CONSÉCRATION DE LA NEF

ne savroient il deviser la senefiance de ceste nef se Nostre Sires ne lor enseignoit, ne tu meesmes, qui l'as fête, ne ses que ele senefie. Ne encor por chose que tu aies fête ne savra li chevaliers que j'aie noveles oies de lui, se Nostre Sires n'i met autre conseil. » — « Or la lessiez einsi, fet ele, car 5 vos en orroiz par tens autres noveles que vos ne cuidiez, »

Celé nuit jut Salemons en un suen paveillon devant la nef a petit de compaignie. Et quant il fu endormiz, il li fu avis que de vers le ciel venoit uns hons o grant compaignie d'anges, qui descendoient en la nef aval. Et quant il i ert i^' entrez, si prenoit l'eve que li uns des anges aportoit en un saiel d'argent, si en arousoit tote la nef, et puis venoit a l'espee et escrivoit letres ou pont et en l'enheudeure ; et après ce venoit au bort de la nef et i fesoit ausi letres. Et quant il avoit ce fet, si s'aloit couchier ou lit, ne des lors 15 en avant ne savoit Salemons que il devenoit, ainz s'esvanoissoit entre lui et sa compaignie.

L'endemain au point dou jor, si tost come Salemons fu esveilliez, si vint a la nef et trova el bort letres escrites qui disoient : Oz tu, hons qui dedenz moi velz entrer, 20

GARDE QUE TU n'i ENTRES SE TU n'eS PLEINS DE FOI, CAR JE NE SUI SE FOI NON ET CREANCE. Et SI TOST COM TU GUENCHIRAS A CREANCE, JE TE GUENCHIRAI EN TEL MANIERE QUE TU n'aVRAS DE MOI NULE SOUSTENANCE NE AIDE, AINZ TE LERAI CHAOIR DE QUELE HORE QUE TU SERAS ATAINZ EN MESCREANCE. 25

Quant Salemons vit ces letres, si fu si esbahiz qu'il n'osa entrer dedenz, ainz se trest arriéres ; et la nef fu maintenant empeinte en mer et s'en ala si très grant oirre qu'il en ot perdue la veue en petit de tens. Et il s'asist a la rive ; si comença a penser a ceste chose. Et lors descendi une voiz 3o qui li dist : « Salemons, li derreains chevaliers de ton lignage se resposeraen cest lit que tu as fet, et savra noveles de toi. » De ceste chose fu Salemons moût liez ; si esveilla sa famé

s. GRAAL. 15

et cels qui o lui estoient, et lor conta l'aventure, et tist a savoir as privez et as estranges cornent sa famé avoit mené a chief ce ou il ne savoit mètre conseil. Et par ceste raison que li livres vos a devisee vos dit li contes par quel raison la nef fu fête, et por quoi et cornent li fuissel erent de naturel 5 color blanc et vert et vermeil sanz peinture nule. Si s'en test li contes a tant et parole d'autre chose.

Or dit li contes que grant pièce regardèrent li troi compaignon le lit et les fuissiax, et tant qu*il conurent que li fuissel estoient de naturel color sanz peinture ; si s*en merveillierent moût, car il ne sorent cornent ce pooit avenir. Et quant il l'orent assez regardé, si levèrent le drap et virent desoz la coronne d'or, et desoz la coronne une aumosniere molt riche par semblant. Et Percevax la prent et oevre, et troeve dedenz un brief. Et quant li autre voient ce, si dient 15 que, se Diex plest, cist briés les fera certains de la nef et dont elevintetqui la fist premièrement. Lors comence Perceval a lire ce qui ert ou brief, et tant qu'il lor devise la manière des fuissiax et de la nef einsi corne li contes l'a devisee. Si t n'ot celui laienz qui assez n*en plorast tandis corne il escou- 20 toient, car de haut afere et de haute ligniee lor fesoit cil remembrance.

Quant Perceval lor a devisee la manière de la nef et des fuissiax, si dist Galaad : « Biax seignor, or nos covient aler quierre la damoisele qui ces renges changera et metra unes 25 autres : car sanz ce ne doit nus ceste espee remuer de ceenz. » Et il dient qu'il ne savent ou il la truissent. « Et neporquant, font il, toutevoies irons nos volentiers en queste, puis que fere le covient. » Quant la damoisele qui suer Perceval estoit les 01 si d^menter, si lor dist : « Sèi- 3o