HISTOIRE DE L ÉPÉE 2G

une nue plus de quatorze jornees loign de son pais par le comandement Nostre Seignor, en une isle vers le païs d'occident : si apeloit len celé islel'IsleTornoiant. Et quant il vint la, si avint que il ceste nef ou nos sommes trova a l'entrée d'une roche. Et quant il fu dedenz entrez et il ot trové cest lit et ceste espee ausi corne vos la vecz ore, si la resgarda grant pièce et la covoita tant a avoir que ce fu merveille. Et neporquant il n'avoit mie hardement de trere la. Si chaï einsinten voloiret en desirier d'avoir la. Si demora uit jorz en la nef sa^nz boivre et sanz mengier se petit non. Au novieme jor li avint que uns venz granz et merveilleus le prist, qui le fist partir de l'Isle Tornoiaht et l'emporta en une isle d'occident molt loign d'ilec. Si arriva tout droit devant une roche. Et quant il fu a terre, si trova un jaiant, le plus grant et le plus merveilleus dou monde, qui li cria qu'il estoit morz. Et il ot doute de morir quant il vit cel maufé qui vers lui acoroit. Si regarda entor lui ; mes il ne vit rien dont il se poïst deffendre. Lors corut a l'espee, corne cil qui angoisse de morir et doutance semonoit, si la trest fors dou fuerre. Et quant il la vit nue, si la prisa tant qu'il ne poïst riens tant prisier. Lors la comença a branler contremont ; mes au premier branle li avint que ceste espee brisa par mi. Lors dist que la chose qu'il avoit plus prisiee el monde devoit il plus blasmer, et par droit, por ce que au grant besoign li estoit faillie.

« Lors remist les pièces de l'espee sus le lit et sailli fors de la nef, et s'ala combatre au jaiant et l'ocist. Puis revint en la nef. Et quant li venz se fu feruz ou voile par aventure, si erra par mi la mer, tant qu'il encontra une autre nef qui ert le roi Mordrain, qui molt avoit esté guerroiez et assailliz de l'anemi a la roche dou Port Perillex. Quant li uns vit l'autre, si s'entrefirent moût grant joie, come cil qui molt s'entr'amoient de grant amor. Si demanda li uns a l'autre de son estre et de ses aventures qui li erent avenues. Et tant que

2o8 LA QUESTE DEL S. GRAAL

Nasciens dist : « Sire, je ne sai que vos me direz des aven- « turesdou monde. Mes puis que vos neme veisîesmes, vosdi « je qu'il m'avint une des plus merveilleuses aventures dou « monde, ne qui onques au mien escient avenist a home. » Lors li conte coment il li estoit avenu de la riche espee, coment ele li estoit brisiee au grand besoign, quant il en cuida ocierre le jaiant. — « Par foi, fist il, merveilles me dites. Et de celé « espee que feistes vos ?» — « Sire, fet Nasciens, je la mis ou a je la pris. Si la poez venir veoir s'il vost plest, car ele est « çaienz. » Lors se parti li rois Mordrains de sa nef et entra en la Nascien et vint au lit. Et quant il vit les pièces de l'espee qui ert brisiee, si la prisa plus que riens qu'il eust onques mes veue. Si dist que celé briseure njavoit pas esté fête par mauvestié de l'espee ne par defaute, mes par aucune senefiance ou par aucun pechié de Nascien: Lors prist les deus pièces et les remist ensemble. Et si tostcome li dui acier furent josté ensemble, si resouda l'espee ausi legierement com ele avoit esté brisiee. Et quant il vit ce, si comença maintenant a sorrire et dist : « Par Dieu, merveilles est des « vertuz Jhesucrist, qui solde et fraint plus legierement que « len ne porroit cuidier. » Lors remist l'espee ou fuerre et la coucha la ou vos la veez ore. Et maintenant oïrent une voiz qui lor dist: « Issiez fors de celé nef et entrez en l'autre, car « par poi que vos ne chaez en pechié, et se vos en pechié estes a trovez tant corne vos seroiz çaienz, vos n'en poez eschaper « sanz périr. » A tant issirent de la nef et entrèrent en une autre. Et en ce que Nasciens entroit de l'une en l'autre, si fu feruz d'une espee en lançant par mi l'espaule si durement qu'il chaï en la nef arrière ; et^u chaoir qu'il fist dist il : « Ha ! « Diex, corne je sui bleciez ! »^Lors oï une voiz qui li dist : « Ce « est por le forfet que tu feis de l'espee que tu tresis : car tu n'i « dévoies pas adeser, car tu n'en estoies pas dignes. Or si te « regarde mielz une autre foiz d'aler contre ton Creator. •>

HISTOIRE t)E LËPÊE 2Ô<)

« En tel manière avint ceste parole corne je vos ai devisee, qui ci est escrite : Cil qui plus me prisera plus i trovera A blasmer au grant besoign. Car cil ou monde qui plus prisa ceste espee, ce fu Nasciens, et ele li failli au grant besoign si come je vos ai conté. »

— a A non Dieu, fet Galaad, de ceste chose nos avez vos' bien fait sages. Or si nos dites coment l'autre avint. » — « Volentiers, fet la damoisele.

« Voirs fu, fet ele, que li rois Parlan, que len apele le Roi Mehaignié, tant come il ot pooir de chevauchier essauça moût sainte crestienté, et honora povre gent plus que nus que len seust, et fu de si bone vie que len ne trovast son pareil en crestienté. Mes un jor chaçoit en un suen bois qui duroit jusqu'à la mer, et tant que il perdi chiens et veneors et ses chevaliers touz, fors un sol qui ses cousins germains estoit. Et quant il vit qu'il ot perdue toute sa compaignie, si ne sot que fere ; car il se veoit si parfont en la forest que il n'en savoit coment issir, com cil qui n'avoit pas la voie aprise. Lors se mist ou chemin entre lui et son chevalier, et erra tant qu'il vint sor le rivage de la mer par devers lUande. Et quant il i fu venuz, si i trova ceste nef ou nos sommes ore : si vint au bort et trova les letres que vos avez veues. Et quant il les vit, si ne s'esmaia pas, com cil qui ne se sentoit mie meffez vers Jhesucrist de totes les bontez que chevaliers terriens poïst avoir. Lors entra en la nef toz sels, car li chevaliers ses compainz n'ot pas le hardement qu'il i entraist. Quant il ot trovee ceste espee, si la trest del fuerre tant com vos poez veoir, car devant ce ne paroit il point de l'alemele. Et toute l'eust il trete sanz targier ; mes maintenant entra laienz une lance, dont il fu feruz par mi oultre les deus cuisses, si durement qu'il en remest mehaigniez si com il apert encore, ne onques puis n'en pot garir, ne ne fera devant que vos vendroiz a lui. Et einsi fu

s. GRAAL. 14

il mehaigniez par le hardement que il fist. Et por icele venjance dist len que ele li fu felonnesse qui li deust estrc debonere : car il ert li mieldres chevaliers et li plus preudons qui alors fust. »

— « A non Dieu, damoisele, font il, tant nos en avez dit que nos veons or bien que por ces letres ne doit on mie lessier a prendre ceste espee. »

Lors resgardent le lit et voient qu'il est de fust et n'est pas couche. Et ou mileu par devant avoit un fuissel qui estoit enfichié par mi le fust qui ert du long dou lit par k devant, si qu'il ert contremont toz droiz. Et d'autre part derrière outre en l'autre esponde en avoit un autre qui toz estoit droiz, et si estoit très endfoit celui. De l'un des fuissiaux jusqu'à l'autre avoit tant d'espace com li Hz ot de lé. Et desus ces deus fuissiaux avoit un autre menu quarré 15 qui estoit chevilliez en l'un et en l'autre. Et li fuissiaux qui par devant ert fichiez estoit plus blans que noif negiee ; et cil derrières ert ausi rouges come goûtes de vermeil sanc ; et cil qui aloit par desus ces deus ert ausi verdoianz come esmeraude. De ces trois colors estoient li troi fuissel 20 desus le lit ; et si sachiez veraiemcnt que ce estoient naturiex colors sanz peinture, car eles n'i avoient esté mises par home mortel ne par famé. Et por ce que maintes genz le porroient oïr qui a mençonge le tendroient, se len ne lor faisoit entendant coment ce poroit avenir, si s'en 25 destorne un poi li contes de sa droite voie et de sa matière por deviser la manière des trois fuissiax qui des trois colors

estoient.

Or dit li contes dou Saint Graal ci endroit que quant il avint chose que Eve la pécheresse, qui la première famé fu, 30 ot pris conseil au mortel anemi, ce fu au deable, qui des