por quoi est ta volenté si legieremeiit changiee vers ton anemi mortel ? Se tu ne t'i gardes il te fera chaoir ou parfont puis dont nus ne retorne. » Quant ilavoit ce dit, si s'esvanoïssoit en tel manière que Lancelot ne sot qu'il ert devenuz. Si estoit moût a malaise de ceste parole ; mes por ce ne s'esveilloit il pas, ainz li avint einsi qu'il s^endormi ne ne s^esveilla jusqu'à Tandemain que li jorz aparut clers. Lors se lieve et fet le signe de la croiz en son front et se comande a Nostre Seignor ; et resgarde tout entor lui, mes il ne voit mie son cheval ; et neporec il le quiert tant qu'il le troeve. Si met la sele et monte si tost corn il est atornez.

Quant il s'en vouloit aler, il vit a destre del chemin que près de lui a une archiee avoit une chapele ou il avoit une recluse, que len tenoit a une des meillors dames dou païs. Quant il voit ce, si dist qu'il est voirement meschaanz et que ses péchiez le destorne voirement de toz biens. Car la ou il est orc vint il ersoir de ttric hore que bien poïst estre venuz jusque ça tout de jorz et demander conseil de son estre et de sa vie. 11 tome celé part et descent a l'entrée et atache son cheval a un arbre, et osle son escu et son hiaume et s'espee et met tôt devant l'uis. Quant il est entrez dedenz, il voit que desus l'autel estoient li garnement de Sainte Eglyse aprestez por vestir, et devant l'autel estoit uns <;hapeîains a g^nolz et disoit ses oroisons ; et ne demora gaires qu'il prist les armes Nostre Seignor et s'en revesti et comença la messe de la glorieuse Merc Dieu. Et quant il lot chantée et il fu desvestu'z, la recluse, qui avoit une petite voiete par ou ele veoit a l'autel, apela Lancelot por ce que chevaliers erranz li sembloit et mestîer avoit de conseil. Et il vient a lî, et eîe li demande qui il est et de quel païs et que i! quiert. Et il li dit tôt mot a mot einsi come ele avoit

ÈXPUCATlOK DU TÔURÏ^Ot l4^

demandé. Et quant il li a tôt dit, il li conte l'aventure dou tornoiement ou il avoit ier esté, et cornent cil as blanches armes le pristrent et la parole qui li avoit esté dite. Après li conte Tavision qu'il avoit veue en son dormant. Et quant il li a conté tôt son estre, si li prie qu'ele le consent a son pooir. Et elle li dist tantost :

« Lancelot, Lancelot, tant come vos fustes chevaliers des chevaleries terrianes fustes vos li plus merveillex hons dou monde et li plus aventureus. Or premièrement quant vos vos estes entremis de chevalerie celestiel, se aventures merveilleuses vos aviennent, ne vos en merveilliez mie. Et, neporec de cel tornoiement que vos veistes vos dirai je la senefiance ; car sanz faille quan que vos veistes ne fu fors autresi come senefiance de Jhesucrist. Et neporquant sanz faillance nule et sanz point de decevement estoit li tornoicmenz de chevaliers terriens ; car assez i avoit greignor senefiance qu'il meismes n'i entendoient. Tout avant vos dirai por qoi li tornoiemonz fu pris et qui estoient li chevalier. Li tornoiemenz fu pris por veoir qui plus avroit chevaliers, ou Elyezer, li filz le roi Pelles, ou Argustes, li filz le roi Her- Icn. Et por ce que l'en poïst conoistre les uns des autres fist Elyezer les suens eovrir de covertures blanches. Et quant il furent ajosté ensemble, si furent li noir vaincu, encor leur aidissiez vos^, encor eussiez vos plus gent qu'il n'avoient.

« Or vos dirai la senefiance de ceste chose. Avant ier, le jor de Pentecoste, pristrent li chevalier terrien et li chevalier celestiel un tornoiement ensemble, ce est a dire qu'il comencierent ensemble la Queste. Li chevalier qui sont en pechié mortel, ce sont li terrien, et li celestiel, ce sont li verai chevalier, li preudome qui n'estoient pas ordoié de pechié, comencierent la Queste dou Saint Graal : ce fu H tornoiemenz qu'il empristrent. Li chevalier terrien, qui avoient la terre <;s elz et es cuers, pristrent covertures noires, come

144 LA aûESTË DEL S. GRAAL

cil qui estoient covert de pechié noir et horrible. Li autre, qui estoient celestiel, pristrent covertures blanches, ce est de virginité et de chasteé, ou il n'a ne nerté ne tache. Quant li tornoiemenz fu comenciez, ce est a dire quant la Queste fu comenciee, tu regardas les pecheors et les preudomes.. Si te fu avis que li pecheor furent vaincu.^Et por ce que tu estoies de la partie as pecheors, ce est a dire por ce que tu estoies en pechié mortel, si te tornas devers els et te meslasas preudomes.JBien t'i meslas tu, quant tu a Galaad ton filz vousis joster, a celé hore qu'il abati ton cheval et le Perceval ensemble. Quant tu eus grant pièce esté ou tornoiement et tu fus si las que tu ne te poïs mes aidier, li preudome te pristrent et te menèrent en la forest. Quant tu 'te fus avant hier mis en la Queste et li Sainz Graalx t'aparut, lors te trovas tu si vilx et orz de péchiez que tu ne cuidoies que ja mes poïsses porter armes, ce est a dire quant tu te veis si vix et orz que tu ne cuidoies mie que Nostre Sires feist de toi son chevaliery : et son serjant. Mes maintenant te pristrent li preudome, li , hermite, les religieuses persones qui te mistrent en la voie Nostre Seignor, qui est pleine de vie et de verdor ausi come 20 la forest estoit. Si te conseillierent ce qui t'esloit profitable a l'ame. Et quant tu fus partiz d'els, tu ne retornas pas a la voie que tu estoies devant aie, ce est a dire que tu ne retornas pas a pechier mortelment com tu avoies fet devant. Et neporec, si tost come il te sovint de la vaine gloire de cest siècle et des granz orgueilx que tu soloies mener, tu començas a fere ton duel de ce que tu n'avoies tout vaincu, dont Nostre Sires se dut corrocier a toi. Et bien le te mostra en ton dormant, quant il te vint dire que tu estoies de maie foi et de povre créance, et t'amentut que li anemis te feroit chaoir ou parfont puis, ce est en enfer, se tu ne t'i gardoies. Or t'ai devisee la senefiance del tornoiement et de topi songe, por ce que tu ne te partes de la voie de vérité par vaine

LANCELOT A L EAU MARCOISE I45

gloire ne par aucune racine. Car a ce que tu as tant erré vers ton Creator saches que se tu vers lui fes chose que tu ne doies, il te laira forvoier de pechié en pechié, si que tu charras en pardurable peine, ce est en enfer. »

A tant se test la dame et cil respont : <( Dame, vos en avez tant dit, et vos et li preudome a qui je ai parlé, que se je chaoie en pechié mortel, len me devroit plus blasmer que nul autre pecheor. » — « Diex vos otroit, fait ele, par sa pitié que vos ja mes n'i renchaoiz ! » Lors li redit : « Lancelot, ceste forest est moût grant et moût desvoiable ; si i puet bien aler uns chevaliers a jornee que ja n'i trovera ne meson ne recet ; por ce voil que vos me dïez se vos menjastes hui. Car se vos n'avez mengié je vos donrai de tel charité come Diex nos a prestee. » Et il dist qu'il ne menja hui ne ier. Et ele li fet aporter pain et eve. Et il entre en la meson au chapelain et prent la charité que Diex li envoie. Qjaant il a mengié, si se part de laienz et comande la dame a Dieu et chevauche tote jor jusqu'au soir.

La nuit jut en une roche haute et merveilleuse sanz compaignie de tote gent, ne mes de Dieu ; il fu grant partie de la nuit en proieres et en oroisons et dormi grant pièce. A l'andemain, quant il vit le jor aparoir, il fist le signe de la croiz en son front et se mist a coûtes et a genouz contre orient et fist sa proiere tele come il l'avoit fête le jor devant. Lors vint a son cheval et li mist la sele et le frain et monta, et puis racoilli son chemin ausi come il avoit fet autre foiz. Si chevaucha tant qu'il vint en une valee parfonde, trop bêle a veoir, et estoit entre deus roches granz et merveilleuses. Quand il vint en la valee, si comença a penser moût durement ; il resgarde devant lui et voit l'eve que len apeloit Marcoise, qui la forest departoit en deus parties. Quant il voit ce, si ne set que fere. Car il voit que par mi l'eve, qui tant est parfonde et périlleuse, le covendra passer, et ce est une

I46 • l.A QUESTE DEL S. GRÀAL

chose qui moût l'esmaie. Et neporquant il met si s'esperance en Dieu et sa fiance qu'il s'en este tout del penser, et dist qu'il passera bien a l'aide de Dieu.

Tandis qu'il estoit en cel penser li avint une aventure merveilleuse; car il vit de l'eve/issir un chevalier armé d'unes armes plus noires que meure, et sist sus un grant cheval noir. Et la ou il voit Lancelot, si li adrece le glaive sanz lui mot dire et fiert le cheval si durement qu'il rocit,!,tnes lui ne touche ; si s'en vet si grant erre que Lancelot n'en pot en poi d'ore point veoir. Quant il voit son cheval desoz lui ocis, si se relieve, et si n'est pas moût dolenz puis qu'il plest a Nostre Seignor. Il nel regarde onques, ainz s'en vet outre einsi armez come il estoit. Et quant il est venuz jusqu'à l'evc et il ne voit pas coment il puisse oultre passer, il s'arreste et oste son hiaume et son escu et s'espee et son glaive, et si se couche lez une roche, et dist qu'il atendra ilec tant que Nostre Sires li envolera secors.

Einsi est Lancelot enclos de trois parties, d'une part de l'cve et d'autre part des roches et d'autre part de la forest. ' Si ne set tant esgarder de nule part de ces trois parties qu'il i 20 voie sauveté terriane. Car s'il monte es roches et il a talent de mengier, il ne trovera qui sa faim li restanche, se Nostre Sires n'i met conseil. Et s'il entre en la forest, a ce que ele est , la plus desvoiable que il onques trovast, il i porra esgarer et demorer lonc tens qu'il ne trovera qui li ait. Et s'il entre 25 en l'eve, il ne voit mie cornent il en puisse eschaper sanz péril: car ele est noire et parfonde si qu'il n'i porroit prendre pié. Ces trois choses le font remanoir a la rive et estrc en proieres et en oroisons vers Nostre Seignor, que 11 par sa pitié le viegne conforter et visiter, et doner li conseil par 3o coi il ne puisse chaoir en temptacion d'aneiiii par engin de deable, ne estre menez a désespérance. Mes a tant lesse ore li contes a parler de lui et retorne a monseignor Gauvain.

GÀ'u\al\ lv liËctok 14/

Or dit li contes que quant messires Gauvain se fu partie de ses compaignons, qu'il chevaucha mainte jornee loign et près sanz aventure trover qui face a amentevoir en conte. Et ausi faisoient li autre compaignon, car il ne trovoient mie de dis tanz tant d'aventures corne il souloient ; et par ce lor ennuia plus la Qjaeste. Messires Gauvain chevaucha des la Pentecoste jusqu'à la Magdaleine sanz aventure trover qui a conter face ; si s'en merveilla, car en la Queste del Saint Graal cuidoit il que les aventures forz et merveilleuses fussent plus tost trovees que en autre leu. Un jor li avint qu'il cncontra Hestor des Mares tôt seul chevauchant; il s'entreconurent si tost corne il s'entrevirent et s'entrefirent grantjoie. Et demanda messires Gauvain a Hestor de son estre. Et il dist qu'il estoit sainz et hetiez, mes aventure ne trova pieça en leu ou il venist. « Par foi, fet messires Gauvain, de ce me voloie je plaindre a vos : car, se Diex me consent, puis que je me parti de Camaalot ne trovai je aventure nule. Si ne sai coment ce est aie : car por aler par estranges terres et en loingtains pais et por chevauchier de jorz et de nuiz ne remest il pas. Car je vos créant loiaument come a mon compaignon que por aler solement, sanz autre besoigne fere, ai je puis ocis plus de dis chevaliers dont li pires valoit assez, ne aventure ne trovai nule. » Et Hestor se comence a seignier de la merveille que il en a. « Or me dites, fet messires Gauvains, se vos trovastes puis nul de nos compaignons. » — « Oïl, fet Hestor, je en ai puis quinze jors trové plus de vint chascun par soi, qu'il n'i ot onques nus qui ne se plainsist a moi de ce qu'il ne pooit trover aventure. » — « Par foi, fet messires Gauvains, merveilles oi. Et de monseignor Lancelot oïstes vos pieça parler ?» — « Certes,

148 LA QUESTE DEL S. GRAâL

fet il, nanil ; je ne truis qui noveles m'en die, ne plus que s'il fust fonduz en abysme. Et por ce sui je molt a malese de lui, et ai poor qu'il ne soit en aucune prison. Et de Galaad, et de Perceval, et de Boort oïstes vos puis parler? » — « Certes, fet Hestor, nanil. Cil quatre sont si perdu que len n'en set ne vent ne voie. » — « Or les conduie Diex, fet messires Gauvain, en quel leu qu'il soient. Car certes se il as aventures dou Saint Graal faillent, li autre n'i recovreront mie. Et je quit qu'il i avendront bien, car ce sont li plus preudome de la Queste. »

Quant il ontgrant pièce parlé ensemble, si dist Hestor: « Sire, vos avez grant pièce chèvauchic toz seuls et je toz seuls, ne n'avons riens trové. Or chevauchons ensemble» savoir se nos serions plus chaanz de trover aucune aventure que chascuns par soi. » « Par foi, fet messires Gauvain, vos dites bien et je l'otroi. Or alons ensemble, que Diex nos conduie en tel leu ou nos truissons aucune chose de ce que nos alons querant. » — « Sire, fet Hestor, ceste part dont je vieng ne troverons nos riens, ne celé part dont vos venez. » Et il dit que ce puet bien estre. — « Donc lo je, fet Hestor, ao que nos aillons autre voie que celé que nos avons aie. » Et il dit qu'il le loe bien. Et Hestor se met en un sentier qui tornoit au travers de la plaigne ou il s'estoient entr'encontré, si lessent le grand chemin

Einsi chevauchierent uit jorz qu'il ne troverent aventure 25 nule ; si lor en poise moût. Un jorloravint qu'il chevauchierent parmi une forest grant et estrange, ou il ne troverent home ne famé. Au soir lor avint qu'il troverenr entre deus roches, en une montaigne, une chapele vielle et anciane qui tant ert gaste par semblant qu'il n'i reperoit ame. Quant 3o il vindrent la, il descendirent et osterent lor escuz et lor lances et les lessierent defors la chapele lez la paroi. Puis ostent a lor chevax les frains et les seles et lessent pestre