CHEVAUCHÉE DE GALAAD

mé d'eve corant et de bons murs granz et forz et de fossez hauz et parfonz. La damoisele ala toz jors devant, si entra el chastel et Galaad après. Et quant cil de laienz la virent, si comencierent a dire : « Bien veignoiz, dame. » Si la reçoivent a grant joie, corne celé qui ior dame estoit. Et ele lor dit qu'il facent feste au chevalier, car ce est li plus preudons qui onques portast armes. Et cil le corent desarmer si tost come il l'orent descendu ; et il dist a la damoisele : (( Dame, remaindrons nos mes hui çaienz ?» — « Nanil, fet ele, mes si tost come nos avrons mengié et un petit dormi, nos en irons. » Lors sont assis au mengier ; et après alerent dormir. Et si tost come ele vint ou premier somme, la damoisele apela Galaad et li dist : « Sire, levez sus ! ;; Et il se lieve et cil de laienz aportent cierges et tortiz por ce qu'il i veist a soi armer. Et il monte en son cheval, et la dame prent un escrin trop bel et trop riche et le met devant soi quant ele est montée.

Lors se partent dou chastel et s'en vont grant aleure ; si chevauchent celé nuit moût grand oirre. Et tant errèrent qu'a la mer vindrent. Et quant il sont la venuz, si troverent la nef ou Boorz et Perceval estoient, qui atendoient au bort de la nef; ne il ne dormoient mie, ainz crièrent de loigna Galaad : « Sire, bien veigniez vos î Tant vos avons atendu que or vos avons. Dieu merci ! Et venez avant, car il n'i a fors de l'aler a la haute aventure que Diex nos a apareilliee. » Et quant il les ot, si lor demande qui il sont et por coi il dient qu'il l'ont tant atendu. Si demande a la damoisele se ele descendra. « Sire, fet ele, oïl. Et lessiez ci vostre cheval, car je i lesseré le mien. » Et il descent maintenant et oste a son cheval la sele et le frain, et au palefroi a la damoisele ausi. Si fet le signe de la croiz en son front et se comande a Nostre Seignor. Si entre en la nef et la damoisele après. Et li dui compaignon les reçoivent a si grant joie et a si grant feste come il pueent plus. Et maintenant comença la nef a aler grant

200 LA aUESTE DEL S. GRÂAL

aleure parmi la mer, car li venz se feroit enz granz. Si vont tant en poi d'ore qu'il ne voient terre ne loign ne près. Et lors fu ajorné, si s'entreconurent ; et plorent tuit troi de la joie qu'il ont de ce que si s'estoient entretrové.

Lors osta Boorz son hiaume et Galaad le suen et s'espec, 5 mes son hauberc ne volt il pas oster. Et quant il voit la nef si bêle et par defors et par dedenz, si demande as deus compaignons se il sevent dont si bêle nef vint. Et Boorz dit qu'il n'en set riens. Et Perceval l'en conte ce qu'il en set, et li dit tout einsi come il li estoit avenu en la roche, et cornent li 1° preudons qui prestres li sembloit l'i avoit fet entrer. « Et bien me dist qu'il ne demorroit mie granment que je vos avroie en ma compaignie ; mes de ceste damoisele ne me dist il onques riens. » — « Par foi, fet Galaad, ceste part ne fusse je ja venuz, a mon escient, se ele ne nri eust amené. Dont len 15 puet dire que g'i sui plus venuz par lui que par moi. Car en ceste voie ne fui je onques mes, et de vos deus, compaignons, ne cuidasse je ja mes oïr parler en si estrange leu com cist est. » Et il s'en comencent a rire.

Lors conte li uns a l'autre de ses aventures, tant que Boorz 20 dist a Galaad : « Sire, se or fust ci messires Lancelot vostre pères, il me fust avis que riens ne nos fausist. » Et cil dist qu'il n'i puet estre, puis qu'il ne plest a Nostre Seignor.

A tiex paroles errèrent tant qu'il fu hore de none ; et lors porent il estre auques esloignié del roiaume de Logres, car 25 la nef ot lote la nuit coru et tout le jora plein voile. Et lors arivent entre deus roches en une isle sauvage, si reposte que ce estoit merveille, et sanz faille ce ert uns regort de mer. Et quant il furent ilec arrivé, si virent devant ax une autre nef oultre une roche ou il ne poissent ja avenir se il n'i 30 alassent a pié. « Biau seignor, fet la damoisele, en celé nef la est l'aventure por coi Nostre Sires vos a mis ensemble : si vos covient issir de ceste nef et aler i. » Et il dient que si