MORT D YVAIN I

volentiers, s'il le puet fere en nule manière. « Sire, fet il, je vos pri que vos me portoiz a une abeie près de ci, et me fêtes fere ma droiture tele come len doit fere a chevalier. » — « Sire, fet messires Gauvains, je ne sai ci près nule religion. » — « Ha ! sire, fet il, montez moi sus vostre cheval et 5 je vos menrai a une abeie que je sai, qui n'est mie grantment loign. » Lors le met messire Gauvains devant soi sus le cheval et baille a Hestor son escu a porter, et l'embrace par les flans por ce qu'il ne chaïst. Et li chevaliers conduit le cheval droit a une abeie qui ilec estoit près en une valee. lo

Quant il vindrent a la porte, si huchierent tant que cil de laienz les oïrent, qui vindrent la porte deffermer et les reçurent lieement, et descendirent le chevalier navré et le couchierent au plus souef qu'il porent. Et si tost come il fu couchiez, si demande son Sauveor et len li aporte. Et quant il le ï5 voit venir, si comence a plorer trop durement, et tent ses mains encontre, et se fet confés, oiant toz cels de la place, de toz ses péchiez dont il se sent corpables vers son Criator, et en crie merci tendrement plorant. Et quant il a tôt ce dit dont il se sent remembranz, li prestres li done son Sauveor, 20 et il le -reçoit o grant devocion. duant il oiusé corpus Domini, il dist a monseignor Gauvain qu'il li traie le glaive dou piz. Et il li demande qui il est et de quel païs. « Sire, fet il, je suiz de la meson le roi Artus et compainz de la Table Reonde ; et ai non Yvains li Avoltres et filz le roi Urien. Si 25 estoie meuz en la dueste dou Saint Graal o mes autres compaignons. Mes einsi est ore avenu, par la volenté Nostre Seignor ou par mon pechié, que vos m'avez ocis ; si le vos pardoign debonerement, et Diex ausi le vos pardoint ! ^) Quant messires Gauvains ot ceste parole, si dist moutdolenz 30 et corrodez : « Hé Diex ! tant ci a grant mésaventure- ! Ha ! Yvains, tant il me poise de vos !» — « Sire, fet il, qui estes vos ?» — « Je sui Gauvains, li niés le roi Artus, » — « Pont

154 ï'^ QUESTE DEL S. GRAAL

ne me chaut, fet il, se je sui ocis par la main de si preudome com vos estes. Por Dieu, quant vos vendroiz a cort, saluez moi toz nos compaignons que vos troveroiz vis, car je sai bien qu'il en morra assez en ceste Queste, et si lor dites, par la fraternité qui est entre moi et els, qu'il lor soviegne de moi en lor proieres et en lor oroisons et qu'il prient Nostre Seignor qu'il ait merci de l'ame de moi. » Lors comencent a plorer entre messire Gauvain et Hestor. Lors met messire Gauvain la main au fer dou glaive que Yvains avoit ou piz ; et au tirer qu'il fet cil s'estent de la grant angoisse qu'il sent, et maintenant li part l'ame dou cors, si qu'il dévia entre les braz Hestor. Messires Gauvains en est trop dolenz, et ausi est Hestor : car maiiite bêle proece li avoient veu fere. Il le firent ensevelir bel et richement, en un drap de soie que li frère de laienz li aporterent quant il sorent qu'il ert filz de roi, et li firent tel servise come len doit fere pour mort, et l'enfoïrent devant le mestre xiutel de laienz, et mistrentune bêle tombe sus lui, et i firent son non escrire et le non de celui qui l'ocist.

Lors se partent de laienz entre monseignor Gauvain et Hestor dolent etcorrouciez de ceste mésaventure qullor est avenue, car il voient bien que ce est droite meschaance ; si chevauchent tant qu'il vindrent au pié dou hait hermitage. Quant il vindrent la, si atachierent lor chevax a deus chesnes. Lors se metent en un estroit sentier qui aloit amont jOu tertre et le troverent si roiste et si anuiex a monter qu'il sont tuit las et travaillié ainz qu'il viegnent amont. Quant il sont venu amont, si voient il l'ermitage ou li preudons manoit, qui avoit non Nasciens. Et ce ert une povre meson et une petite chapele. 11 vienent celé part et voient, en un cortil .qui emprés la chapele estoit, un preudome viel et ancien qui coilloit orties a son mengier, come cil qui 4'^utre viande n'avoit gosté lonç tens avoit plissé, Et tantost

GAUVAIK ET HECTOR CIIKZ I.'eRMITE 155

com il les voit armez, si pense bien qu'il soient des chevaliers erranz qui sont entré en la Queste dou Saint Graal, dont il savoit noveles pieça. Il lesse ce qu'il fesoit, si vient a aux et les salue. Et il s'umilient vers lui et li rendent son salu.

« Biau seignor, fait il, quele aventure vos a ça amenez ? » 5 — « Sire, fet messires Gauvains, la grant fain et le grant desirrier que nos avions de parler a vos, por estre conseillié de ce dont nos estions desconseillié et por estre certain de ce dont nos somes en error. » Quant il ot einsi parler monseignor Gauvain, si pense qu'il soit moût sages des terrianes lo choses, si li dist : « Sire, de chose que je sache ne ne puisse ne vos faudrai je ja. »

Lors les meine andeus en sa chapele, si lor demande qui il sont, et il se noment et se font conoistre a lui, tant qu'il set bien de chascun qui il est. Lors lor requiert qu'il li dient de 15 quoi il sont desconseillié, et il les conseillera a son pooir. Et messires Gauvains li dit maintenant : « Sire, il avint ier, ^ moi et a cest mien compaignon qui ci est, que nos chevauchâmes parmi une forest toute jor sanz encontrer home ne famé, tant que nos trovames en une montaigne une chapele. 20 Si descendîmes iluec, car nos volions miclz dedenz gésir que defors. Et quant nos fumes alegié de nos armes, nos entrâmes enz et nos endormimes li uns ça et li autres la. Quant je me fui endormiz, si m'avint une avision merveilleuse. » Lors li conte quele, et quant il li a tôt conté, si li reconte Hestor la 25 soe. Après li content de la main qu'il orent veue en veillant et de la parole que la vois lor dist. Et quant il li ont tôt conté, si li prient por Dieu qu'il lor en die la senefiance : car sanz ocrant senefiance ne lor ert ce mie avenu en dormant. 3o

Quant li preudons a tout ce oï por quoi il sont venu a lui, si respont a monseignor Gauvain. « Or, biau sire, ou pré que vos veistes avoit un rastelier. Par le rastelier devons np^

entendre la Table Reonde : car ausi corne ou rastelier a verges qui devisent les espaces, ausi a il a la Table Reonde colombes qui devisent les uns des sièges des autres. Par le pré devons nos entendre humilité et patience, qui loz jorz sont vives et en lor force. Et por ce que humilité ne puet estre vaincue ne pacience, i fu la Table Reonde fondée, ou la chevalerie a puis esté si fort par la douçor et par la fraternité qui est entr'ax, que elenepot estre vaincue., Et por ce dit on qu'ele fu fondée en humilité et en pacience. Au rastelier menjoient cent et cinquante torel. Il i menjoient et si n'estoient pas ou pré ; car s'il j. fussent, lor cuers mainsissent en humilité et en pacience. Li torel estoient orgueilleux et tuit vairié ne mes troi. Par les toriaux doiz tu entendre les compaignons de la Table Reonde, qui par lor luxure et par lor orgueil sont chaoiz eh pcchié mortel^ si durement que lor péchiez ne pueent atapir dedenz els, ainz les cstuet paroir par dehors, si qu'il en sont vairié et tachié et ort et mauves ausi come li torel estoient. Des toriax i avoit trois qui n'estoient mie tachié, ce est a dire qui estoient sanz pechié. Li dui estoient blanc et bel et li tierz avoit eu signe de tache. Li dui qui estoient blanc et bel senefient Galaad et Perceval, qui sont plus blanc et bel que nul autre. Bel sont il voirement, quant il sont parfet de toutes vertuz, ,fet sont blanc sanz ordure et sanz tache, que len troveroit ore a peine qui n'eust tache aucune. Li tierz ou il avoit eu signe de tache, ce est Boorz, qui jadis se meftist en sa virginité. Mes il l'a puis einsi bien amendé en sa chasteé que toz est pardonnez icelui meffez. Li troi torel estoient lié par les cox, ce sont li troi chevalier en quoi virginitez est si durement enracinée qu'il n'ont pooir des chiés lever, ce est a dire qu'il n'ont garde que orgueil se puisse entrer en els. Li torel disoient : « Alons quierre meillor pasture que ceste n'est. » Li chevalier de la T^ble Reoncfe (Jistrent le jor de Pentecoste ;

EXPLICATION DES VISIOKS I57

« Alons en la Queste dou Saint Graal, si serons repeu des honors dou monde et de la viande celestiel que li Sainz Esperiz envoie a cels qui siéent a la table dou Saint Graal. La est la bonepasture. Lessons ceste, alons la. » Il se partirent de cort et alerent par mi la lande, ne mie par mi le pré. Quant il se partirent de cort, il n'alerent mie a confession, come cil doivent fere qui se metent ou servise Nostre Seignor. Il ne s'esmurent pas en humilité ne en pacience, qui est senefiee par le pré, ainz alerent par la lande, par la gastine, en la voie ou il ne croist ne flor ne fruit, ce est en enfer, ce est en la voie ou totes choses sont gastees qui ne sont covenables. Quant il revenoient, si en failloient li plusor, ce est a dire qu'il ne revendront mie tuit, ainz en morra partie. Et cil qui reperoient estoient si megre et si las qu'a peine se pooient il tenir en estant ; ce est a dire que cil qui revendront seront si essorbé de pechié que li un avront ocis les autres ; qu'il n'avront membre qui sostenir les puisse, ce est a dire qu'il n'avront nule vertu en ax qui home tiegne en estant qu'il ne chiee en enfer, et seront garni de totes ordures et de toz péchiez mortielx. Des trois sanz tache revendra li uns et li autre dui remaindront, ce est a dire que des trois bons chevaliers revendra li uns a cort, ne mie por la viande dou rastelier, mes por anoncier la bone pasture que cil ont perdue qui sont en pechié mortel. Li autre dui remaindront, car il troveront tant doulçor en la viande dou Saint Graal que en nule manière ne s'em partiroient puis qu'il i'avront asavoree. La darreaine parole de vostre songe, fet il, ne vos dirai je pas, car ce seroit une chose dont ja preu ne vendroit, et si vos en porroit len mauvesement destorncr. » — « Sire, fet messires Gauvains, et je m'en soffrerai puis qu'il vos plest. Et je le doi bien fere ; car si bien m'avez certefié ce dont je me doutoie que je voi apertement la veritç de mon songe. »

I58 LA QUÈSTÈ DEL S. GRâAL

Lors parole li preudons a Hestor etli dit : « Hestor, il vo^ fu avis qu'entre vos et Lancelot descendiez d'une chaierc. Chaiere scnefie mcstrie ou seignorie. La chaiere dont vos descendiez, ce est la grant honor et la grant révérence que len vos portoit a la Table Reonde ; ce est a dire que vos la lessastes quant vos partistes de la cort le roi Artus. Vos montastes entre vos deus sus deus granz chevax, ce est en orgueil et en bobant, ce sont li dui cheval a l'anemi. Et puis disiez : « Alons quierrc ce que nos ne troverons ja », ce est li Sainz Graax, les secrees choses Nostre Seignor,'qui ja ne ^

^ vos seront mostrees, car vos n'estes pas dignes dou veoir./ Quant vos fustes partiz li uns de l'autre, Lancelot chevaucha i tant qu'il chaï de son cheval, ce est a dire qu'il lessa orgueil/ et se prist a humilité. Et sez tu qui l'osta d'orgueil ? Celui qui abati orgueil dou ciel ; te fu Jhesucrist,.qui humilia Lancelot et le mena a ce qu'il le despoilla. Il le despoilla

' des péchiez, si qu'il se vit;iuz desboncs vcrtuz que crestiens doit avoir, et cria merci; Et maintenant le revesti Nostre Sires, et sez tu de quoi ? De pacience et d'umilité : ce fu la robe qu'il li dona qui estoit pleine de frengons, ce est la haire qui est aspre corne frengons. Puis le monta sus un asne, ce est la bcste d'umilité, et bien fu aparant chose, que Nostre Sires le chevaucha quant il vint en sa cité de Jherusalem, qui estoit rois des rois, et avoit totes richesces en sa bailUe, nen'i volt pas venir sus destrier ne sus palefroi, ainz i vint sus la plus rude beste et sus la plus vilaine, ce est sus l'asne, por ce que li povre et li riche i preisscnt essample. Itel beste veistes vos Lancelot chevauchicr en vostre dormant. Et quant il avoit une pièce chevauchié, si venoit a une fontaine, la plus bêle qu'il onquesveïst, et descendoit por boivre en ; et quant il estoit abessiez, la fontaine se reponoit ; et quant il veoit qu'il n'en porroit point avoir, si s'en retornoit a sa chaiere dont ilert partiz. Fontaine si est de tel manière que

ÈkKiCÂtiON t)ÉS VISIO^JS Î59

Icn ne la puet cspùisier, ja tant n'en savra len oster : ce est li SainzGraax, ce est la grâce del Saint Esperit. La fontaine est la douce pluie, la 'douce parole de l'Evangile, ou li cuers del verai repentant troeve la grant douçor, que de tant corne il plus Tasavore, de tant en est il plus desirranz ; ce est la grâce del Saint Graal. Car de tant corne ele est plus large et plus plenteureuse, d'itant en remaint il plus. Et por ce doit ele par droit estre apelee fontaine. Quant il venoit a la fontaine, il descendoit, ce est a dire quant il vendra devant le Saint Graal, il descendra, si qu'il ne se tendra pas a home, por ce qu'il onques chaï en pechié. Et quant il s'abessera, ce est a dire quant il s'agenoillera por boivre et por estre rasaziez de sa grant grâce et repeuz, lors se repondra la fontaine, ce est li Sainz Graax. Car il perdra la veue des eulz devant le Saint Vessel, por ce qu'il les conchia a resgarder les terrianes ordures, et perdra le pooir dou cors, por ce qu'il en servi si longuement a l'anemi. Et durra celé venjance vint et quatre jorz, en tel point qu'il ne mengera ne ne bevra, ne ne parlera ne ne movra pié ne main ne membre qu'il ait, ainz li sera avis qu'il sera toz jorz en tel beneurtc come il estoit quant il perdi la veue. Lors dira il partie de ce qu'il avra veu. Maintenant s'en partira dou païs et ira a Camaalot.

« Et vos, qui toz jorz chevaucheroiz le grant destrier, ce est a dire qui tozjors seroiz en pechié mortel, et en orgueil et en envie et en maint autre vice, îroiz forsvoiant ça et la, tant que vos vendroiz a la meson au Riche Pescheor, la ou li preudome, li verai chevalier tendront lor feste de la haute troveure qu'il avront trovee. Et quant vos vendroiz la et vos cuideroiz enz entrer, li rois vos dira qu'il n'a cure d'ome qui si haut soit montez come vos estes, ce est a dire qui gise en pechié mortel et en orgueil. Et quant vos orroiz ce, si retorneroiz a Kamaalot, sanz ce que vos n'avroiz gueres

l60 LA QUESTE DEL S. GRAAL

fet de vostre preu en ceste Queste. Si vos ai or dit et devisé partie de ce qu'il vos avendra.

« Or covient que vos sachiez apertement de la main que vos veistes passer par devant vos, qui portoit un cierge et un frain^ puis vos dist la voiz que ces troi choses vos failloient. Parla main que tu veiz doiz tu entendre charité,, et par le samit vermeil la grâce dou Saint Esperit, dont charitez est toz dis embrasée. Et qui charitez a en soi, il est chauz et ardanz de l'amor Noslre Seignor celestiel, ce est Jhesucrist. Par le frain doiz tu entendre abstinence. /Car ausi com par le frain li hons meine et conduit son cheval la ou il veut, tou^ ausi est d!abstinence. Car ele est si fermée ou cuer del crestien qu'il ne puet chaoir en pechié rportel, ne aler a sa volenté, se ce n'est en bones oevres. Par le cierge que ele portoit doiz tu entendre la vérité de l'Evangile : ce est Jhesucrist qui rend clarté et veue a toz cels qui se, retraient de pechier et revienent a la voie de Jhesucrist. ' Quant ce fu donques chose que charitez et abstinence et veritez vindrent devant toi en la chapele, ce est a dire quant Nostre Sires vint en son ostel en sa chapele, qu'il n'avoit pas edefiee a ce que li pecheor vil et ort et conchié i entrassent, mes por ce que veritez i fust anonciee, et quant il vos i vit, il s'en ala, por le leu que vos aviez ordoié de vostre repère, et quant il s'en ala, il vos dist : « Chevaliers pleine de povre foi et de « maie créance, ces troi choses vos faillent, 'charitez, absti- « nence, veritez ; et por ce ne poez vos avenir as aventures « dou Saint Graal. » Or vos ai devisees les senefiances de vos songes, et la senefiance de la main. »

— « Certes, fet messire Gauvains, voirement l'avez vos si bien devisee que je la voi apertement. Or vos pri que vos nos dioiz por quoi nos ne trovons tant d'aventures come nos solions. » — « Je vos dire, fet li preudons, cornent il est. Les aventures qui ore avienent sont les senefiances et les

IMPÉNITENCE DE GAUVAIN lél

demostrances dou Saint Graal, ne li signe dou Saint Graal n'aparront ja a pecheor ne a home envelopé de pechié. Dont il ne vos aparront ja ; car vos estes trop desloial pecheor. Si ne devez mie cuidier que ces aventures qui ore avienent soient d'omes tuer ne de chevaliers ocirre ; ainz sont des 5 choses esperituex, qui sontgraindres et mielz vaillanz assez. »

— « Sire, fet messires Gauvains, par ceste reson que vos me dites m'est il avis que puis que nos serions en pechié mortel, por noiant irions avant en ceste Queste ; car je n'i feroie noiant. » — « Certes, fet li preudons, vos dites voir ; il en i lo a assez qui ja n'i avront se honte non. » — (f Sire, fet Hestor,

se nos vos créions, nos retornerions a Camaalot ?» — « Jel vos lo, fet li preudons. Et encor vos di je que, tant come vos soiez en pechié mortel, n'i feroiz vos riens dont vos aiez honor. » Et quant il a dite ceste parole, si s'en partent a tant. 15 Et quant il sont un poi esloignié, si rapele li preudons monseignor Gauvain. Et il vient a lui ; lors li dit li preudons :

« Gauvains, moût a lonc tens que tu fus chevaliers, ne onques puis ne servis ton Creator se petit non. Tu es vielz arbres, si qu'il n'a mes en toi ne fueille ne fruit. Car te por- 20 pense tant, se mes non, que Nostre Sires en eust la moele et l'escorce, puis que li enemis en a eu la flor et le fruit. »

— « Sire, fet messires Gauvains, se je eusse loisir de parler a vos, je i parlasse volentiers. Mes veez la mon compaignon qui dévale le tertre, por quoi il m'en covient aler. Mes bien 25 sachiez que ja si tost n'avré loisir de revenir comme je revendrai ; car molt ai grant talent de parler a vos priveement. » A tant se part li uns de l'autre ; si devaient li dui chevalier le tertre et vienient a lor chevax et montent et chevauchent jusqu'au soir. Si jurent chiés un forestrier, qui bien les 30 herberja et n:iolt lor fist grant feste. A l'andemain s'em partirent et se remistrent en lor chemin et chevauchierent lonc tens sanz aventure trover qui a conter face. Mes a tant lesse

s. GRAAL, II

l62 LA QUESTE DEL S. GRAAL

ores li contes a parler d'aux et retorne a monseignor Boort de Gaunes.

Or dit li contes que quant Boorz se fu partiz de Lancelot si corne li contes a devisé, qu'il chevauclia jusq'a hore de none. Lors ateint un home de grant aage qui ert vestuz de s robe de religion et chevauchoit un asne, ne n'aroit o lui serjant ne vaslet ne compaignie nule. Boorz le salue et li dist : « Sire, Diex vos conduie ! » Et cil le resgarde et conoist qu'il est chevaliers erranz, si li respont que Diex le consent. Lors demande Boorz dont il vient einsi seuls. « Je vieng, fet il, de lo visiter un mien serjant qui est malades, qui me souloit aler en mes aferes. Et vos, qui estes et quel part alez vos ? » — «Je sui, fet il, uns chevaliers erranz qui suiz meuz en une queste dont je voldroie mol't que Notre Sires me conseillast. Car ce est la plus haute queste qui onques fust comenciee, 15 ce est la Queste dou Saint Graal, ou cil avra tant honor, qui a fin la porra mener, que cuer d'ome mortel nel porroit penser. »

— « Certes, fet li preudons, vos dites vérité, honor i avra il grant, et ce n'iert mie de merveille^ ear il ert li plus loiax an serjanz et li plus verais de toute la dueste. Il n'entrera pas en ceste Queste vil ne conchié ne ort, come sont li desloial pecheorqui i sopt entré sanz amendement de vie : car ce est li servises meesme Nostre Seignor. Or resgardez come il sont fol. Il sevent bien, et maintes foiz l'ont oï dire, que nus ne 25 puet a son Creator venir s'il n'i vient par la porte de neteé, ce est par confession ; car nus ne puet estre mondez ne netoiez se veraie confession nel visite : par la confession en oste len l'anemi. Car quant li chevaliers, ou li bons quel qu'il soitj pèche mortelment, il reçoit l'anemi et manjue, 3o mes garder ne s'en puet qu'il ne soit toz diz o lui. Et quant

BOHORT ET UN' RET.IGIHLJX I65

il i a esté dis anz ou vint, ou combien de terme que ce soit, et il vient a confession, il le vonche hors et le giete de son cors et herberge autre dont il a greignor honor, ce est Jhesucrist. Si a preste longuement a la chevalerie terriane la viande del cors. Or s'est eslargiz et adouciz plus apértement qu'il ne seut. Car il lor a prestee la viande del Saint Graal, qui est repessement a l'ame et sostenement dou cors. Iceste viande est la douce viande dont il les a repeuz et dont il sostint si longuement le pueple Israhel es deserz. Einsi s'est ore eslargiz envers els, car il lor promet or la ou il souloient prendre plom. Mes tout ausi come la viande terriane s'est changiee a la celestiel, tout ausi covient il que cil qui jusqu'à cest terme ont esté terrien, ce est a dire que cil qui jusqu'à cel terme ont esté pecheor, soient changié de terrien en celestiel, et lessent lor pechié et lor ordure et viegnent a confession et a repentance, et deviegnent chevalier Jhesucrist et portent son escu, ce est paciencc et humilité. Car autre escu ne porta il contre l'anemi, quant il le vainqui en la Croiz ou il softVi mort por ses chevaliers oster de la mort d'enfer et dou servage ou il estoient. Par celé porte, qui est apelee confession, sanz quoi nus ne puet venir a Jhesucrist, covient entrer en >ceste. Queste et muer l'estre de chascun et changier, contre la viande qui changiee lor est. Et qui par autre porte voldra entrer, ce est a dire qui se travaillera granment sanz aler a confession premièrement, il n'i trovera ja chose que il quiere, ainz s'en revendra sans taster et sans gouster de celé viande qui promise lor est. Et encor lor avendra il autre chose. Car por ce qu'il se metront en leu de chevaliers celestiex et si nel seront mie, ce est qu'il se tendront a compaignon de la Queste et si nel seront pas, ainz seront ort et mauves plus que jel ne porroie penser, et en charra li uns en avoûtire, li autres en fornicacion etli autre en homicide. Et einsi seront gabé et escharni par lor pechié et par engin

./de deable, qu'il s'en revendront a cort sanz riens trover, fors ce que li anemis done de lui servir, ce est honte et deshonor, dont il avront a plenté ainz qu'il reviegnent mes arriéres. Sire chevaliers, tôt ce vos ai je dit por ce que vos estes meuz en la Queste dou Saint Graal. Car je ne loeroie en 5 nule manière que vos vos traveillissiez plus en ceste Queste, se vos n'estiez tiex que vos en deussiez estre. »

— « Sire, fet Boorz, il me semble, a la raison que vos me dites, qu'il en seront tuit compaignon s'en elx ne remaint, car sanz faille il m'est avis que en si haut servise come cist 10 est, qui est meesme servise Jhesucrist, ne doit nus entrer fors par confession. Et qui autrement i entrera, je ne cuit mie qu'il li puisse bien chaoir, qu'il soit trouverres de si haute trouveure come ceste est. » — « Vos dites voir, fet li preudons. » 15

Lors li demande Boorz s'il est prestres. « Oïl, fet il. » — « Dont vos requier je, fet Boorz, ou nom de sainte charité, que vos me conseilliez com li pères doit conseillier le fil, ce est li pechierres qui vient a confession ; car li prestres est en leu de Jhesucrist, qui est pères a toz çax qui en lui croient. 20 Si vos pri que vos me conseilliez au profit de l'ame et a l'ennor de chevalerie. » — « A non Dieu, fet li preudons, vos me requérez grant chose. Et se je de ce vos failloie, et puis chaïssiez en pechié mortel ou en error, vos m'en porriez apeler au grant jor espoantable devant la face Jhesucrist. Por 25 ce vos conseillerai au mielz que je porré. » Lors li demande coment il a non, et il dit qu'il a non Boort de Gaunes et fu filz le roi Boort, et cousins monseignor Lancelot del Lac.

Quant li preudons ot ceste parole, si respont : « Certes, Boort, se la parole de l'Evangile ert en vos sauvée, vos seriez 30 bons chevaliers et verais. Car, si com Nostre Sires dit : « Li « bons arbres fet le bon fruit », vos devez estre bons par droiture, car vos estes le fruit del très bon arbre. Car vostre pères,