LA LÉPREUSE
lor dist : « Seignor, ceste damoisele que vos menez o vos est ele pucele ?» — « Par foi, fet Boorz, pucele est ele, voirement le sachiez. » Et quant cil ot la parole, si giete la main et aert la damoisele au frain et dist : « Par sainte Crois, vos ne m'eschaperoiz devant que vos aiez rendue la : costume de cest chastel. » Quant Perceval voit le chevalier qui sa seror tient en tel manière, si l'en poise molt et li dist : « Sire chevaliers, vos n'estes pas sages de ce dire. Car pucele, en quel leu que ele viegne, est franche de toutes costumes, meesmement si gentil famé corne i< ceste, qui fu fille de roi et de reine. » Endementres qu'il parloient einsi, si issirent del chastel jusqu'à dis chevaliers armez, et avec aux Venoit une damoisele qui tenoit une escuele d'argent en sa main. Et cil dient as trois compaignons : « Biaux seignors, il covient a fine force que celé iî damoisele que vos menez rende la costume de cest chastel. » Et Galaad demande quele costume ce est. « Sire, fet uns chevaliers, chascune pucele qui par ci passe doit rendre pleine ceste escuele del sanc de son braz destre, ne nule n'i passe qui ne s'en aquit. » — « Dehez ait, fet 2< Galaad, fauz chevaliers qui ceste costume establi, car certes ele est mauvese et vilaine. Et se Diex me consaut, a ceste damoisele avez vos failli .; car tant come je aie santé et ele me croie, ne vos rendra ele ce que vos demandez. » — « Si m'ait Diex, fet Perceval, je voldroie mielz estre 2= ocis \ » — « Et je ausi, » fet Boorz. — « Par foi, fet li chevaliers, et vos i morroiz donques tuit ; car vos n'i porriez durer se vos estiez li meillor chevalier de tout le monde. »
Lors lessent corre li un as autres. Si avint que li troi 3c compaignon abatirent les dis chevaliers ainz qu'il eussent lor glaives despeciez. Puis metent les mains as espees et les vont ociant et abatant ausi come se fussent bestes. Si
les eussent ocis assez legierement, quant cil dou chastel issirent fors a tout seisante chevaliers armez qui les secorent. Et devant ax vient uns vielx bons qui dist as compaignons : « Biau seignor, aiez merci de vos meismes, et ne vos fêtes mie ocirre ; que certes ce seroit domages, 5 car trop estes preudome et bon cbevalier. Et por ce vos voldrions nos proier que vos nos rendissiez ce que nos vos demandons. » — « Certes, fet Galaad, por noient en parleriez. Car ja ne vos sera rendu tant corne ele me croie. » — « Cornent, fet cil, volez vos donc morir ?» — « Nos 10 ne sommes encor mie la, fet Galaad. Certes nos voldrions mielz morir que soffrir tel desloiauté com vos demandez. » Lors comence la meslee grant et merveilleuse d'une part et d'autre ; si ont les compaignons assailliz de toutes parz. Mes Galaad, qui tint l'Espee as estranges renges, fiert 13 destre et senestre et ocit quanqu'il ateint, et fet tiex merveilles qu'il n'est bons qui le veist qui cuidast' qu'il fust bons terriens, mes aucuns monstresi Si vet toz dis avant en tel manière que onques ne retorne, ainz conquiert terre sor ses anemis. Et ce li vaut molt que si compaignon li aident 20 destre et senestre, si que nus ne puet avenir a lui fors par , devant. 1
En tel manière dura la bataille jusqu'après none, que li troi compaignon n'en orent onques le peor ne onques n'en perdirent place. Et tant se tindrent que la nuiz fu venue 25 noire et oscure, qui a force les fist départir ; si que cil dedenz distrent qu'il lor covenoit la bataille lessier. Lors revint li preudons as trois compaignons, qui autre fois i avoit parlé, et lor dist : « Seignor, nos vos prions par amor et par cortoisie que vos bui mes veigniez berbergier 30 o nos. Et nos vos creantons loiaument que nos vos remetrons demain en tel point et en tel estât corne vos estes ore. Et savez vos por coi je le di ? Je sai veraiement que
