INTERPRETATION DIABOLIQUE

tre frère. » — « Cornent, sire, fet Boorz, estes vos dont prestres ? » — « Oïl, fet cil. » — « Dont vos requier je, fct Boorz, que vos me dioiz la vérité de mon songe qui m'avint anuit en mon dormant, et d'autre chose dont je sui en doute. » — « Dites, fet cil. » Et il li conte maintenant de l'oi- 5 sel qu'il avoit veu en la forest. Après li dist des oisiax, dont li uns ert blans et li autres noirs, et del fust porri et des flors blanches. — « Ge t'en dirai, fet cil, orendroit une partie et demain l'autre.

« Li oisiax qui venoit a toi en guise de cisne senefie une 10 damoisele qui t'amera par amors et t'a amé longuement, et te vendra proier prochainement que tu soies ses amis et ses acointes. Et ce que tu ne li voloies otroier senefie que tu l'en escondiras, et ele s'en ira maintenant et morra de duel s'il ne t'en prent pitié. Li noirs oisiax senefie ton grant 15 pechié qui la te fera escondire. Car por crieme de Dieu ne por bonté que tu aies en toi ne l'escondiras tu pas, ainz le feras por ce que Icn te tiegne a chaste, por conquierre la loenge et la vaine gloire dcl monde. Si vendra si grant mal de cette chasteé que Lancelot, tes cosins, en morra, car li parent 20 a la damoisele l'ocirront, et ele morra del duel que ele avra de l'escondit. Et por ce porra len bien dire que tu es homicides de Tune et de l'autre, ausi com tu as esté de ton frère, qui le poisses avoir resqueus aiseement se tu vousisses, quant tu le lessas et alas secorre la piicele qui ne t'aparte- 25 noit. Or resgarde ou il a greignor domage, ou en ce que ele fust despucelee, ou en ce que tes frères, qui est un des bons chevaliers dou monde, fust ocis. Certes mielz fust que toutes les puceles dou monde fussent despucelees que il fust ocis. »

Quant Boort ot que cil en qui il cuidoit si grant bonté de .-o vie le blasme de ce qu'il avoit fet de la pucele, si ne set que dire. Et cil li demande : « As tu oie la senefiance de ton "^ songe ?» — « Sire, oïl, fet Boors. » — a Or est en toi, ^

l80 LA QUESTE DEL S. GRAAL

fet il, de Lancelot ton cousin. Car se tu veuz tu le porras secorre de mort, et se tu veuz tu le porras ocirre. Or est en toi, li quiex que tu voldras en avendra. » — « Certes, fet Boort, il n'est riens que je plus tost ne feisse que monseignor Lancelot ocirre. » — « Ce verra len par tens, » fet 5

Lors le meine en la tor. Et quant il entre laienz, si troeve chevaliers et dames et puceles qui tuit li dient : « Boort, bien viegniez ! » 3i l'en meinent en la sale et le desarment. Et quant il est en pur cors, si li aportent un riche mantel 10 forré d'ermine et li metent au col, et l'asieent en un blanc lit et le confortent tuit et l'esmoevent a fere joie, tant qu'il li font oublier partie de sa dolor. En ce qu'il entendoient a lui reconforter, a tant es vos une damoisele si bêle et avenant qu'il paroit en li avoir toute biauté terriane ; et fu si riche- 15 ment vestue com s'ele eust a chois esté de toutes les bêles robes dou monde. « Sire, fet uns chevaliers, vez ci la dame a qui nos somes, la plus bêle dame et la plus riche dou monde, et celé qui plus vos a amé. Ele vos a atendu lonc tens, come celé qui ne volpit avoir a ami nul chevalier, se 20 vos non. » Et quant il entent ceste parole, si est toz esbahiz. Quant il la voit venir, si la salue ; et ele li rent son salu et s'asiet de joste lui, et parolent entr'aux de maintes choses, et tant que ele li requiert qu'il soit ses amis, car ele l'aime sor toz homes terriens ; et s'il li velt otroier s'amor, 25 ele le fera plus riche home que onques hom de son lignage ne fu.

duant Boort ot ceste novele, si est molt a malaiese, come cil qui en nule manière ne voldroit enfraindre sa chasteé : si ne set que respondre. Et ele lidist : « Que est ce, Boort? Ne 30 ferez vos mie ce que je vos pri ?» — « Dame, fet il, n'a si riche dame ou monde cui volenté je feisse de ceste chose. N^ Ne len nel me devroit mie requierre en cest point ou je sui

TENTATION DE BOHORT l8l

ore : car mes frères gist laienz morz, qui a hui esté ocis ne sâi par quel manière. ;) — « Ha ! Boort, fet ele, ace ne resgardez pas ! Il covient que vos façoiz ce que je vos requier. Et saichiez, se je ne vos amasse plus que onques famé n'ama home, je ne vos en requeisse pas : car ce n'est mie costume ne manière que famé prit avant home, encore l'aimt ele bien. Mes la grant baance que j'ai toz jorz eue a vos meine mon cuer a ce et efforce qu'il covient que je die ce que j'ai toz jorz celé. Por ce vos pri, biau douz amis, que vos façoiz ce que je vos requier, ce est que vos gisiez en ceste nuit o moi. » Et il dit que ce ne feroit il en nule manière. Et quant ele ot ce, si fet si grant semblant de dolor qu'il li est avis qu'ele pleurt et face trop grant duel ; mes tout ce ne li vaut riens.

Quant ele voit que ele nel porra vaincre en nule manière, si li dist : « Boort, a ce m'avez menée que par cest escondit morré orendroit devant vos. » Lors le prentpar la main et le meine a l'uis dou palais et li dit : « Tenez vos ci, si verroiz coment je morrai por amor de vos. » — « Par foi, fet il, je nel verrai ja. » Et ele comande a cels de laienz qu'il le tiegnent. Et il dient que si feront il. Et ele monte maintenant en haut desus les creniax et meine o li douze damoiseles. Et quant eles i sont montées, si dist l'une, non pas la dame : « Ha ! Boorz, aiez merci de nos toutes, otroiez a ma dame sa volenté ! Certes, se tu nel velz fere, nos nos lairons orendroit toutes chaoir de ceste tor ainz que nostre dame, car sa mort ne verrions nos en nule manière. Certes, se tu por si pou de chose nos lesses morir, onques chevaliers ne fist si grant desloiauté. » Et il les esgarde et cuide veraiement que ce soient gentilx famés et hautes dames ; si l'em prent grant pitié. Et neporquant il n'est pas conseilliez qu'il ne vueille mielz qu'eles toutes perdent lor âmes que il seuls perdist la soe : si lor dit qu'il n'en fera riens, ne por lor mort ne por lor

Io^

l82 LA aUESTE DEL S. GRAAL

vie. Et eles se laissent maintenant chaoir de la halte tor a terre. Et quant il voit ce, si est toz esbahiz : si hauce sa main et se seigne. Maintenant ot entor lui si grant noise et si grant cri qu'il li est avis que tuit li anemi d'enfer soient entor lui : et sanz faille il en i avoit plusors. Il resgarde s entor lui, mes il ne voit ne la tor ne la dame qui le requeroit d'amors, ne riens qu'il eust devant veu, fors solement ses armes qu'il avoit la aportees et la meson ou il cuidoit avoir lessié son frère mort.

Quant il voit ce, si aperçoit maintenant que ce ert anemis lo qui cest aguet li avoit basti, qui le voloit mener a destruction de cors et a perdiciond'ame ; mes par la vertu Nostre Seignor s'en estoit eschapez. Lors tent s'es mains vers le ciel et dit : « Biau pères Jhesucrist, beneoiz soies tu qui m'as doné force etpooir de moi combatre a l'anemi, et m'as otroic la 15 victoire de ceste bataille. » Lors vet la ou il cuidoit avoir lessié son frère mort, si ne troeve riens. Lors est plus aeise que devant, car il cuide bien qu'il ne soit mie morz et que ce ait esté fantosme que il ait veu. Si vient a ses armes, si les prent et s'arme et monte, et se part de la place ou il ne demorra plus, si come il dit, por l'anemi qui i repère.

Quant il a une pièce chevauchié, si escoute et ot une cloche soner a senestre. Et il est molt liez de ceste chose ; si torne celé part etnedcmorc gueres qu'il voit uncabaie close de bons murs, et estoit do blans moines. Et il vient a la 25 porte et hurte tant que len li oevre. Et quant il le voient armé, si pensent erranment qu'il soit des compaignons de la Queste. Il le descendent et le meinent en une chambre por desarmer, et li font tôt le bien qu'il pucent. Et il dit a un preudome qu'il cuidoit bien qu'il fustprestres : « Sire, por 30 Dieu, menez moi a celui des frères de ceenz qui plus est a vostre escient preudons. Car hui m'est avenue une trop merveilleuse aventure, dont je voldroie estre conseilliez 3

ftOHORT A lVbBAVË CISTERCIEKKË 1^3

Dieuetalui. » — « Sire chevaliers, fet il, vos iroiz par nostre conseil a danz abé : car ce est li plus preudons de ceenz et de clergie et de bone vie. » — « Sire, fet Boorz, por Dieu menez m'i. » Et cil dit que si fera il volentiers. Lors le meine en une chapele ou li preudons estoit, et quant il li a 5 mostré, si s'en retorne ; et Boort vient avant, si le salue. Et cil li encline, si li demande qui il est, et Boorz dit qu'il est uns chevaliers erranz. Lors li conte ce qui le jor li estoit avenu. Et quant il li a tout conté, si li dist li preudons :

« Sire chevaliers, je ne sai qui vos estes, mes par mon '« chief je ne cuidaisse mie que chevaliers de vostre aage fust si forz en la grâce Nostre Seignor corne vos estes. Vos m'avez dit de vostre afere, dont je ne vos porroie hui mes conseillier a ma volenté, car trop est tart. Mes vos iroiz resposer hui mes, et le matin vos conseillerai au mielz que je porrai. » ,-

Boort s'em part et comande le preudome a Dieu ; et cil .remaint, qui assez pense a ce qu'il li ot dit, et comande au frère qu'il soit serviz bien et richement, car assez est plus preudons que len ne cuide. Celé nuit fu Boorz plus richement serviz et aiesiez qu'il ne vousist, et li apareilla len char ^^ et poisson. Mes il n'en menja onques, ainz prist pain et evc et menja tant com mestier li fu, rie d'autre chose ne gousta, come cil qui en nule manière ne vousist avoir enfrainte la penitance qui li avoit esté enchargiee, ne en lit ne en autre chose. Au matin, si tost come il ot 01 matines et 25 messe, li abes, qui ne l'avoit pas oublié, vint a lui et li dist que bon jor li donast Diex. Et Boort li redist autel. Lors le tret a une part loign des autres devant un autel, et li preudons li dist qu'il li cont ce qui li estoit avenu en la Queste del Saint Graal. Et il li conte mot a mot ce qu'il ot oï et veu ^o en dormant et en veillant, et li prie qu'il li die la senefiance ^ de toutes ces choses. Et cil pense un poi et dit qu'il li dira volentiers j et il comence a dire :

184 LA aUESTE DEL S. GRAAL

« Boort, quant vos eustes receu le Haut Mestre, le Haut Compaing, ce est a dire quant vos eustes receu corpus Doniini, vos vos meistes a la voie por savoir se Nostre Sires vos donast trover la haute trouveure qui avendra as chevaliers Jhesucrist, as verais preudomes de ceste Queste. Vos n'eustes 5 gaires aie quant Nostre Sires vos vint devant en guise d'oisel, et vos mostra la dolor et l'angoisse qu'il soufri por nos. Et si vos dirai cornent vos le veistes. Quant li oisiax vint a l'arbre sanz fueille et sanz fruit, il comença a resgarder ses oisiaus et vit qu'il n'en i avoit nul vif. Maintenant se 10 mist entr'aus et se comença a ferir en mi le piz de son bec, tant que li sanz en sailli fors ; et morut ilec, et de cel sanc reçurent vie li poucin, ce veistes vos. Or vos en dirai la senefiance.

« Li oisiax senefie nostre Creator, qui forma a sa semblancc 15 home. Et quant il fu boutez de paradis fors par son meffet, il vint en terre ou il trova la mort, car de vie n'i avoit point. Li arbres sanz foille et sanz fruit senefie apertement le monde, ou il n'avoit alors se maie aventure non etpovreté et soufreté. Li poucin senefient l'umain lignage, qui alors 20 ert si perduz qu'il aloient tuit en enfer, ausi li bon come li mauves, et estoient tuit égal en mérite. Quant li filz Dieu vit ce, si monta en l'arbre, ce fu en la Croiz, et fu ilec feruz del bec dou glaive, ce est de la pointe, ou costé destre, tant que li sanz en issi. Et de celui sanc reçurent vie li poucin, 25 cil qui ses oevres avoient fêtes : car il les osta d'enfer, ou toute morz estoit et estencor sanz point de vie. Ceste bonté que Diex fist au monde, a moi et a vos et as autres pecheors, vos vint il mostrer en semblance d'oisel, por ce que vos ne doutissiez pas a morir por lui, ne plus qu'il fist por vos. 3o

« Puis vos amena chiés la dame a qui li rois Amanz avoit bailliee sa terre a garder. Par le roi Amant doiz tu entendre Jhesucrist, qui est li rois ou monde qui plus ama, et plus

INTERPRÉTATION DE l'aBBÉ 185

pot len troveren lui douçor et pitié que len ne feist en home terrien. Si la guerreoit l'autre de quan que ele pooit, celé qui de la terre avoit esté chaciee. Vos feistes la bataille et la vainquistes : or vos dirai que ce senelie.

« Nostre Sires vos avoit mostré qu'il avoit son sanc res- 5 pandu por vos ; et vos tantost empreistes une bataille por lui. Por lui fu ce bien quant vos por la dame l'empreistes : car par li entendons nos Sainte Eglyse, qui tient sainte crestienté en droite foi et en droite créance, qui est la terre et le droit héritage Jhesucrist. Par l'autre dame, qui deseritee 10 en avoit esté et qui la guerreoit, entendons nos la Vielle Loi, li anemis qui toz dis guerroie Sainte Eglyse et les suens. Quant la juene dame vos ot contée la raison que l'autre dame avoit de guerroier la, vos empreistes la bataille si come vos deustes; car vos estiez chevaliers Jhesucrist, 15 por quoi vos estiez a droit tenuz de deffendre Sainte Eglyse. La nuit vos vint veoir Sainte Eglyse en semblance de famé triste et corrociee et que len deseritoit a tort. Ele ne vos vint pas veoir en robe de joie ne de feste, ainz i vint en robe de corroz, ce est en robe noire. Ele vos aparut triste et noire 20 por le corroz meismes que si fil li font, ce sont li crestien pecheor, qui li deussent estre fil, et il li sont fillastre ; et la deussent garder come mère, mes non font, ainz la corroucent de jorz et de nuiz. Et por ce vos vint ele veoir en semblance de famé triste et corrouciee, qu'il vos en preist greignor 25 pitié.

« Par le noir oisel qui vos vint veoir doit len entendre Sainte Eglyse, qui dist : « Je suis noire mes je suis bêle : \ « sachiez que mielz valt ma nerté que autrui blancheur ne « fet. » Par le blanc oisel qui avoit semblance de cisne doit 30 len entendre l'anemi, et si vos dirai coment. Li cisnes est blans par defors et noirs par dedenz, ce est li ypocrites, qui est jaunes et pales, et semble bien, a ce qui defors en

l86 LÀ àtTËStË DËL S. GkÂAL

apert, que ce soit des serjanz Jhesucrist ; mes il est par dedenz si noirs et si horribles d'ordures et de péchiez qu'il engigne trop malement le monde. Li oisiaus vint devant toi en dormant et ausi fist il en veillant, et sez tu ou ce fu ? Quant li anemis t'aparut en semblance d'orne de religion, qui te dist que tu avoies lessié ton trere ocirre. De ce te menti il, car tes frères n*est pas ociz, ainz est encor toz vis. Mes il le te dist por ce qu'il te vouloit fere entendre folie et mener a désespérance et a luxure. Et einsi l'eust il mis en pechié mortel, par quoi tu eusses failli as aventures dou « Saint Graal. Einsi t'ai ore devisé qui fu li blans oisiax et qui li noirs, et qui fu la dame por qui tu empreis la bataille et contre qui ce fu.

ce Or covient que je te devise la senefiance del fustporriet des flor§.,Li fuz sanz force et sanz vertu senefie Lyoniax, tes 15 "frères, /qui n'a;^en soi nule vertu de Nostre Seignor qui en estant le tiegne. La porreture senefie la grant plenté de péchiez mortiex qu'il a en soi amoncelez et acrcuz de jor en jor, por , quoi len le doit apeler fust porri et vermeneus. Par les deus flors qui estoient a destre sont senefie dui vierge ; si en 20 est li uns li chevaliers que vos navrastes ier, et l'autre la puccle que vos resqueusistcs. L'une des flors se traoit près de l'autre, ce fu li chevaliers qui la damoisele vouloit avoir a force et la vouloit despuceler et tolir li sa blancheur. Mes li preudons les departoit, qui est a dire que Nostre Sires ne 25 voloit pas que sa blancheur fust einsi perdue, ainz vos i amena, si que vos les departistes et sauvastes a chascun sa blancheur. Il vos disoit : « Boort, bien seroit fox qui ces flors « lairoit périr por cest fust porri secorre. Garde que se tu « voiz tele 'aventure, que tu ne lesses mie les flors périr por 30 « le fust porri secorre. » Ce te comanda il et tu le feis ; dont il te set merveilleux gré. Car vos veistes vostre frère que li dui chevalier en menoient, et veistes la damoisele

îkTeîiprétation de l*abbé 1B7-'

que li chevaliers en menoit. Ele vos pria si doucement que vos fustes par pitié conquis, et meistes arrière dos toute naturel amor por amor de Jhesucrist : si alastes la pucele secorre et lessastes vostre frère mener en péril. Mes Cil en qui servise vos estiez mis i tu en leu de vos, et en avint si 5 biau miracle, por l'amor que vos mostrastes au roi des ciex, que maintenant chaïrent mort li chevalier qui vostre frère en menoient ; et il se deslia et prist les armes a l'un d'els et monta en un cheval et se remist en la Queste après les autres ; et de ceste aventure savroiz vos vérité assez prochai- lo nement.

« Ce que tu veoies que des flors issoit fueilles et fruit, senefie que dou chevalier istra encore lignage grant dont il i avrade preudomes et de verais chevaliers, que len doit bien tenir a fruit ; et ausi istra de la damoisele. Et s'il fust einsi 15. avenu que ele en si ort pechié eust perdu son pucelage, Nostre Sires en fust corrociez a ce qu'il fussent andui dampné par mort soubite ; et einsi fussent perdu et en cors et en ame. Et ce rescousistes vos ; por quoi len vos doit tenir a serjant Jhesucrist bon et loial. Et si m'ait Diex, se vos 2p fussiez terriens, ja si haute aventure ne vos fust avenue que vos delivrissiez les crestiens Nostre Seignor, le cors de peine terriane et l'ame des dolors d'enfer. Or vos ai devisees les senefiances des aventures qui vos sont avenues en la Queste dou Saint Graal. » 25

— « Sire, fet Boors, vos dites voir. Vos les m'avez si bien devisees que j'en serai meillor toz les jorz de ma vie. » — « Or vos pri je, fet li preudons, que vos priez por moi, car, si m'ait Diex, je cuit qu'il vos orroit plus legierement qu'il ne feroit moi. » Et il se test, com cil qui est toz honteus de ce 3o que li abes le tient a preudome.

Quant il orent grant pièce parlé ensemble, Boort se parti de laiçnz et comanda l'abé a Dieu. Quant il se fu armez, il

l86 LÀ OtTÈStË DÈL S. GkÂAL

apert, que ce soit des serjanz Jhesucrist ; mes il est par dedenz si noirs et si horribles d'ordures et de péchiez qu'il engigne trop malement le monde. Li oisiaus vint devant toi en dormant et ausi fist il en veillant, et sez tu ou ce fu ? Quant li anemis t'aparut en semblance d'orne de religion, qui te dist que tu avoies lessié ton tVere ocirre. De ce te menti il, car tes frères n'est pas ociz, ainz est encor toz vis. Mes il le te dist por ce qu'il te vouloit fere entendre folie et mener a désespérance et a luxure. Et einsi l'eust il mis en pechié mortel, par quoi tu eusses failli as aventures dou ««1^ Saint Graal. Einsi t'ai ore devisé qui fu li blans oisiax et qui li noirs, et qui fu la dame por qui tu empreis la bataille et contre qui ce fu.

« Or covient que je te devise la senefiance del fustporriet des flor§.,;Li fuz sanz force et sanz vertu senefie Lyoniax, tes '5 frères, /qui n'a-iCn soi nule vertu de Nostre Seignor qui en estant le tiegne. La porreture senefie la grant plenté de péchiez mortiex qu'il a en soi amoncelez et acreuz de jor en jor, por , quoi len le doit apeler fust porri et vermencus. Par les deus flors qui estoient a destre sont senefie dui vierge ; si en 20 est li uns li chevaliers que vos navrastes ier, et l'autre la pucele que vos resqueusistes. L'une des flors se traoit près de l'autre, ce fu li chevaliers qui la damoisele vouloit avoir a force et la vouloit despuceler et tolir li sa blancheur. Mes li prcudons les departoit, qui est a dire que Nostre Sires ne 25 voloit pas que sa blancheur fust einsi perdue, ainz vos i amena, si que vos les departistes et sau vastes a chascun sa blancheur. Il vos disoit : « Boort, bien seroit fox qui ces flors cf lairoit périr por cest fust porri secorre. Garde que se tu « voiz tele aventure, que tu ne lesses mie les flors périr por 30 « le fust porri secorre. » Ce te comanda il et tu le feis ; dont il te set merveilleux gré. Car vos veistes vostre frère que li dui chevalier en menoient, et veistes la damoisele

îkterprétation de l'abbé 1^7^

« Ce que tu veoies que des flors issoit fueilles et fruit, senefie que dou chevalier istra encore lignage grant dont il i avrade preudomes et de verais chevaliers, que len doit bien tenir a fruit ; et ausi istra de la damoisele. Et s'il fust einsi 15. avenu que ele en si ort pechié eust perdu son pucelage, Nostre Sires en fust corrodez a ce qu'il fussent andui dampné par mort soubite ; et einsi fussent perdu et en cors et en ame. Et ce rescousistes vos ; por quoi len vos doit tenir a serjant Jhesucrist bon et loial. Et si m'ait Diex, se vos 20 fussiez terriens, ja si haute aventure ne vos fust avenue que vos delivrissiez les crestiens Nostre Seignor, le cors de peine terriane et l'ame des dolors d'enfer. Or vos ai devisees les senefiances des aventures qui vos sont avenues en la Queste dou Saint Graal. » 25

Quant il orent grant pièce parlé ensemble, Boort se parti de laiçnz et comanda l'abé a Dieu. Quant il se fu armez, il

se mist en son chemin et chevaucha jusqu'au soir, qu'il jut chiés une veve dame qui moût bien le herbergea. Au matin se met a la voie ; et chevaucha jusqu'à un chastel que len apeloit Tubele, et seoit en une valee. Quant il vint près dou chastel, si encontra un vaslet qui aloit grant erre vers une forest. Et il li vient a l'encontre et li demande s'il set nules noveles. « Oïl, fet li vaslez, demain devant cest chastel avra un tornoiement trop merveilleus. » — « De quel gent ? » fet Boort. — « Del conte des Plains, fet il, et de la veve dame de laienz. » Quant Boort ot cest novele, si pense que il demorra : car il ne sera mie qu'il n'i voie aucun des compaignons de la Queste. car tiex i porroit venir qui li diroit \ noveles de son frère, ou par aventure -ses frères meismes i sera, s'il est près d'iluec et il ait santé. Lors torne vers un hermitage qui estoit a l'entrée d'une forest. Et quant il est la venuz, si troeve Lyonel son frère qui seoit toz desarmez a l'entrée de la chapele, et s'ert ilueques herbergiez por estre l'endemain au tornoiement qui en celé praerie devoit estre feruz. Quant il voit son frère, si a si grant joie que nus nel porroit deviser. Lors saut dou cheval a terre et li dist : « Biau frère,- quant venistes vos ci ? » Quant Lyonel entent ceste parole, si le conoist et si ne se remue onques, ainz li dist: (( Boort, Boort, il ne défailli mie avant ier en vos que je ne fui ocis, quant li dui chevalier me menoient bâtant et vos me lessastes aler, que onques ne m'aidastes, ainz alastes aidier a la damoisele qui li chevaliers emportoit, et me lessastes en péril de mort. Onques mes frères ne fist si grant desloiauté, et por celui meffet ne vos aseur je fors de la mort : car bien avez mort deservie. Or si vos gardez de moi ; car bien sachiez que vos ne poez de moi atendre se la mort non, en quel leu que je vos truisse, si tost come je serai armez. »

Quant Boort entent ceste parole, si est trop dolenz que

RENCONTRE DE BOHORT AVEC LYONEL 189

ses frères est corrociez a lui. Lors se met devant lui a genouz a terre et li crie merci a jointes mains, et li prie por Dieu qu'il li pardoint. Et il dit que ce ne puet estre, ainz l'ocirra, se Diex li ait, s'il en puet venir au deseure. Et por ce qu'il nel veut plus escouter, s'en entre en la meson a l'ermite ou il avoit ses armes mises, si les prent et s'arme vistement. Et quant il s'est armez, si vient a son cheval et monte et dit a Boort : « Gardez vos de moi ! Car se Diex m'ait, se je puis venir au desus de vos, je n'en feré autre chose que len doit fere de félon et de desloial. Car certes vos estes li plus félons et li plus desloiax qui onques issist d'ausi preudome come li rois Boorz fu, qui engendra moi et vos. Or montez sus vostre cheval, si en seroiz plus avenanment, tt se vos ne le fêtes, je vos ocierrai einsi a pié come vos estes ; si en sera la honte moie et li domages vostres, 15 mes de celé honte ne me chaut, car mielz en voil je un poi. avoir et estre blasmez de maintes genz, que vos n'en soiez honiz einsi com vos devez. »

Qiaant Boorz voit qu'il est a ce menez que combatre li covient, si ne set que fere : car de combatre a li ne seroit il 20 conseilliez en nule manière. Et toutevoies, por ce qu'il soit plus aseur, montera il sus son cheval : mes encor l'essaiera une foiz por savoir se ja porroit trover merci. Lors s'agenoille a terre devant les piez au cheval son frère et plore tendrement et dist : « Por Dieu, biax frères, aiez de moi 25 merci ! Pardonez moi cest meffet et ne m'ociez mie ; mes aiez en remembrance la grant amor qui doit estre entre moi et vos ! »

De quan que Boorz dist ne chaut a Lyonel, come cil que li anemis avoit eschaufé jusqu'à volonté d'ocirre son frère. 3o Et Boort est toutevoies a genolz devant lui et li. crie merci jointes mains. Quant Lyonels voit qu'il n'i prendra plus et qu'il ne se lèvera mie, si point outre et fiert Boort dou piz

de son cheval si durement qu'il l'abat a terre toz envers, et au chaoir qu'il fist fu molt bleciez; et cil li vet par desus le cors tout a cheval tant que tôt le debrise. Et Boort se pasme de l'angoisse qu'il sent, si qu'il cuide bien morir sanz confession. Et quant Lyonel l'a tel atome qu'il n'a mes pooir de lever, si descent a terre, car il bee a couper li la teste.

Quant il est descenduz et il li volt errachier le hiaume de la teste, lors vint acorant li hermites celé part, qui moût ert vielz hons et anciens, et bien ot oïes les paroles qui lor furent dites. Quant il voit Lyonel qui a Boort voloit couper 10 la teste, si se lesse chaoir sus lui, et dist a Lyonel : « Ha ! frans chevaliers, por Dieu aies merci de toi et de ton frère ! Car se tu l'ocis, tu seras morz de pechié, et il sera trop outrageus domages de lui ; car ce est uns des plus preudomes dou monde et des meillors chevaliers. » — « Se Diex m'ait, '5 sire, fet Lyonels, se vos ne vos fuiez de sus lui, je vos ocirrai et por ce ne sera il mie cuites. » — « Certes, fet li preudons, je voil mielz que tu m'ocies que lui, car il ne sera mie si grant domage de ma mort com de la soe : et por ce voil je mielz morir que il muire. » Si se couche de lonc en lonc 20 de lui, et l'embrace par les espaules. Et quant Lyonels voit ce, si tret l'espee dou fuerre et fiert le preudome si durement qu'il li abat le haterel par derrière. Et cil s'estent qui angoisse de mort destraint.

Quant il a ce fet, si ne se refraint point de son mautalent, 25 ainz prent son frère au hiaume et li deslace por lui couper le chief : si l'eust ocis en petit d'ore, quant vint par la volenté Nostre Seig^nor Calog^renant, uns chevaliers de la meson le roi Artus et compainz de la Table Reonde. Quant il voit le preudome ocis, si se merveille moût que ce estoit. Lors res- 3o garde devaait lui et voit Lyonel qui voloit son frère ocirre, et li avoit le hiaume deslacié : si conoist Boort, qu'il amoit de grant amor. Si saut a terre et prent Lyonel par les espaules

LYONEL MASSACRE CALOGRENANT I9I

et le tire si fort qu'il le tret arriéres et li dit : « Que est ce, Lyonel ? Estes vos fors del sens, qui volez vostre frère ocirre, qui est un des meillors chevaliers que len conoisse ? A non Dieu, ce ne vos soffreroit nus qui preudons fust. » — « Cornent? fet Lyonel, volez le vos rescorre? Se vos plus vos en entremetez, je le lairé et me prendrai a vos. » Et cil le resgarde, qui toz est esbahizde ceste chose, et li dist : « Cornent, fet il, Lyonel ? Est ce a certes que vos le volez ocirre ?» — « Ocirre, fet il, le voil je et ocirrai, que ja por vos ne por autre nel lairai : car il m'a tant meffet qu'il a bien mort deservie. » Lors li recort sus, et le velt ferir parmi la teste. Et Calogrenant se met entre eus deus et dist que, s'il est mes hui tant hardiz qu'il mete main en lui, il est venuz a la mcslee. Quant Lyonel entend ceste parole, si prent son escu et demande Calogrenant qui il est. Et il se nomme ; et quant il le conoist, si le deffie et li cort suz l'espee trete, et li done si grant çop come il puet amener del brant. Quant cil voit qu'il est venuz a la meslee, si cort prendre son escu et tret l'espee. Et il estoit bons chevaliers et de grant force, et se deffent viguereusement. Et dure la meslee tant que Boorz se fu levez en son séant, si angoisseus qu'il ne cuide mes des mois avoir pooir, se Nostre Sires ne li aide. Quant il voit Calogrenant qui a son frère se combat, si est molt a malaise. Car se Calogrenant ocit son frère devant lui, il n'avra ja mes joie, et s'il ocit Calogrenant, la honte en sera soe : car il set bien qu'il ne comença la meslee se por lui non. De cette chose est il molt a malese ; si les alast volenticrs départir, s'il poïst, mes il se delt tant qu'il n'a pooir de soi deffendre ne d'autrui assaillir. Si a tant resgardé qu'il vit Calogrenant au desoz de la bataille. Car Lyonels estoit de grant chevalerie et hardiz durement, et li ot depecié son escu et son hiaume, et tant l'avoit mené qu'il n'i atendoit se la mort non : car tant avoit perdu dou sanc que ce ert merveille coment il se pooit tenir

194 Î-A QUESTE DEL S. GRAAl.

qui seoit desuz la mer. Celé nuit jut laienz ; et quant il sefu endormiz, si vint a lui une voiz qui li dist : « Boort, lieve sus, et va t'en droit vers la mer ou Perceval est qui t'atent sor la rive ! » Quant il ot ceste parole, si saut sus et fet le signe de la croiz en mi son front et prie Nostre Seignor qu'il s le conduie. Il vet la ou il avoit ses armes mises, si les prent et s'arme maintenant, puis vient a son cheval et li met la sele et le frain. Et quant il est appareilliez, por ce qu'il ne veltpas que cil de laienz sachent qu'il s'en aille a tele hore, vet querant par laienz par la ou il s'em puisse aler, tant qu'il troeve >o par derrière le mur percié, ou il avoit bone voie. Si vient a son cheval et monte et s'en vient a la frète dou mur et passe oultre.

Si se part de laienz que nus ne s'en aperçoit ; et chevauche tant qu'a la mer vient, et troeve une nef a la rive, toute coverte d'un blanc samit. Il dèscent et entre dedenz et '5 se comande a Jhesucrist. Et si tost come il est entrez dedenz, si voit que la nef se part de la rive, et li venz se fiert ou voile, qui en meine la nef si grant oirre qu'il semble que ele aille volant par desus les ondes, duant il voit qu'il a failli a son cheval mètre dedenz, si s'en sueffre a tant. Lors resgarde par 20 la nef, mes il ne voit riens, car la nuiz ert noire et oscure, por quoi len n'i pooit pas bien veoir» Il vient au bort de la net et s'acolte ilec et prie Jhesucrist qu'il en tel leu le conduie ou s'ame puisse estre sauve. Et quant il a fête sa proiere, si s'endort jusqu'au jor. 25

duant il se fu esveilliez, il resgarde en la nef et voit un chevalier armé de toutes armes, fors dou hiaume, qui estoit devant lui. Et quant il l'a un poi avisé, si conoist que ce est Perceval le Gallois. Maintenant le cort acoler et fere de lui joie. Et cil devient toz esbahiz de ce qu'il le voit devant lui, 3o car il ne set coment il i puisse estre venuz. Lors li demande qui il est : « Coment, fet Boorz, ne me conoissiez vos pas ?» — « Certes, fet Perceval, nanil, ainz me merveil

BOHORT REJOINT PERCEVAL 19)

molt cornent vos estes ceenz venuz, se Nostre Sires meismes ne vos i aportâ. » Et Boort comence a sorrire de ceste parole, et oste son hiaume. Et lors le conoist Perceval ; si ne seroit pas legiere a aconter la joie qu'il s'entrefirent. Et ^ Boorz li comence a conter cornent il vint a la nef, et par | s quel amonestement. Et Perceval li reconte les aventures qui li estoient avenues en la roche ou il avoit esté, la ou li anemis li aparut en guise de famé qui le mena jusqu'à pechier mortelment. Einsi sont li dui ami ensemble si come Nostre Sires lor avoit apareillié. Si atendent ilec les aven- i« tures que Nostre Sires lor voudra envoler ; si s'en vont tôt contreval la mer une heure arrière et une autre avant, si comme li venz les meine. Si parolent de meintes choses et reconforte li uns l'autre. Et Perceval dit que ore ne li faut il fors Galaad que sa promesse ne li soit rendue. Lors devise a ^5 Boorz comment il li avoit esté pramis. Mes a tant lesse ore li contes a parler d'els et retorne au Bon Chevalier.

Or dit li contes que, quant li Bons Chevaliers se fut partiz de Perceval et il l'ot rescoux des vint chevaliers qui l'avoient entrepris, qu'il se mist ou grant chemin de la Forest Gaste, 20 et erra mainte jornee une hore avant et autre arrière, einsi come aventure le menoit. Si trova laienz mainte aventure qu'il mist a fin, dont li contes ne fetmie mencion, porceque trop i eust a fere s'il vousist chascune dire par soi. Quant li Bons Chevaliers ot grant pièce chevauchié par le roiaume de 25 Logres, en toz les leuz ou il oï parler qu'il eust aventure, si s'em parti et chevaucha vers la mer, si come il li vint en volenté. Si li avint qu'il passa par devant un chastel ou il avoit un tornoiement merveilleux. Mes tant avoient ja cil defors fet que cil dedenz estoient a la fuie, car trop erent cil 30 defors plus et meillor chevalier.

Quant Galaad vit que cil dedenz erent a si grant meschief et que len les ocioit a l'entrée dou chastel, si se torna par devers ax, et pense qu'il lor aidera. Si besse le glaive et fiert le cheval des espérons, et fiert le premier qu'il encontre si durement qu'il le fet voler a terre, et li glaives vole en pièces. 5 Et il met la main a l'espee, come cil qui bien s'en sot aidier, et se fiert la ou il voit la greignor presse, et comence a abatre chevaliers et chevax, et a fere tiex merveilles d'armes que nus nel veist qui a preudome nel tenist. Et messires Gauvains, qui au tornoiement estoit venuz lui et Hestors, 10 aidoient a cels defors ; mes si tost come il virent l'escu blanc a la croiz vermeille, si dist li uns a l'autre : « Veez la le Bon Chevalier ! Or sera fox qui l'atendra, car contre s'espee ne dure armeurenule. » En ce qu'il parloient einsi vint Galaad apoignant vers monseignor Gauvain einsi come aventure le 15 portoit. Si le fiert si durement qu'il li fent le hiaume et la coife de fer. Et messires Gauvains, qui bien cuide estre morz dou coup que il a receu, vole jus des arçons ; et cil, qui ne pot son cop retenir, ataint le cheval par devant l'arçon et le trenche tôt par devant les espaules, si qu'il l'abat mort par 20 desoz monseignor Gauvain.

Quant Hestor voit monseignor Gauvain a pié, si se tret arrière, por ce qu'il voit que ce ne seroit pas sens de celui atendre qui tiex cous set doner, et por ce qu'il le doit garder et amer come son neveu. Et cil point amont et aval et fet ^5 tant en poi d'ore que cil dedenz sont recovré, qui ore estoient desconfit ; si ne finent de ferir et d'abatre, tant que cil defors sont desconfit a fine force et s'en fuient la ou il cuident avoir garant. Et il les enchauce, grant pièce. Et quant il voit qu'il n'est noienz del retorner, si s'en vet si coiement que 3o nus ne set quel part il est alez ; si emporte d'ambesdeus parz le los et le pris del tornoiement. Et messires Gauvains, qui est si angoisseus dou cop qu'il li ot doné qu'il n'en

GALAAD BLËSSË GAtJVAiN 197

cuide mie vis eschaper, dist a Hestor, qu'il vit devant lui : « Par mon chief, ore est avérée la parole qui me fu avant ier dite, le jor de Pentecoste, del perron et de l'espee ou j'avoie mise la main, que j'en recevroie tel cop, ainz que li anz fust passez, que je n'en voldroie estre feruz por un chas- s tel. Et par mon chief, ce est celé espee dont cist chevaliers m'a orendroit féru. Si pui bien dire que la chose est einsi avenue corne ele me fu promise. » — « Sire, fet Hestor, vos a donc li chevaliers blecié einsi corne vos dites ?» — « Certes, fet messires Gauvains, oïl, si que je n'en puis eschaper lo sanz péril, se Diex n'i met conseil. » — « Kt que porrons nos donques fere ? fet Hestor. Or m'est il avis que nostre queste est remese, puis que vos estes si bleciez. » — « Sire, fet il, la vostre n'est mie remese, mes la moie, tant come Diex plaira que je vos sive. » 15

En ce qu'il parloient einsi, assemblèrent ilec li chevalier dou chastel. Et quant il conurent monsignor Gauvain et il sorent qu'il ert ainsi bleciez, si en furent molt corrouciez li plusor : car sanz faille il estoit l'ome dou monde qui plus ertamez d'estrange gent. Si le prenent et l'emportent ou 20 chastel, et le desarment et le couchent en une chambre coie et série, loign de gent. Puis mandent un mire et li font regarder sa plaie et li demandent s'il garra. Et il les aseure qu'il le rendra dedenz un mois sain et haitié en tel manière qu'il porra chevauchier et porter armes. Et cil li creantent 25 que s'il ce puet fere, il li donront tant d'avoir qu'il en sera riches toz les jorz de sa vie. Et il dist qu'il en soient tôt aseur, car il le fera einsi com il l'a dit. Einsi remest laienz messirc Gauvains, et Hestors o lui, qui ne s'en volt onques partir devant qu'il fu gariz. 3o

Et li Bons Chevaliers chevaucha tant, quant il fu del tornoiement partiz, einsi come aventure le menoit, qu'il vint la nuit a deus Hues de Corbenyc. Si li avint qu'il li anuita

Î98 LA QtJEStE DÈL S. GRAAL

devant un hermitage. Et quant il vit que la nuiz fu venue, si descent et apele a l'uis l'ermite, tant qu'il li ovri. Mes quant li hermites voit qu'il est chevaliers erranz, si li dist que bien soit il venuz. Si pense d'osteler le cheval, et li fet oster ses armes. Et quant il est desarmez, si li fet doner a mengier de tel charité corne Diex li avoit donee. Et il la reçut volentiers, come cil qui de tôt le jor n'avoit mengié. Et quant il ot mengié, si s'endormi sus un fes d'erbe qui laienz estoit.

Quant il furent couchié, si vint la une damoisele qui hurta a l'uis et apela Galaad. Et tant que li preudons vient a l'uis, et demande qui ce est quia tele hore velt entrer laienz. « Sire Ulfin, fet ele, je sui une damoisele qui voil au chevalier parler qui laienz est. Car je ai moût grant besoign de lui. » Et li preudons l'esveille et li dist : « Sire chevaliers, une damoisele velt parler a vos, qui la fors est et qui moût a grant besoign de vos, ce me semble. » Et Galaad se lieve lors et vient a li et li demande que ele velt. « Galaad, fet cle, je voil que vos vos armez et montez en vostre cheval et nie sivez. Et je vos di que je vos mostrerai la plus haute aventure que chevaliers veist onques. » Quant Galaad ot ceste novele, si vient a ses armes et les prent et s'arme. Et quant il a mise la sele en son cheval, si monte et comande l'ermite a Dieu, et dist a la damoisele : «• Or poez, fet il, aler la ou vos plaira : car je vos sivrai en quel leu que vos ailloiz. » Et cale s'en va si grant oirre com ele puet trere dou pallefroi, et cil la suit adés. Si ont tant aie qu'il comença a ajorner. Et quant li jorz fu biax et clers, si entrent en une forest qui duroit jusqu'à la mer, et estoit apelee Celibe. Si chevauchierent le grant chemin tout le jor en tele manière qu'il ne burent ne ne mangierent.

An soir après vespres vindrent a un chastel qui seoit en une valee, qui estoit trop bien garniz de toutes choses, et fer-