VISION DE GAUVAIN KT D HECTOR I 5 I

trop riche, ettenoit en son poign un gros cierge qui moût ardoit cler ; et passa par devant els et entra ou chancel et s'esvanoï en tel manière qu'il ne sorent que ele devint. Maintenant oïrent une voiz qui lor dist: «Chevalier plein de povre foi et de maie créance, ces troi choses que vos 5 avez orendroit veues vos faillent ; et por ce ne poez vos avenir as aventures dou Saint Graal. » Quant il oent ceste ' parole, si sont tuit esbahi. Et quant il se sont teu grant pièce, messire Gauvains parla premiers et dist a Hestor : « Avez vos entendue ceste parole? » — « Certes, sire, fet il, ^° nanil, et si l'ai je bien oïe. » — « A non Dieu, fet messire Gauvains, nos avons anuit tant veu en dormant et en veillant que li mielz que je i sache a nostre oes, si est que nos aillons qujerre aucun hermite, aucun preudome qui nos die la seneiiance de noz songes et la senefiance de ce que ce nos avons ^5 oï. Et selonc ce qu'il nos conseillera si ferons : car autrement m'est il avis que nos irions por noiant nos pas gastant, ausi com nos avons fet jusque ci. »Et Hestor dit que en cest conseil ne voit il se bien non. Einsi furent toute la nuit li dui compaignon en la chapele, ne onques puis qu'il 20 se furent esveillié ne s'endormirent, ainz pensoit chascuns durement a ce qu'il avoit veu en son dormant.

duant li jorz fu venuz, il alerent veoir ou lor chevaus estoient, si les quistrent tant qu'il les trouvèrent ; il lor mistrent les seles et les frains et pristrent lor armes et 25 montèrent et se partirent de la montaignc. Et quant il furent venuz en la valee, si encontrent un vaslet qui chevauchoit un roncin et estoit sanz compaignie. Il le saluent et il lor rent lor salu. « Biax amis, fet messires Gauvains, savriez nos vos ici près enseignjer ne hermitage ne religion ?» — « Sire, fet 3o li vaslez, oïl. »'Lors lor mostre un petit sentier a destre et lor dist : « Cist sentiers vos menra droit au haut hermitage oui çst en \ine petite montaigne ; mes elç est si roiste que

cheval n'i porroient aler, et por ce vos covendra a descendre et aler a pié. Et quant vos seroiz la venuz, si troveroiz un hermite qui est H plus preudome et de meillor vie qui soit en cest païs. » — « Or te comandons a Dieu, fet messires Gauvains, biax amis, car moût nos as servi a gré de ces paroles que tu nos as dites. »

Li vaslez s'en vet d'une part et cil d'autre. Et quant il ont un poi aie, il encontrent en la valee un chevalier armé de totes armes qui lor crie : « Joste ! » de si loign come il les voit. « A non Dieu, fet messires Gauvains, puis que je parti de Camaalot ne trovai mes qui joste me demandast, et puis que cil la demande, il l'avra. » — « Sire, fet Hestor, laissiez m'i aler, s'il vos plest. » — « Non feré, fet il ; mes s'il m'abat il ne me pèsera pas se vos i alez après moi.» Lors met lance sor fautre et embrace l'escu et lesse corre au chevalier, et cil li vient sigrant erre come il puet dou cheval trere. Si s'entrcfierent si granz coux que li escuz percent et li hauberc rompent, si se blecent molt durement li uns plus que li autres. Messire Gauvains lu navrez ou costé senestre, mes ce ne fu pas granment. Mes li chevaliers fu feruz si mortelment que li glaives en parut d'autre part. Il volent andui des arçons et au parcheoir brise li glaives, si que li chevaliers remaint toz enferrez et se sent si mortelment navrez qu'il n'a pooir de lever soi.

Quant messire Gauvains se voit cheû a terre, si se drece tost et isnelement, et met la main a l'espee et met l'escu devant son vis, et fet semblant de mostrer lagreignor proece qu'il onques pot, come cil qui assez en avoit en soi. Mes quant il voit que li chevaliers ne se relieve, si cuidebien que il soit navrez a mort. Lors li dist: « Sire chevaliers, a joster vos covient ou je vos ocirrai. » — « Ha ! sire chevaliers, je sui ocis, veraiement le sachiez. Et por ce vos pri je que vos façoiz ce que je vos requerrai, » Et il dist qu'il le fera