RENCONTRE DE BOHORT ET DU FAUX RELIGIEUX I
li dient : « Sire, vos en vendroiz o nos, car einsi le covient a fere. Et nos vos prions que vos i vigniez, car tant nos avez servi que a peines le vos porrions guerredoner. » — « Biau seignor, fetil, je n'iroie en nule manière : car tant ai a fere aillors que je ne porroie demorer. Si vos pri qu'il ne vos en 5 poist ; car bien sachiez que volentiers i alasse, mes li besoinz i est si granz endroit moi, et la perte si doleureuse se je remanoie, que nus fors Diex nel porroit restorer. » Quand cil oient que li essoignes i est si granz, si ne l'en osent plus efforcier ; si le comandent a Dieu ; et la damoisele li prie lo molt doucement por Dieu qu'il la viegne veoir si tost come il en avra le loisir, et li devise en quel leu il la trovera. Etildist que se aventure le menoit celé part, il li souvendroit de ceste chose. Si se part a tant d'els et cil en meinent la pucele a sauveté. 15
Et Boors chevauche celé part ou il ot veu Lyonel son frère. Et quant il vint a cel leu meismes ou il avoit veu Lyonel torner, si resgarde amont et aval si loign come la forest li sueffre veoir. Si escoute et oreille por savoir se il porroit oïr riens. Et quant il n'ot chose par quoi il puisse 20 avoir nule espérance de son frère, il se met ou chemin qu'il lor vit torner. Et quant il a grant pièce aie, siateint un home^ vestu de robe de religion, et chevauchoit un cheval plus noir > que meure. Quant cil ot que Boortvenoit après lui, si l'apele et li dist : « Chevaliers, que querez vos ?» — « Sire, fet 25 Boort, je quier un mien frère que je vi ores mener bâtant a deus chevaliers. » — « Ha ! Boorz, fet il, se je ne cuidoie que vos vos desconfortissiez trop, et que vos n'en chaïssiez en désespérance, je vos en diroie ce que j'en sai, et le vos mostreroie as eulz. » 30
Quant Boort entend ceste parole, si pense tantost que li dui chevalier l'aient ocis. Lors comence a fere trop grant duel, et quant il puet parler, si dit : « Ha ! sire, s'il est morz,
s. GRAAL. 12
si m'en mostrez le cors, si le feré enterrer et fere tele honor corne l'en doit fere a filz de roi : car certes il fu filz de preudome et de preudefame. » — « Or resgarde, fet li lions, si le verras. » Et il se resgarde ; si voit un cors gésir a terre toz
r estenduz et sanglanz, novelement ocis. Il le resgarde et 5 conoist, ce li est avis, que ce est son frère. Lors a si grant duel qu'il ne se puet tenir en estant, ainz chiet a terre touz pasmez et gist grant pièce en pasmoison. Et quant il se relieve, si dist : « Ha ! biau sire, qui vos a ce fet ? Certes or n'avré je ja mais joie, se Cil qui es tribulations et es angoisses 10 vient visiter les pecheors ne me conforte. Et puis qu'il est einsi, biax douz frères, que la compaignie de nos deus est départie, Cil que j'ai pris a compaignon et a mcstre me soit conduisierres et sauverres en toz perilz. Car des or mes n'ai ge a penser fors de m'ame, puis que vos estes trespassez de 15 vie. »
Quant il a ce dit, il prent le cors et le lieve en la sele corne cil qui riens ne li poise, ce li est avis, et puis dist a celui qui ilec estoit : « Sire, por Dieu dites moi s'il a ci près ne mostier ne chapele ou je puisse cest chevalier enterrer. » 20 — « Oïl, fet cil. Ci près a une chapele devant une tor ou il porra bien estreenfoïz. »• — « Sire, por Dieu, fet Boorz, car m'i menez. » — « Je vos i menré volentiers, fet cil. Venez après moi. » Et Boorz saut sus la croupe de son cheval et porte devant lui, ce li est avis, le cors de son frère. Si ne sont 25 gueres aie quant il voient devant els une tor fort et haute, et devant avoit une meson viez et gaste en semblance de cha-
' pelé. Il descendent devant l'uis a l'entrée et entrent dedenz et metent le cors sus une grant tombe de marbre qui ert en mi la meson. Boorz quiert amont et aval, mes il ne voit ne eve ^o beneoite ne croiz ne nule veraie enseigne de Jhesucrist. « Or le lessons ci, fet li hons, et alons herbergier en celé tor jusquesa demain, que je revendrai por fere le servise de vos-
