CONVERSATION PIEUSE I

li rois Boors, fu uns des meillors homes que je onques veisse, rois piteus et humbles ; et vostre mère, la reine Eveine, fu une des meillors dames que je veisse pieça. Cil dui furent un sol arbre et une meisme char par conjonction de mariage. Et . puis que vos en estes fruit vos devriez estre bons quant li ' 's arbre furent bon. » — « Sire, fet Boors, tout soit li hons estrez de mauves arbre, ce est de mauves père et de mauvese mère, est il muez d'amertume en dolçor si tost come il reçoit le saint cresme, la sainte onction ; por ce m'est il avis qu'il ne vet pas as pères ne as mères qu'il soit bons ou mau- lo vés, mes au cuer de l'ome. Li cuers de l'ome si est l'aviron de la nef, qui le meine quel part qu'il veut, ou a port ou a péril. » — « A l'aviron, fetli preudons, amestre qui le tient et mestroie et fet aler quel part qu'il veut ; ausi est il dou cuer de l'ome. Car ce qu'il fet de bien li vient de la grâce et 15 del conseil dou Saint Esperit, et ce qu'il fet de mal li vient de l'enticement a l'anemi. »

Assez parlèrent de ceste chose entr'els deus, tant qu'il virent devant ax une meson a hermite. Li preudons vet celé part et dit a Boort qu'il le sive, car il le herbergera hui mes, 20 et le matin parlera a lui priveement de ce dont il li a demandé conseil ; et Boorz li otroie volentiers. Quant il sont la venu, si descendent et troevent laienz un clerc, quioste au cheval Boort la sele et le frain et s'en prent garde, et aide Boort a desarmer. Et quant il est desarmez, li preudons li 25 dit qu'il aille oïr vespres. Et il dit : 0 Volentiers. » Lors entrent en la chapele, et cil comence vespres. Et quant il les a chantées, si fet mètre la table et done a Boort pain et eve et li dit : « Sire, de tel viande doivent li chevalier celestiel pestre lor cors, non pas de'grosses viandes qui l'ome meinent a 3o luxure et a pechié mortel. Et se Dex me consent, fet il, se je cuidoie que vos vousissiez fere une chose por moi, ]t vos en requerroie. >? Et Boorz li demande que ce est. « Ce est

l6é LA O.ÛESTÉ DÊL S. GRAAL

une chose, fet li preudons, qui vos vaudra a l'anie et vos sostendra assez le cors. » Et il li créante qu'il le fera. « Granz merciz, fet li preudons. Et savez vos que vos m'avez otroié ? Que vos ne repestrez le cors d'autre viande jusqu'à tant que vos seroiz a la table del Saint Graal. » — « Et que 5 savez vos, fet Boort. si je i seré ?» — « Je le sai bien, fet il, que vos i seroiz, vos tierz de compaignons de la Table Reonde. » — « Donc vos créant je, fet il, com loiax chevaliers, que je mes ne mengeré fors pain et eve jusqu'à celé hore que je seré a celé table que vos dites. » Et li preudons 1° le mercie de ceste abstinence qu'il fera por l'amor del verai Crucefié.

Celé nuit jut Boors sus l'erbc vert que li clers coilli delez la chapele. A l'andemain, si tost corne li jorz aparut, se leva Boors, et lors vint li preudons a lui et li dist : « Sire, veez ci »5 une cote blanche que vos vestirez en leu de chemise. Si sera signes de penitance et vaudra un chastiement a la char. » El il oste sa robe et sa chemise et la vest entele-entencion come li preudons li baille, puis vest par desuz une robe d'escarlate vermeille. Puis se seigne et entre dedenz la chapele au 20 preudome, et se fet confés a lui de toz les péchiez dont il se sent corpables vers son Creator. Si le troeve li preudons de si bone vie et de si religieuse qu'il s'en merveille toz, et set qu'il ne s'ert onques meffez en corruption de char, fors a celé hore qu'il engendra Elyan le Blanc. Et de ce doit il montes merciz 25 a Nostre Seignor. Et quand li preudons l'a assouz et enjointe tel penitance com il set qu'il li covient, Boorzli requiert qu'il li doint son Sauveor : si en sera toutevoies plus aseur en quel que leu qu'il viegne, car il ne set se il morra en ceste Queste ou s'il en eschapera. Et li preudons li dist qu'il se sueffre tant 3o qu'il ait messe oie. Et il dit que si fera il.

Lors comence li preudons ses matines ; et quant il les a chantées, sise revest et comence la messe. Et quant il ot fête "

COMMUNÎOK ET DÉPART DE BOMORT 167

la beneiçon, si prent corpus Domini et fet signe a Boort qu'il viegne avant. Et il si fet et s'agenoille devant lui. Et quant il est venuz, li preudons li dit : « Boort, voiz tu ce que je tiegn ? » — c< Sire, fet il, oïl bien. Je voi que vos tenez mon Sauveor et ma rédemption en semblance de pain ; et en, tel manière nel veisse je pas, mes mi oil, qui sont si terrien qu'il ne pueent veoir les esperitex choses, nel me lessent autrement veoir, ainz m'en tolent la veraie semblance. Car de ce ne dout je mie que ce ne soit veraie char et verais bons et entérine deité. » Lors comence a plorer trop durement et li preudons li dit : « Or seroies tu fox se tu si haute chose corne tu devises recevoies, se tu ne li portoies loial compaignie toz les jorz mes que tu vivroies. » — « Sire, fet Boorz, ja tant come je vive ne serai se ses serjanz non, ne n'istrai fors de son comandement. » Lors li done li preudons et il le reçoit o grant dévotion, et tant liez et joianz qu'il ne cuide ja mes estre corrociez por chose qui li aviegne.

Quant il l'ot usé et este a genolz tant come lui plot, il vient au preudome et li dit qu'il s'en velt aler, car assez a demoré laienz. Et li preudons li dist qu'il s'em puet bien aler quant lui plaira, car il est armez en tel manière come chevaliers celestiex doit estre, et si bien garniz contre l'anemi que mielz ne porroit estre. Lors vient a ses armes et les prent. Et quant il est armez, si se part de laienz et comande a Dieu le preudome. Et cil li requiert qu'il prit Dieu por lui quant il vendra devant le Saint Graal. Et Boort li requiert qu'il prit Nostre Seignor qu'il nel laist chaoir en pechié mortel par temptacion d'anemi. F.t li preudons li dit qu'il pensera de lui en totes les manières qu'il porra.

Maintenant s'em part Boort et chevauche toute jor jusqu'à none. Quant vint un poi après celé hore, il resgaYda amont en l'air et vit un grant oiesel voler par desus un arbre viel et

l68 LA QUESTE DEL S. GRAAL

sec et déserté, sanz fueille et sanz fruit, duant il ot grant pièce volé entor, si s'assist sus l'arbre ou il avoit oiselez suens propres, ne sai quanz, et tuit erent mort. Et quant il se seoit sus aux et il les trovoit sanz vie, il se feroit de son bec en mi le piz si qu'il en faisoit le sanc saillir. Et si tost s corne il sentoient le sanc chaut, si revenoient en vie, et il moroit entr'elx, et einsi prenoient comencement de vie par le sanc dou grant oiesel. Quant Boort voit ceste aventure, si se merveille trop que ce puet estre, car il ne set quel chose puisse avenir de ceste semblance. Mes tant conoist il bien lo que ce est senefiance merveilleuse. Lors resgarde grant pièce por savoir se li granz oiesiax se releveroit, mes ce ne pot avenir, car il ert ja morz. Et quant il voit ce, si raquelt sa voie et chevauche jusqu'après vespres.

Au soir li avint, si corne aventure le mena, qu'il vint a une 15 tor fort et haute ou il demanda l'ostel ; et len le herberja volentiers. Quant cil de laienz l'orent desarmé en une chambre, si le menèrent en une sale en haut, ou il trova la dame de laienz, qui estoit bêle et juene, mes povrement estoit vestue. Et quant ele voit Boort entrer laienz, si li cort a l'encontre et 20 dit que bien soit il venuz. Et il la salue come dame ; et ele le reçoit a grant joie et le fet aseoir delez li et li fet feste merveilleuse.' Quant il fu tens de mengier, elle fist Boort aseoir delez li, et cil de laienz aporterent granz mes de char et les mistrent sus la table. Et quant il voit ce, si pense que 25 f ja n'en menjera. Lors apele un vaslet et li dit qu'il li aport de l Teve. Et cil si fet en un hanap d'argent ; et Boort le met devant soi et fet trois soupes. Et quant la dame voit ce, si li dit : ce Sire, ne vos plest pas ceste viande que len vos a devant aportee ?» — « Dame, fet il, oïl bien. Et nepor- 30 quant je ne menjerai hui mes autre chose que vos veez. » Et ele en lesse a tant la parole, come celé qui ne li oseroit pas fere chose qui li despleust. Quant cil de laienz orent men-

LA DAME DÉSHÉRITÉE lé^

gié et les napes furent levées, il se drecierent et alerent as fenestres dou paies ; si s'asist Boorz delez la dame.

En ce qu'il parloient einsi entra laienz uns vaslez qui dist a la dame : « Dame, malement vet. Vostre suer a pris deus de vos chastiax et toz celz qui de par vos i estoient, et vos 5 mande qu'ele ne vos lera plein pié de terre, se vos demain ahorede prime n'avez trové un chevalier qui por vos se combate contre Priadan le Noir, qui ses sires est. » Quant la dame ot ceste parole, si comence a fere trop grant duel, et dit : « Ha ! Diex, por quoi m'otroiastes vos onques a tenir terre, »o quant je en dévoie estre deseritee, et sanz reson ? » Quant Boorz ot ceste novele, si demande a la dame que ce est. « Sire, fet ele, ce est la greignor merveille dou monde. » — « Dites moi, f^t il, quele, s'il vos plest. » — « Sire, fet ele volentiers. ^5

« Voirs fu que li rois Amanz, qui tint toute ceste terre en ^ sa baillie, et plus encor que ce ne monte, ama jadis une dame, moie sereur, qui est assez plus vielle que je nesui, et li bailla tout le pooir de sa terre et de ses homes. Tandis come ele fu entor lui, amena costumes mauveses et ennuieuses ou 20 il n'avoit point de droiture, mes tôt apertement tort, par quoi ele mist a mort grant partie de ses genz. Quant li rois vit qu'ele ovroit si mal, si l'enchaça de sa terre et me mist en baillie quan qu'il avoit. Mes si tost come il fu morz, ele comença guerre contre moi, dont ele m'a puis tolue grant 25 partie de ma terre et assez de mes homes tornez a sa partie. Et encor de tant com ele a en fet ne se tient ele mie a paiee, ainz dit qu'ele me deseritera dou tout. Et ele en a si he\ cortiencement que ele ne m'a lessié fors ceste tor, qui ne me remaindra pas, si je ne truis demain qui por moi se combate 3o contre Priadan le Noir, qui por sa querele deresnier en vuelt entrer en champ. »

— « Or me dites, fet il, qui cil Priadans est. » — « Ce

17Ô LÀ at)ËstË DEL s. ÔRAAL

est, fet ele, li plus redoutez champions de cest païs, et qui de greignor proesce est. » — « Et vostre bataille, fet il, doit estre demain ?» — « Voirs est, fet ele. » — « Or poez, fet il, mander a vostre suer et a cel Priadan que vos avez trové un chevalier qui por vos se combatra ; que vos devez avoir la 5 terre, puis que li rois Amanz la vos dona, et que ele n'i doit riens recovrer puis que ses sires l'en chaça. »

duant la dame entent ceste parole, si n'est mie petit liée, ainz dit por la joie qu'ele en a : « Sire, bien venissiez vos hui ceenz ! Car vos m'avez fête trop grant joie de ceste pro- 'o messe. Or vos doinst Diex force et pooir que vos ceste querele puissiez deresnier, si voirement come mes droiz i est ! Car autrement nel demant je pas. » Et il l'aseure molt, et li dit que ele n'a garde de perdre son droit tant com il soitsainz et hetiez. Et ele mande a sa suer que ses chevaliers 15 iert demain toz prez a fere quan que li chevalier del païs esgardcront qu'il en doic fere. Si ont ainsi porparlce la chose que la bataille est aterminee a l'andemain.

Celé nuit fist Boort grant joie et grant festc, et la dame li fist apareillier un lit bel et riche. Et quant il fu tens de 20 couchier et il l'orent deschaucié, si le menèrent en une chambre grant et bêle. Et quant il i fu venuz et il vit le lit que len avoit fet por lui, si les fet toz départir et aler d'iluec. Et il s'en vont tuit puis qu'il le velt. Et il estaint les cierges ^ erranmcnt, puis se couche a la terre dure et met un coffre 25 souz sa teste et fet ses proieres et ses oroisons, que Diex par sa pitié li soit en aide contre cel chevalier a qui il se doit combatre, si voirement come il le fet por droiture et por loiauté mètre avant, et por t'orçonnerie abatre.

Quant ilôt fêtes ses proieres et ses oroisons, si s'endormi. Et 3o si tost come il fu endormiz, si li fu avis que devant lui venoient dui oisel dont li uns estoit si blans come cisne et ausi granz, et cisne resambloit bien. Et li autres ert noirs a merveilles, si

VÎSIOKS DE BOËORt 171

n'ert mie de grant corsaige. Et il le resgardoit, si 11 sembloit une cornille ; mes molt ert bêle de la nerté qu'ele avoit. Li blans oisiaux venoit a lui et li disoit : « Se tu me voloies servir, je te donroie totes les richesces dou monde, et te feroie ausi biaus et ausi blans come je sui. » Et il li demandoit qui il ert. « Dont ne voiz tu, fet il, qui je sui ? Je sui si blans et si biax et puis assez plus que tu ne cuides. » Et il ne li respondoit mot a ce. Et cil s'en aloit ; et maintenant revenoit li noirs oisiax, et li disoit : « Il covient que tu me serves demain, et ne m'aies mie en despit por ce se je sui noire. Saches que mielz vaut ma nerté qu'autrui blanchor ne fait. » Lors s'em partoit d'ilec, qu'il ne veoit ne l'un ne l'autre oisel.

Après ceste avision l'en avint une autre assez merveilleuse. Car il li ert avis qu'il venoit en un ostel bel et grant, et bien resembloit une chapele. Et quant il i estoit venuz, si trovoit un home séant en une chaiere. Et avoit a senestre partie loign de lui un fust porri et vermeneus, si foible que a poines se pooit sostenir en estant ; et a destre avoit deus : flors de lys. L'une des flors se traoit près de l'autre et li voloit sa blanchor tolir. Mes li preudons les departoit, si que l'une ne touchoit a l'autre, et ne demoroit gueres que de chascune flor issoit arbres portant fruit a grant plenté. Quant ce estoit avenu, li preudons disoit a Boort : « Boorz, ne seroit il fox, qui ces flors lairoit périr por cest fust porri secorre qu'il ne chaïst a terre ?» — « Sire, fet il, oïl voir. Car il m'est avis que cest fust ne porroit riens valoir, et ces flors sont assez plus merveilleuses que je ne cuidoie. » — « Or te garde donc, fet li preudons, que se tu voiz tele aventure avenir, que tu ne lesses pas ces flors périr por le fust porri secorre. Car se trop grant ardor les sorprent, eles porront tost périr. » Et il dist qu'il seroit remembranz de ceste chose s'il venoit en leu.

Einsi H avindrent la nuit ces deus avisions qui moût le firent merveillier, car il ne pooit onques penser que ce pooit estre. Et tant li grevèrent en son dormant qu'il s'en esveilla et fist le signe de la croix en son front, et moût se comanda a Nostre Seignor ; et atendi jusqu'à tant qu'il fu jorz. Et 5 quant il fu jorz et granz et biax, il entra ou lit et l'atorna en tel manière que len ne se poïst apercevoir qu'il n'i eust geu. Lors vient a li la dame de laienz et le salue, et il respont que Diex li doint joie. Lors le moine la dame en une chapele qui laienz estoit, si oï matines et le servise dou jor. 10

duant vint un poi devant prime, il issi dou mostier et vint en la sale o grant compaignie de chevaliers et de serjanz que la dame i avoit mandez por veoir la bataille. Quant il vint ou paies, si dist la dame a Boort qu'il menjast ainz qu'il s'armast, si en seroit toutevoies plus aseur. Et il dist qu'il ne menjeroit pas 15 devant qu'il eust sa bataille menée a fin. « Dont n'i a il, font cil dou païs, fors dou prendre vos armes et d'apareillier vos. Car nos cuidons que Priadans soit ja armez ou champ ou ceste bataille doit estre. » Lors demande ses armes, et len li aporte maintenant. Et quant il est tout apareilliez si qu'il n'i 20 faut riens, il monte en son cheval et dit a la dame que ele mont et sa compaignie et le moinent ou champ ou ceste bataille doit estre. Et ele monte maintenant entre lui et ses genz et se partent de laienz ; et vont jusqu'à une praerie qui estoit en une valee, et veoient ou fonz dou val molt grant 25 gent, qui atendoient Boort et la dame por qui il se devoit combatre. Il dévalèrent le tertre ; et quant il vindrent en la place et les deus dames s'entrevirent, si vint l'une contre l'autre. Lors dist la juene dame, celé por qui Boort se combatoit : « Dame, je me plaingn de vos et a droit. Car vos 30 m'avez tolu mon héritage et mon droit que li rois Amanz me dona, ou vos ne poez riens recovrer, come celé qui deseritee en fu par la bouche le roi. » Et celé dit que onques dese-

COMBAT DE BOHORT CONTRE PRIADAN I73

ritee n'en fu, ce est ele preste del prover, se ele l'ose deffendre. Et quant ele voit que ele n'en porra eschaper autrement, si dist a Boort : « Sire, que vos semble de la querele a ceste damoisele ?» — « Il me semble, fet il, que ele vos guerroie a tort et desloiauté, et desloial sont tuit cil 5 qui l'en aident. Si en ai tant oï par vos et par autres que je sai bien qu'ele eu a le tort et vos le droit. Et se uns chevaliers veut dire que ele en ait le droit, je sui prez que je l'en face hui en cest jor recréant. » Et cil saut avant et dist que ces menaces ne prise il mie un bouton, ainz est prez qu'il deffende lo la dame. — « Et je suiz prez, fet Boort, que je por ceste dame qui ci m'a amené combate contre vos, que ele doit avoir la terre, puis que li rois l'en revesti, et l'autre dame la doit perdre par droit. »

Lors se départent li uns ça li autres la cil qui estoient en 15 la place, et vuident la place ou la bataille devoit estre ; et li dui chevalier se traient en sus et s'enlrcsloignent, puis laissent corre li uns a l'autre et s'entrefierent si durement es granz aleures des chevax que li escu percent et li hauberc rompent. Et se li glaive ne volassent en pièces, ocis se 20 fussent ambedui. Lors s'entrehurtent des cors et des escuz si durement qu'il s'entreportent a terre par desus les croupes des chevax. Et il serelievent assez tost, come cil qui estoient degrant proesce ; et metent les escuz sus les testes et traien^ les espees, et s'entredonent granz coux la ou il se cuident 25 empoirier. Si se despiecent les escuz amont et aval et en font voler a la terre granz corpiax et se desrompent les haubers sus les braz et sus les hanches, et se font plaies parfondes et granz, et se traient les sans des cors as espees cleres et trenchanz. Si troeve Boort assez greignor deifense ou chevalier qu'il ne 3o cuidoit ; et neporec il set bien qu'il est en droite querele et \ en loial, et ce est une chose qui molt le fet seur. Et sueffre que li chevaliers fiere sus lui menu et sovent, et il se cuevre

et le lesse travaillier par lui meismes. Et quant il a grant pièce' sotfertetil voitque li chevaliers est venuz en la grosse alaine, lors li cort sus ausi vistes et ausi fres com s'il n'i eust onques cop féru. Si li doue granz cox de l'espee et le moine tant en poi d'ore que cil n'a pooir de soi deffendre, tant a cox receuz et del sanc qu'il a perdu. Et quant Boorz le voit einsi lassé, si li cort sus plus et plus, et cil vet tant guenchissant ça et la qu'il chiet a terre tôt envers. Et Boors l'aert au hiaume et le tire si fort qu'il li errache de la teste et le giete en voie, et le fiert dou pont de l'espee sus le chief, si qu'il en fet le sanc saillir et les mailes dou hauberc entrer dedenz ; et dist qu'il l'ocierra s'il ne se tient por outré, et fet semblant qu'il li voille la teste couper. Et cil voit le branc drecié sor son chief, si a poor de morir, et por ce crie merci et dit : « Ha ! frans chevaliers, por Dieu aies de moi merci et ne m'ocimie ! P]t 15 je te créant que ja mes ne guerroierai la juene dame tant corne je vive, ainz me tendrai toz coiz. » Et Boort le lesse maintenant. Et quant la viele dame voit que ses chevaliers est vaincuz, si s'enfuit de la place si tost come ele puet, come celé qui cuide estre honie. Et Boort vient maintenant a toz 20 cels de la place qui terre tenoient de lui et dist qu'il les destruira s'il ne la voelent déguerpir. Si i ot assez des homes qui firent homage a la juene dame. Et cil qui ne li voldrent fere furent ocis et deserité et chacié de la terre. Si avint einsi par la proesce Boort que la dame revint en la hautesce ou li rois 25 Tavoit mise. Et neporec de tant com ele pot la guerroia l'autre puis toz les jorz de sa vie, come celé qui toz jorz avoit envie sus li.

Quant ce fu chose que li pais fu acoisiez, en tel manière que li anemi a la juene dame n'osèrent les testes lever, Boort 30 s'em parti et chevaucha parmi la forest, pensant a ce qu'il avoit veu en dormant: car moût desirroitqueDiex lemenast en tel leu ou il en peust oïr la senefiance. Le premier soir