SONGES DE GAUVAIN ET D HECTOR
par la montaingne. Lors desceignent lor espees et metent en la place, puis vont devant l'autel fere lor oroisons et lor proieres, corne bon crestien doivent fere. Et quant il orent fêtes lor oroisons, il se vont aseoir sus un siège qui estoit ou chancel, et parole li uns a l'autre de maintes choses ; 5 mes de mengier n'i ot il onques parlé, por ce qu'il savoient bien qu'a celui point s'en dementeroienl il por noient. Il fesoit laienz moût oscur, por ce qu'il n'i avoit lampe ne cierge qui arsist. Et quant il orent un poi veillié, si dormirent li uns ça et li autres la. 10
Quant il se furent endormi, si avint a chascun une avision merveilleuse qui ne fet mie a oublier, ainz la doit len bien amentevoir en conte ; car assez i a grant senefiance. Ce que messires Gauvains vit en son dormant, si li fu avis qu'il ert en un pré plein d'erbe vert, et de flors i avoit plenté. En cel 15 pré avoit un rastelier ou il menjoient cent et cinquante toriaus. Li torel estoient orgueillex ettuit vairié ne mes troi. De ces trois n'estoit li uns ne bien tachiez ne bien sanz tache ; ainz i avoit signe de tache ; et li autre erent si blanc et si bel qu'il ne pocient plus estre. Cil troi torel erent lié par les cox de 20 jox forz ettenanz. Li torel disoient tuit: « Alons de ci querre meillor pasture que ceste n'est. » Li torel s'em partoientatant et s'en aloient par mi la lande, ne mie par mi le pré, et demoroient trop lonc tens. Et quant il revenoient, si en failloient li plusor. Et cil qui revenoient erent si megre et si las qu'a 25 peines se pooient il tenir en estant. Des trois sanz tache revenoit li uns et li autre dui remanoient. Et quant il estoient venu au rastelier, si montoit entr'axun telestrif que la viande lor failloit et les covenoit départir li un ça et li autre la.
Einsi avint amonseignor Gauvain, Mes a Hestor avint une 3o autre moût dessemblable a celé avision. Car il li ert avis qu'entre lui et Lancelot descendoient d'une chaiere et montoient sus deus granz çhevaus, et dispient : « Alons quierre ce
que nos ne troverons ja. » Maintenant se departoient et erroient mainte jornee, et tant que Lancelot chaoit de son cheval ; si l'en abatoit uns bons qui tout le despoilloit. Et quant il Tavoit despoillié, il li vestoit une robe qui toute ert pleine de frangons, et si le montoit sus un asne. Et quant il i estoit montez, si chevauchoit lonc tens, et tant qu'il venoit a une fontainne, la plus bêle qu'il onques veist. Et quant il ert abessiez por boivre, si se reponnoit la fontainne. si qu'il n'en veoit point. Et quant il veoit qu'il n'en pooii point avoir, si s'en rctornoit la dont il ert venuz,;Et Hestors, qui nule foiz ne se remuoit, erroit tant fo^fvoiant ça et la qu'il venoit en la meson a un riche home qui tenoit noces et feste grant. 11 huichoit a l'uis et disoit : « Ouvrez, ouvrez ! » et li sires venoit avant, si li disoit: « Sires chevaliers, autre ostel querez que cestui : car ceenz n'entre nus qui si haut soit montez com vos estes. » Et il s'em partoit maintenant, tant dolenz que nus plus, et s'en reperoit a sa chaiere qu'il avoit lessiee.
De cest songe fu Hestor si a malaise qu'il s'en esvcilla del corroz qu'il avoit et se comcnça a torner et a retorner com cil qui ne pooit dormir. Et messires Gauvains, qui ne dormoit pas, ainz se fu esveilliez par son songe, quant il oï einsi torner Hestor, si li dist : « Sire, dormez vos ?» — « Sire, fet il, nanil ; ainz m'a orendroit esveillié une avision merveilleuse que j'ai veue en mon dormant. » — « Par foi, fet messires Gauvain, autel vos di. Je ai veue une trop merveilleuse avision dont je me sui esveilliez./Si vos di que je ne serai ja mes aeise devant que je en sache la vérité. ^ — « Tôt ausi vos di, fet Hestor, que je ne serai ja mes aeise devant que je sache la vérité de monseignor Lancelot mon frère. » En ce qu'il parloient einsi, si voient venir parmi l'uis de la chapele une main qui aparoit jusque vers le coûte, et estoit coverte d'un vermeil samit. A çelç main si peridoit un frain ne mie
