LA NEF MERVEILLEUSE

feront il volentiers. Si saillent fors et prennent la d^moiseleet la metent fors ; puis atachent lor nef, que li floz ne la face esloignier. Quant il sont sus la roche, si s'en vont li uns après l'autre celé part ou il voient la nef. Et quant il sont la venu, si la troevent assez plus riche que celé dont il estoientissu; mes il se merveillent moût de ce qu'il ne voient home ne famé dedenz. Et il se traient plus près pour resgarder s'il verroient rien. Et il resgardent el bort de la nef et voient letres escrites en caldieu, qui disoient une moût espoantable parole et douteuse a toz cels qui i volsissent entrer ; et fu dite en tel manière :

Oz TU, HONS QUI DEDENZ MOI VELS ENTRER, QUI QUE TU SOIES, BIEN RESGARDE QUE TU SOIES PLEINS DE FOI, CAR JE NE SUI SE FOI NON. Et POR ce RESGARDE BIEN, AVANT QUE TU I ENTRES, QUE TU NE SOIES ENTECHIEZ, CAR JE NE SUI SE FOI NON ET CREANCE. Et SI TOST COME TU GUENCHIRAS A CREANCE, JE TE GUENCHIRAI EN TEL MANIERE QUE TU n'aVRAS DE MOI SOUS- TENANCE NE AIDE, AINZ TE FAUDRAI DEL TOUT, EN QUEL LEU QUE TU SOIES ACONSEUZ DE MESCREANCE, JA SI POI n'i SERAS ATAINZ.

Quant il conoissent les letres, si resgarde li uns l'autre. Lors dist la damoisele a Perceval : « Savez vos, fet ele, qui je sui ?» — « Certes, fet il, nanil ; onques a mon escient ne vos vi. )) — « Sachiez, fet ele, que je sui vostre suer et fîUe au roi Pellehen. Et savez vos por quoi je me sui fet conoistre a vos ? Por ce que vos me créez mielz de ce que je vos dirai. Je vos di premièrement, fet ele, com a la riens que je plus aim, que se vos n'estes parfetement creanz en Jhesucriz, que vos en ceste nef n'entrez en nule manière, car bien sachiez que maintenant i péririez. Car la nef est si haute chose que nus entechiez de mal vice n'i puet remanoir sanz péril. »

Quant Perceval ot ce, si la resgarde et avise tant qu'il conoist que ce est sa suer. Et lors li fet moût grant joie et li dit : « Certes, bêle suer, je i entrerai ; et savez vos por quoi ? Por ce

iOl LA QtfËSTÈ DÈL S. GRAÀL

que, se je sui mescreanz, que je i périsse corne desloiax, et se je sui pleins de foi et tiex corne chevaliers doit estre, que je soie sauvez. » — « Or i entrez donc, fet ele, seurement, que Nostre Sires vos i soit garanz et deffense. »

En ce que ele disoit ce, Galaad, qui estoit devant, hauce s sa main et se seigne et entre enz. Et quant il est dedenz, si comence a resgarder d'une part et d'autre, et la damoisele entre après et se seigne a l'entrer. Et quant li autre voient ce, si n'atargent plus, ainz entrent enz. Et quant il ont bien resgardé sus et jus, si dient qu'il ne cuidoient mie que en mer lo ne en terre eust nule si bêle nef ne si riche come celé lor semble. Et quant il ont cerchié partout, si resgardent ou cors de la nef et voient un moût riche drap estendu en guise de cortine, et par desoz un moût bel lit grant et riche.

Galaad vint au drap, si le sozlieve et resgarde desoz ; et vit 15 le plus bel lit qu'il onqucs vcist. Car li Hz ert granz et riches, et avoit au chevet une corone d'or moût riche, et as piez avoit une espee qui moût estoit bêle et clere, et fu ou travers dou lit trete dou fuerre bien demi pic.

Celé espee ert de diverse façon : car li ponz estoit d'une 20 pierre qui avoit en soi toutes les colors que len puet trover en terre. Et si avoit encore autre diversité qui valoit encor plus : carchascune des colors avoit en soi une vertu. Et encor devise li contes que l'enheudeure estoit de deus costes, et ces deus costes estoientde deus diverses bestcs. Car la première estoit 25 d'une manière de serpent qui converse en Calidoine plus que en autre terre ; si est apelezicil serpenz papalustes ; et de cel serpent est tele la vertu que se nus bons tient nule de ses costes ou aucun de ses os, il n'a garde de sentir trop grant chalor. De tel manière et de tel force estoit la coste première. Et 3o l'autre estoit d'un poisson qui n'est mie trop granz, et si converse ou flum d'Eufrate, et ne mie en autre eve, et cil poissons est apelez ortenax. Si sont ses costes de tel manière que

L*ÉPÊE iÔ^

se nus hons en prent une, ja tant corne il la tendra ne li sovendra de joie ne de duel qu'il ait eu, fors seulement de celé chose por quoi il l'avra prise. Et maintenant qu'il l'avra mise jus repensera ausi corne il estoit acostumé, en manière de naturel home. Itel vertu avoient les deus costes qui estoient 5 en l'enheudeure de l'espee, et si erent covertes d'un vermeil drap trop ridie, tout plein de letres qui disoient :

Je sui merveille a veoiret a conoistre. Car onoues nus ne me pot empoignier, tant eust la main grant, ne ja ne fera, fors un tot sol ; et cil passera de son mestier toz lo gels q.ui devant lui avront esté et qui après lui vendront.

Einsi disoient les letres de l'enheudeure, et si tost com cil les ont leues, qui assez savoient de letres, si resgarde li uns l'autre, et distrent : « Par foi, ici puet on veoir merveilles. » — ((A non Dieu, fet Perceval, je essaieré se je ceste espee 15 porroie empoignier. n Si met la main a l'espee, mes il ne puet l'enheudeure empoignier. « Par foi, fet il, or cuit je bien que ces letres dient voir. » Lors i remet Boorz la main, mes il n'i puet riens fere qui vaille. Et quant il voient ce, si dient a Galaad : «Sire, essaiez a ceste epee. Car nos savons bien que 20 vos achèverez ceste aventure, a ce que nos i avons failli. » Et il dist qu'il n'i essaiera ja. «Car je voi, fet il, assez greignors merveilles que je ne vi onques mais. » Lors resgarde l'alemele de l'espee, qui tant estoit trete dou fuerre com vos avez 01 ; et voient autres letres vermeilles come sanc, qui 25 disoient :

Ja nus ne SOIT TANT HARDIZ QUI DOU FUERRE ME TRAIE, SE IL NE DOIT MIELZ FERE QUE AUTRE ET PLUS HARDIEMENT. ET QUI AUTREMENT ME TRERA, élEN SACHE IL QU'iL n'eN FAUDRA JA A ^ ESTRE MORZ OU MEHAIGNIEZ. Et CESTE CHOSE A JA ESTÉ ESPROVÈE 3o AUCUNE FOIZ.

Quant Galaad voit ceste chose, si dist : « Par foi, je voloie rere ceste espee ; mes puis que li dcifens i est si granz, je n'i

melrai ja la main. » Autretel dist Perceval et Boorz. « Biaux seignors, fet la damoisele, sachiez que li treres est veezatoz, fors a un sol, et si vos dirai cornent il en avint n*a pas lonc tens.

« Voirs fu, fet la damoisele, que ceste nef arriva ou roiaume de Logres, et a celui tens avoit il guerre mortel entre le roi Lambar, qui fu pères a celui roi que len apele le Roi Mehaignié, et le roi Varlan, qui ot esté sarrazins toz les jorz de sa vie, mes lors avoit esté crestiennez novelement, si que len le tenoit a un des plus preudeshomes del monde. Un jor avint que li rois Lambars et li rois Varlans orent lor ost assemblée en la marine ou la nef estoit arivee, et tant que li rois Varlans fu tornez a desconfitùre. Et quant il se vit desconfit et ses homes ocis, si ot poor de morir. Si vint a ceste nef, qui la estoit arivee, et sailli dedenz. Et quant il ot 15 trovee ceste espee, si la trest fors del fuerre et issi fors. Et trova le roi Lambar, l'ome del monde de crestiens ou il avoit greignor foi et greignor créance et ou Nostre Sires avoit greignor part. Et quant li rois Varlans vit le roi Lambar, si dreça l'espee et le feri amont ou hiaumc, si durement qu'il fendi 20 lui et le cheval jusqu'en terre. Itiex fu li premiers cox de ceste espee, qui fu fet ou roiaume de Logres. Si en avint si grant pestilence et si grant persecucion es deus roiaumes, que onques puis les terres ne rendirent as laboureors lor travaus, car puis n'i crut ne blé ne autre chose, ne li arbre ne portèrent fruit, 25 ne en l'eve ne furent trovc poisson, se petit non. Et por ce a len apelee la terre des deus roiaumes la Terre Gaste, por ce que par cel doulereus cop avoit esté agastie.

« Quant li rois Varlans vit l'espee si trenchant, si pensa qu'il retorneroit por prendre le fuerre. Et lors revint à la nef 3o et entra dedenz et remist l'espee ou fuerre ; et si tost come il ot ce fet, si chaï morz devant cest lit. Einsi fu esprovee ceste espee, que nus ne la treroit qui ne fust morz ou mehaigniez.

l'épée 205

Si remest H cors le roi devant cest lit, tant que une pucele ' l'en gita fors ; car il n'avoit ilec home si hardi qui dedenz ceste nef osast entrer, por le deffens que les letres dou bort fesoient. »

— « Par foi, fet Galaad, ci ot assez bêle aventure ; et je croi 5 bien qu'il avenist einsi : car de ce ne dout je mie que ceste espee ne soit assez plus merveilleuse que autre. » Et lors vet avant portrere la. « Ha ! Galaad, fet la damoisele, soffrez vos encor un petit, tant que nos aions bien regardées les merveilles qui i sont. » Et il la lesse maintenant, et lors comencent 1° a resgarder le fuerre, mes il ne sevent de quoi il puisse estre, s'il n'est de cuir de serpent. Et neporquant il voient qu'il est vermeuz come fueille de rose, et si ot desus letres escrites les unes d'or et les autres d'azur. Mes quant ce vint au resgarder les renges de l'espee, si n'i ot nus qui ne s'en mer- 15 veillastplus que onques mes. Car il voient que les renges n'avenissent pas a si riche brant come cil ert : car eles erent de si vil matière et de si povre come d'estoupes de chanvre, et e3toient si foibles par semblant qu'il lor ert avis qu'eles ne poissent mie soslenir l'espee une hore sanz rompre. Et les 20 letres qui estoient ou fuerre disoient :

tiL QUI ME PORTERA DOIT ESTRE MOUT PLUS PREUZ ET MOUT PLUS SEURS QUE NUS AUTRES, SE IL ME PORTE SI NETEMENT COME IL ME DOIT PORTER. CaR JE NE DOI ENTRER EN LEU OU IL AIT ORDURE NE PECHIÉ. Et QUI m'i METRA, BIEN SACHE IL QUE CE SERA 25 CIL QUI PRIMES s'en REPENTIRA. MeS s'iL ME GARDE NETEMENT, IL PORRA PARTOUT ALER ASEUR. CaR LI CORS DE CELUI A QUI COSTÉ JE PENDRAI NE PUET ESTRE HONIZ EN PLACE TANT COME IL SOIT CEINZ DES RENGES A QUOI JE PENDRAI. Ne JA NUS NE SOIT SI HARDIZ QUI CES RENGES, QUI CI SONT, EN OST POR RIEN I CAR IL n'eST PAS 3o OTROIÉ A HOME QUI OR SOIT NE QUI A VENIR SOIT. CaR ELES NE DOIVENT ESTRE OSTEES FORS PAR MAIN DE FAME ET FILLE DE ROI ET DE REINE. Si EN FERA TEL ESCHANGE QUE ELE I METRA UNES

AUTRES DE LA RIEXS DE SUS LI QUE ELE PLUS AMERA, ET SI LES METRA EN LEU DE GESTES. Et SI COVIENT QUE LA DAMOISELE

soit toz les jorz de sa vie pucele en volenté et en oevre. Et s'il avient que ele enfraigne sa virginité, aseur soit ele que ele morra de la plus vil mort que nule fame

PUISSE MORIR. Et CELE DAMOISELE APELERA GESTE ESPEE PAR SON DROIT NON ET MOI PAR LE MIEN ; NE JA DEVANT LA NE SERA NUS QUI PAR NOZ DROIZ NONS NOS SAGHE NOMMER.

Quant il ontlesletres leues, si comencentarireetdientque ce sont merveilles a veoir et a oïr. « Sire, fet Perceval, tornez lo ceste espee, si verroiz qu'il a de l'autre part. » Et il la torne maintenant sus l'autre costé. Et quand il l'ot tornee, si virent que ele estoit rouge corne sanc de l'autre part, et si i avoit letres qui disoient :

Cil qui plus me prisera plus i trovera a blasmer au grant besoign que il nel porroit cuidier ; et a celui a qui je

DEVROIE ESTRE PLUS DEBONERE SERAI JE PLUS FELONESSE. Et CE n'aVENDRA FORS UNE FOIZ, CAR EINSI LE COVIENT ESTRE A FORCE.

^Tex paroles disoient les letres qui de celé part estoient. Et quant il virent ce, si sont plus esbahi que devant. « En non Deu, fet Perceval a Galaad, ge vos voloie dire que vos preissiez ceste espee. Mes puis que ces letres dient qu'ele faldra au grant besoing, et qu'ele sera felenesse la ou ele devra estre debonere, ge ne vos loeroie pas que vos la preissiez : car 25 ele vos porroit honir a un cop, et ce seroit trop grant damage. » Quant la damoisele oit ceste chose, si dist a Perceval n« Biax frères, fet la damoisele, ces deus choses sont ja avenues, et si vos dirai quant ce fu, et a quel gent eles avindrent, por quoi nus ne doit douter a prendre ceste espee por quoi il en soit dignes.

« Il avint jadis, bien a quarante ans après la Passion Jhesucrist, que Nasciens, li serorges le roi Mordrain, fu portez en