BOHORT APPELÉ DE DEUX COTÉS
jut chiés une veve dame, qui moltbien le herberja et molt tu liée de sa venue et joiant quand ele le conut.
A l'andemain, si tost corne li jorz aparut, ee parti de laienz et se mist ou grant chemin de la forest. Et quant il ot erré jusqu'au midi, si li avint une aventure mer^ eilleuse. Car il encontra, en travers de deus chemins, deus chevaliers qui menoient Lyonel son frère tout nu en braies sus un roncin grant et fort, les mains liées devant le piz, et tenoit chasçuns plein son poign d'espines poignanz, dont il l'aloient bâtant si durement que li sans li sailloit déplus de cent parz contreval le dos, si qu'il en ert sanglanz devant et derrières. Et il ne disoit onques mot, come cil qui estoit de grant cuer, ainz sofFroit tout ce qu'il li fesoient si com s'il n'en sentist riens. En ce qu'il le voloit aler rescorre, Boort resgarde d'autre part et voit un chevalier armé qui emportoit a force une bêle damoisele, et la voloit mètre ou plus espésde la forest, por estreplus desconeue a cels qui la querroient, se nus venoit après lui por lui rescorre. Et celé, qui n'ert mie seure, crioit a haute voiz : Vj<i Sainte Marie, secorez vostre pucele ! » Et quant ele voit Boort chevauchier toz seus, si pense que ce soit des chevaliers erranz de la Queste. Lors se torne celé part et li crie quan que ele puet : « Ha ! chevalier, je te conjur sus la foi que tu doiz a Celui cui hom lige tu es et en qui servise tu t'es mis, que tu m'aides et ne me lesses honir a cest chevalier qui a force m'emporte ! »
Quant Boors entent celé qui einsi le conjure de Celui cui liges hoqs il est, si est si angoisseux qu'il ne set qu'il doie fere ; car se il son frère en lesse mener a celz qui le tienent, il nel cuide ja mes veoir sain ne haitié ; et s'il ne secort ceste pucele, ele iert maintenant honie et despucelee, et einsi recevra honte par la defaute de lui. Lors drecé les eulz vers le ciel et dist tôt em plorant : « Biax douz pères Jhesucriz, cui hons liges je sui, garde moi mon frère en tel manière que
lyé LA QUESTE DEL S. GRAAL
cil chevalier ne l'ocient. Et je por pitié de vos et por miséricorde secorrai ceste pucele d'estre honie : car il me semble que cil chevaliers la voille despuceler. » Lors s'adrece celé part ou li chevaliers emporte la damoisele et broche le cheval si que il li fet le sanc saillir d'ambedeus les costez. Et quant il l'aproche, si h escrie : « Sire chevaliers, lessiez la damoisele ou vos estes morz ! » Quant cil ot ceste parole, si met jus la damoisele ; et il estoit armez de toutes armes fors de glaive ; si embrace Tescu et tret l'espee et s'adrece vers Boort. Et cil le fiert si durement que par mi l'escu et par mi le hauberc li met le glaive. Et cil se pasme de l'angoisse qu'il sent. Et Boort vient a la damoisele, si li dist : « Damoisele, il me semble que vos estes délivre de cest chevalier. Que vos plest que je face plus ?» — « Sire, fet ele, puis que vos m'avez garantie de perdre honor et d'estre honie, je vos pri que vos me menez la ou cist chevaliers me prist. » Et il dist que si fera il volentiers. Lors prent le cheval au chevalier navré, si i monte la pucele et l'enmeine einsi come ele devise. Et quant ele est esloigniee, ele li dist : « Sire chevaliers, vos avez mielz esploitié que vos ne cuidiez de ce que vos m'avez resquesse. Car se il m'eust despucelee, cinq cenz homes en moreussent encore qui en seront sauvé. » Et il demande qui li chevaliers est. — « Certes, fet ele, ce est uns miens cousins germains, que je ne sai par quel engin de deable li anemis l'avoit eschaufé a ce qu'il me prist celeement chiés mon père, et m'en aporta en ceste forest por moi despuceler. Et s'il l'eust fet, il fustmors del pechié et honiz dou cors, et moi desennoree a toz jorz mes. » Endementres qu'il parloient einsi, si voient venir jusq'a douze chevaliers armez qui queroient la damoisele par la forest. Et quant il la voient, si li font si grant joie que ce est merveilles. Et ele lor prie qu'il facent feste au chevalier et le retiengnent avec ax, car ele fust honie se Diex et ses cors né fust. Il le prennent au frain et
